Sekaraia 1:4 - Godigo dwagi yai po buku

⁴ Dagego duga wąį dabego yali sę tiwai igimio. Te eno poloba profet dabego augwalibolo te dwai kolesagaba tudi ola mao po obadi, augwaligo te dwai kolesagaba tudi ola mawai menio. Tiali goli augwaligo eno po odai menio.

Sekaraia 1:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 78:8

Tiyu, augwali te augwa wąį nǫų dabe tobage tiwai pedelabuo. Te wąį nǫų dabego te hagoma eyu, tama Godigo po sela sąnama, tama augwa konealubo homu agaba dąų mu me wasiąwai, tama augwaligo te agai po sesemane wali me pabeo.

Esekiel 33:11

Te Israel dabebolo e tama po walao, ‘Ena God Genuai Bidi, ena tigidali sogo bidibo dao, tama mu tama dao, te dwai kolesaga ebo bidi dabe isibaso, eno tede wiegi yai homu pemene egobe dao. Menio. Eno te dwai kolesaga dabeba tudi ola menama bidibo bidi dabeba eno wiegi yai homu pemene ebo dao. Dage Israel dabego odao. Ma begasa asao. Dagego duga ebo dwai kolesagaba tudi ola menama, tama dage enaba ma asiąo. Magi baso dagego isabo sę idu gebawe?’ Nago augwalibolo te po wao,” wali.

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Sekaraia 1:3

Tiali goli megi da, eno dagebolo e tama po e walobao, dage enaba geasa ma asiąo, tama eno dage tau sagasaibao.

1 Pita 1:18

Magi baso meni. Dagego wąįgo dagebolo polobadu ola mani bidabo kolesaga te usu isiąbo kolesaga dao. Tama dagego koneai, God agai dage te usu isiąbo kolesagade ma dobola siyu, agai te mobi elama damua pabo nai mego agai dage ma abela sabeo, te dila pai kapa si nogi gol dali silva dali si, te tobage gamonasiąbo naigo dage ma sabeo.

Godigo Sęba Tagala Palai Bidigo Po 26:20

Tama hasia bolo eno te Damaskus we bidi pageba pali. Eno augwalibolo te po tama pusa mani, ‘Dagego dwai kolesaga ebo sę tudiba sąnama, dage God pageba asao. Tama dagego dwagi yai kolesaga ebo tigidali we bidi augwaligo sulama, dwai kolesaga tudiba sąyani konemainao,’ wali. Tama eno te po Jerusalem we bidibolo me, te Judia tǫ tomode bidibo we bidi tigidalibolo me, te Israel hani isąwai we bidibolo me, eno te po tama augwalibolo pusali.

Godigo Sęba Tagala Palai Bidigo Po 3:19

Tama tibaso, dagego kolesaga begelama, Godigo kolesagadu wali piąo, tama Godigo dagego dwai sęgę sela sąmainu tama yao.

Maika 2:6

Te we bidi dabego enabolo wali, “Maika, nago te tobage olo po dabolo me magio,” wali. “Nago te tobage sę po me migio. Godigo da aiyaba elaluyu, te da hale me egobeo,” wali.

Amos 5:24

Tialima, eno homugo dagego te po tų ebo kolesaga dolo naga eyu, te gasa wiegi yai doloba pai kolesaga dabe naga eyu, tama te kolesaga sesemane sogo mu elaludu, te me sula sisąbo genuai wę me deli elalubo tiwai elalubaso, usu dao,” wali.

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Jeremaia 44:16

“Nago te Genuai Bidigo nogide dabolo po pusali. Tiali goli, dago te po me odogobeo. Menio.

Jeremaia 26:5

‘Te eno sę bidi, te eno profet dabego, dagebolo mabo po tigidali te wali pao. Hauwa sogo eno te profet dabe tagala palama, te dageba po pusagasali, tiali goli, dagego augwaligo po wali me pabeo.

Jeremaia 18:11

“Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.

Jeremaia 3:12

“Tama Jeremaia, nage dolugulama, te not badu bidibo Israel haniba i wao. Nago Genuai Bidi eno po te tiwai pusao, ‘Israel, nage da, te aga bidiba homu kęą pabo kolesaga tagalobo we da,’ wao, ‘nage enaba begasa ma asao. Ena Genuai Bidi, eno te po obao, eno nageba haliga sębę munu ma egobeo. Magi baso meni, ena te olo mu tau sabo wiegi yai homu kolesaga ebo God dao, te eno haliga sębę ebo te sesemane sogo elalua pidugobeo.

Aisaia 31:6

O dage Israel dabe, dagego Genuai Bidigo po sela sąbo dao. Tiali goli, dage mu begelama, tama agaba ma asiąo.

Nehemia 9:30

Te kibu be hauwa nago dua dua tau sabo sę augwaliba eyu, tama augwali homu begeliąo wai. Te nago Mobo Bidigo te po te profet dabeba mawai, tiali goli te wąį nǫų dabego te po odisąwai. Tama tibaso, nago augwali te gasa bulu tǫ pedai bidi dabego nogoba mawai dao.

