Sekaraia 1:8 - Godigo dwagi yai po buku

⁸ Te hulide eno nai me nade subo nai tiwai me suali. Tama eno Genuai Bidigo ensel bidi kaneme hosde dualasa asobo suali. Te hos te bulu odogo mede ni tomode dolalubo suali. Tama meba hos dabe aga tudi badu dolalubo suali. Te hos dabe meba te kaneme hos, meba te nala hos, meba hos dabe te popoi pai hos dabe suali. Tama te ensel dabe te hos dabede dualalubo suali.

Sekaraia 1:8 Referans Kwoze

Kraisgo Geme Dualali Sę Pedelabo Po Jonbolo Ola Mani 6:4

Tama gasa kibu hos me pedalai, te mama yai. Tama te kibude dualasa asobo bidibolo augwaligo bomo mawai. Tama te bidi agai te tǫde we bidi tomode elalubo boi pibo sogo togolama, tama genuai wąbi hwįbo sogo gagalama, tama bidi dabe augwaligo augwa hasi bidi ela mubo sę gagalamainogo te bidibolo te bomo mawai. Tama tiyu, augwaligo te bidi agabolo te genuai poa pai hwą ge te sę emainogo mawai.

Kraisgo Geme Dualali Sę Pedelabo Po Jonbolo Ola Mani 2:1

Te bidigo enabolo e po me wai, “Te hasia Efesus hanude Godigo po odoyu bidibo we bidi tonalubo ensel mobo bidibolo e po asęna tolao: eno dolo nogogo te hǫ a naga olama me badu si eno tolaluyu, tama ena te a naga olama me badu nogo si te lam sole tomode bilibo bidi dao. Tama tiyu, eno e po nage dali obao:

Sekaraia 13:7

Te Tigidali Bomo Elalubo Genuai Bidigo te tiwai po wali, “Bainat hwą, nage hodaluama, tama eno tonalubo sę ebo bidi dali hwįao, te bidi ena pąde bidibo bidi yali goli. Aga ela mubaso da, teda te sipsip dabe wi tedela sąwaibao. Te tama tiwai naga eno te ena we bidi dabe dali boi hwįaibao.

Aisaia 55:13

Te ni wuli dabe te megi dwai ni dabe elalubo madi pedelaibao. Te gasa sawi yai dwasianu ni dabe te megi sesane bono elalubo pesagede pedelaibao. Tama sesemane sogo te tobage ni dabe te pesagede pedelama, te sesemane sogo te dąį ilali tiwai te we bidi dabego sulama, te Genuai Bidi, eno yali bomai sę homu kone palomainu yaibao,” wali.

Aisaia 41:19

Tama eno te dwagi yai ni sida dabe, me ni wuli dabe, me te bulu ni oliv dabe, me te ni saipres dabe, te gasa tobage ni dabe, te olo masigi kemi tǫde pedalumainu yaibao.

Daniel 7:13

Eno te hulide yali nade, eno te bidi me deli te da tǫde bidi tiwai tobage suali. Aga te dagalu pǫ dabe tomode bidiyu, tama ena pąba asali. Tama augwaligo aga te Polobadu Polobadu Bidada Aselama, te Megi Me Bidada Peyu, Bidada Pabo Bidiba sela palio.

Daniel 7:2

Wali te tigidali badu asiyu, tama te genuai tamu ąį dini hodolali.

Daniel 2:19

Tialima, te sogo hulide naga, te Daniel aga na tiwai ebadi, tama Godigo Danielba te kingo na yali page ola mawai. Tama Danielgo te po wei ponoyu, tama te Godigo nogi ugwaba siyu,

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Jopgo Po Asęani Elalubo Buku 4:13

Te po eno hulide sali. Te bidi dabe sese mu godege pilama tomo mu igi paide. Ena pila mubadi yaide, te haniani kolesaga eno tobolude iba oba ida wali.

Te Israel me Juda Hani Sigo Tuni Bidigo Po Elalubo Buku Deli 3:5

Tama te hulide Solomon te Gibeonde godege piai madi, tama te nade te Genuai Bidi agaba pedelali. Tama Godigo te tiwai po wali, “Te nago mena nai godolo eyu, te enaba hanalu obaso da, tama teda eno nageba mawaibao,” po wali.

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Solomon 6:2

Eno abagi wali bidi aga giba pali. Te gide te wiegi yai denami ebo nai dabe pągąnąlubao. Te aga meme dabego te nosai dabe tubo sę eyu, tama agai te au sawia pai plaua dabe sisinibo sę eyu ebao.

Solomon 2:16

Te abagi eno bidi da, tama ena agai we da. Agai te aga meme kibu dabe te sawi yai plaua dabe tomoba sela pelama, tama augwali te nosai tubo sę ebo dao.

Kraisgo Geme Dualali Sę Pedelabo Po Jonbolo Ola Mani 6:2

Tama eno ma tonono bilibadi, tama eno te tedela yai kibu hos asobo suali, tama te kibude duayali bidigo enesigi tolaluai. Tama augwaligo te bidi agabolo te wąbi hwįbo bomo aiyaba elalubo bidibolo mabo te tiwai madi augwaligo agabolo menama, tama aga sęba tagala palai. Tama te bidi aga pelama, te wąbi hwįbo bomo aiyaba elaluabo sę egi peyu, tama tiyu agai te wąbi hwįbo bomo aiyaba elaluabo bomo hauwa elalubao.

Nehemia 8:15

Tama augwaligo te tigidali Jerusalem we bidiba me te gasa taunba po ola tolali. Augwaligo te tama po wali, “Dage te bulu duba pelama, te oliv ni nologo me, yabe me, te yogo ma sebedi yabe dabe me sao, tama te gasa yabe hauwa elalubo tobage ni yabe dabe seselama, te osogo bidabo be sę yao. Dagego te bomai pode wali po wali pelama, tama te sę dabe iyąo,” wai.

Sekaraia 1:7

Te Darius aga king bidibadi namba 2 kibu be wabode, te namba 11 poluago namba 24 deide, te polua augwaligo polua nogi Sebat wabo poluade, Genuai Bidigo po enabolo mani.

Sekaraia 1:10

Tama enselgo po genina ma weyu e tama po wali, “Genuai Bidigo te ensel dabe taga pelama, te tigidali tǫ dabe bugagia susa biligi pomainu taga palai dao,” wali.

Sekaraia 1:11

Tama te ensel dabego te namba wan enselbolo e tama po walali, “Da tigidali tǫde bilalio. Tama dago tigidali we bidi augwali sęgę menia suali, tama augwali bugagia naga bidibo suali,” wali.

Tigidali Nai Gagalama Nigali Side 46:2

Te hulide nade God te Jekopba pedelama, tama i wali, “Jekop, Jekop.” Tama Jekopgo te po wali, “Ae, ena e bidibao.”

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.