Sekaraia 10:10 - Godigo dwagi yai po buku

¹⁰ Te Isip tǫde me Asiria bulu tǫde bidali we bidi augwali, te eno augwali ma odasa aselama, te augwa bulu tǫba ma bidagasaibao. Eno te tǫ dąį kidilama, tama augwaligo te Gileat tǫ pedai me te Lebanongo tǫ pedai me sigi pomainogo yaibao. Tama te we bidi dabe hauwa mu te tǫde pągąnalueibao.

Sekaraia 10:10 Referans Kwoze

Hosea 11:11

Te augwaligo Isip tagalama, tama te polo asesa asu, te ba bola asobo tiwai yaibao. Awe, augwali me Asiria tagalama, te ba hi dabe tiwai bola asaibao. Tama eno augwali te augwa page buluba ma odasa asaibao. Ena Genuai Bidi, eno te po wai dao,” wali.

Sekaraia 8:7

Te boi bidi dabego eno we bidi dabe augwali selama, te giliga pedalubo badu me te giliga dega sigulubo badu te tǫ kantri dabeba bidigi palali. Tama eno te we bidi dabe ma sigi pelama, te augwali ma odasa aselama, te augwali Jerusalemba ma bidagasaibao. Te augwali eno we bidi dabe bidalu, te ena augwaligo God bidaibao. Te augwali eno doloba pai kolesagago sesemane sogo tonalueibao,” wali.

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

Obadia 1:20

“Te not badu Israel bidi dabe, augwali te gasa tǫ kantriba kalabus igi pai, te augwali kalabus silama, ma asaibao,” wai. “Te augwaligo Fonisia tǫ saibao, te Sarefat te not badu usu nigi paibao. Te Sardis taunde kalabus yali Jerusalem bidi dabe, te augwali ma aselama, te Negev tǫ pedaide elalubo taun dabe saibao,” walio.

Jeremaia 50:19

“Eno te sipsip Israel te aga page buluba ma odasa asaibao, aga te bulu du Karmel, me te tǫ pedai Basan, me te Efraim bulu du pesage, me te tǫ Gileat pedai, te bulu dabede wiegi yai nosai tumainogo yaibao,” wai.

Jeremaia 22:6

“Ena Genuai Bidi, eno te Juda kingo bede po elalubao. Be, eno suali, te wiegi yai mu yai, te distrik Gileat me te bulu du pesage Lebanon tiwai elalubao. Tiali goli, eno nage te olo tǫ pedalubo tiwai yaibao, te tǫ wa pai pesage, me te bidi mu meni yai taun tiwai elalueibao.

Aisaia 60:22

Jerusalem, te nagede bidibo mena bidi aga nogi me elalusiąbaso, te tagalao, aga te genuai hani wai dabego aya mu pedelaibao. Te dwasianu mu yali hani dabe te augwali umabo pedalu, te augwali genuai bomai kantri we bidi tiwai pedelaibao. Ena Genuai Bidigo eno te po obao, te sę dabe te eno bodolu muani sogo polo asesa pedelaibao,” te po wai dao.

Hosea 11:10

“Te eno ena we bidi dabego boi bidi te i bomonama weyu, te hasa laiongo ga weyu, i wabo tiwai eyu, te eno augwali wi ilaibao. Tama eno we bidi dabego te giliga dega sigulubo badu tagalama, tama didibili ebo dali te polo asesa, ena wali asaibao.