Sekaraia 10:11 - Godigo dwagi yai po buku

¹¹ Te eno augwali augwa page bulu muba ma odasa asaibao. Te Isip dabe me Asiria dabego te augwali asabo sunumi te moni ąį biksigo panibo tiwai ebaso da, teda eno augwali hani si aiyaba elalueibao. Te Isip dabego bomo menia selama, tama genuai pabo ąį Nail sula sabo tiwai yaibao. Tama eno te Asiria dabego genuai bomo aiyaba elalueibao.

Sekaraia 10:11 Referans Kwoze

Esekiel 30:13

“Ena Genuai Bidi eno po genina ma weyu, te po wali. Te eno te taun Memfis te Isip bulude te tibo god dabe piksa noma sese tama mu silaibao. Te eno Isip dabego king sela sąnama, tama Isip dabego king meni emainu yaibao. Tama eno te Isip dabe augwali wi dwai mu emainu ilaibao.

Aisaia 43:2

Dagego te ąį gebo aiyanu dulai te nogebo sogo, te ena dage dali bidaibao, tama te ąįgo dage me dologobeo. Awe, dage te soabo ąį nogebo si, te ąįgo dage mesegelegobeo. Tama dage te posolo yai sia tomoba mu pabo sogo, te siago dage me dogobeo. Te sia bogoligo dage dogobeo.

Kraisgo Geme Dualali Sę Pedelabo Po Jonbolo Ola Mani 16:12

Te sę silama, tama te a naga olama me badu nogo deli wali te ensel mobo bidi aga pou te genuai ąį nogi Yufretis te ąįba te gelai. Tama te ąį tigidali wa pela tama te giliga pedalobo badu tuni bidi dabe asabo tų sisilama tonaluai dao.

Sefanaia 2:13

Tama aga bomogo naga Genuai Bidigo te kantri Asiria we bidi dola silaibao. Te kantri te not badu te elalubao. Tama agai augwaligo genuai taun Ninive dolaibao. Tama te taun te olo nai meni yai olo tǫ wa pai bulu elaluaibao, tama bidi te bulude me bidigobeo.

Aisaia 51:10

Nago tama nago te tamu ąį sula somainu ilama, te sunumi tomodu pedelali, te nago ma sali we bidi dabe soabo sunumi nigilai dao.

Aisaia 14:25

Te Asiria dabe eno tǫba aselama, tama eno we bidi sęgę tolomainu yaibao. Te Israel dabe te bulmakau kibu tiwai bidibao. Te bidigo sęgai ni name magede munama, tama sę emainu tonalubo tiwai yaibao. Tiali goli, te Asiria dabe Israel dabego bulu dude dabe bidibadi yaide, teda eno augwali agalama, mimieibao. Tama te genuai sęgę Israel dabego tolali, te sęgę dabe sese mu tama silaibao,” wali.

Godigo Nogi Ugwaba Sabo Tęąbi Po Wabo Buku Dabe 114:5

Tamu ąį, magi nai pedalubaso, nage wi paliwe? Jordan wę, magi baso tama nage ma soabewe?

Godigo Nogi Ugwaba Sabo Tęąbi Po Wabo Buku Dabe 114:3

Te nosa elalubo tamu ąį agai te tonono elama, tama wi palio, tama te wę Jordan dolalu, tama te wę ma soabeo.

Esra 6:22

Augwa te wiegi yai homu pemene ebo te me sela, me sela, me deli, te 7 tama sogo elama, tama te bo disąwai nai bret tuali sogo, te genuai side yali kolesaga te wali palio. Augwaligo homu pemene yali te genuai mu yai, magi baso meni, Genuai Bidigo te Asiria king bidigo haliga wiegi yai ilibaso, tama agai augwali tau selama, te augwa Genuai Bidi Godigo tempel be ma sę yai dao.

Te Israel me Juda Hani Sigo Tuni Bidigo Po Elalubo Buku Si 2:14

Tama te Elisa agai te Elaijago bobobage holobo ugwa selama, tama agai te Elaijago yali kolesaga tiwai elama, te agai te holobo ugwa selama, te ąįba elali. Tama agai te węba elali sogo agai te po wai, “God, nage Elaijago Genuai Bidio, nage mena bidibawe?” Tama te po obadi yaide, te ąį tomode si buga pali, tama tibo si, te Elisa te ąį tomodu pelama, te ąį u badu pedaiba sabaligi pali.

Te Israel me Juda Hani Sigo Tuni Bidigo Po Elalubo Buku Si 2:8

Tialima, Elaija aga bobobage bulubo ugwa dilama, tama te tomagelama, tama te bulubo ugwago te Jordan ąįba elali. Tama te ąį tomode si bugasa pelama, tama te ąį tomode tǫ dila pai mu elaluali. Tama augwali si tedu pelama, te Jordan ąį uba pedai badu sabolali.

Aisaia 51:9

Genuai Bidi, nage hogodao. Nage hogodama, te nage genuai bomo dali aselama, te da tau sagasao, te nago polobadu yali tiwai yao. Nago tama nago te Rehap enani, te tamu ąįde bidali moni hasamani, te nago dwasianu dedelege miani.

Tigidali Nai Gagalama Nigali Side 8:1

Te Godigo Noa dali, te bulu uni hasa dabe dali me, te be pąde bidalubo hasa dabe me aga dali te sip tomode bidalubo, te Godigo homugo koneani. Tama tiyu, Godigo te wali te tǫ daide ugwadu bilimainu ilama, tama wę aiyaba kekasa dulubo gagalali.

Aisaia 19:16

Tama te sogo te bulu Isipgo te tama sęgę tolalubaso da, augwaligo suaibao. Te Tigidali Bomo Elalubo Genuai Bidigo augwali dolainu nogo dolalubo sueibao. Tama augwali te we dabe wi elama, noma sabo tiwai yaibao.

Aisaia 44:27

Eno te po wabo sogo, ‘Tamu ąį, nage sula sao,’ obaso da, teda aga te sula sabo dao.