Nehemia 9:26

“Tiali goli, te we bidi augwali te hagoma mu elama, tama augwaligo nago po sela sąwai. Tama nago bomo yai poba augwaligo tudi ola mawai. Tama nago te profet bidi dabe augwaliba tagala palali, te augwaligo te nago bomo yai po augwaliba magasu asali, te augwali homu begelama, nageba ma asomainu yai. Tiali goli, augwaligo te profet dabe ela muani. Tama hauwa sogo augwaligo te tiwai kolesaga yali, tama augwaligo nago nogi mu dolai dao.

Nehemia 9:16

“Tiali goli, dago wąį nǫų dabego te hagoma mu eyu, tama augwa tobolu te dila pelama, tama augwaligo te nago po sela sąwani.

Esra 9:7

“Te wąį nǫų dabe bidada asali, te megi e sogoba usu nagasobo sogo, da nago we bidi dabe dali, te king dabe me, te dago prisgo me, te dwai kolesaga umabo eyu, sęgę umabo siyu yai dao. Tama tibaso, nago te gasa bulu tǫ pedai king tagala palama, te da elagaselama, tama dago doado bage wi siyu elama, tama da te digibulu buluba te kalabus bidi sela pabo tiwai yai. Tama tialigo te da hani dabe polobadu te hale dwai mu yali, tama megi me da te tiwai me bidibao,” wai.

Tuni Bidi Dabego Po Elalubo Buku Si 34:21

“Te bomai po buku eno megi sali da, tede Genuai Bidigo homugo dago wali pomainu homu yali po e bukude haninama te wali dao. Tiali goli dago wąį nǫų dabego te po wali pai menio. Tama tialima, te tama tialigo da, Genuai Bidigo da dali sębę genuai mu emainu ilali dao. Tiali goli dago megi Genuai Bidigo te buku polo te sali dao. Tama tialima, eno homugo dage pelama, Genuai Bidibolo hanalugi pao, tama ena dali Israel bulude bidibo we bidi me Juda bulude bidibo we bidi, dago mena sę emainu egowe page sugi piąo,” king Josaiago te po wali.

Tuni Bidi Dabego Po Elalubo Buku Si 30:7

Dagego duga aya me duga ama dedego yali dwai kolesaga tiwai igimio. Augwaligo dago wąį dabego Godiba tudi ola mawai dao, te dago wąįgo Genuai Bidi. Tama Godigo augwali dene genuagia mu menama, tama augwali mu dolai dao. Te sę dabe yali duga digi suai dao.

Jeremaia 4:1

Genuai Bidigo te tama po wai, “Dage Israel, te dage ma begasa asabo homu ebaso da, teda dage enaba naga asiąo. Dagego te dwai kugumini yai tibo god eno gedude mubo te sela sąyao. Tama dagego ena sesemane sogo wali asiąo,” wai dao.

Jeremaia 23:22

Te augwali eno sisinama po mibode bidigi sogo da, te augwaligo eno we bidiba te mu po dolo pusugi pobao homu igi da. Tama te pogo te we bidi dabe dwai sunumi bilali tagalu, te augwa yali dwai kolesaga tagaligi da homu ebo dao.”

Esekiel 20:18

Tialima, eno te augwa hani wai dabeba te tama po walali, ‘Dagego te duga aya dabego yali dwai kolesaga wali peyu, tama dagego te augwaligo tibo god dabeba lotu weyu, te duga digi eno gedude meda pedalubo sę elamu dao.

Esekiel 33:4

Tama tialima, te bidi me deligo te biugel bu wabo odama, tama aga wi pelama, tama duala sabo pesage gegegi pisąma yai digi, tama te boi bidi dabego aga elama isilali da, teda te bidi aga dagede aga isai dao. Magi baso meni. Ma, aga duala sigi pigi sogo da, teda aga me isigi menio.

Sekaraia 7:7

Polobadu Genuai Bidigo te deli tiwai po naga te profet sibigo pedauwalidu pusai dao, te we bidi dabebolo. Agai te po te Jerusalem wiegi yai elaluyu, wiegi yai nai dabe hauwa elalubadi agai te po mawai dao. Tama te sogo te we bidi hauwa te Jerusalem pągąna peyu, me te Jerusalem bogo badu elaluali taun dabede, me te saut badu taun dabede me we bidi pągąyu, me giliga dega sabo badu te dwasianu bulu du dabede me te we bidi hauwa pągąyu yai dao.

Tuni Bidi Dabego Po Elalubo Buku Si 30:6

King dali, aga ofisa dabe dali, augwaligo te pas asęnama, te pas te tigidali Israel dabebolo me Juda dabeba te pas sela pao po wali, te pas te bidi mebabolo mani augwaligo sela pomainu. Te pas tomode elaluali po dabe da e tama po elaluali, “Dage Israel hani dwasianu hani dabe te Asiria dabe kingo dolisąma yali bage, dagego odiąo. Dage Genuai Bidiba ma asiąo, te dago wąįgo God, te Abraham me Aisak me Jekopgo God. Tialima dagego tama tiali da, teda Genuai Bidi aga dage dali bidagasaibao.

Jeremaia 3:14

“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.

Jeremaia 25:8

“Tama tibaso, ena Tigidali Bomo Elalubo Genuai Bidi, eno te po obao, dagego eno po wali me pabeo.

Esekiel 14:6

“Tama tialima, eno homugo nago te Israel dabe augwaliba te tama po walao. Ena God, Genuai Bidi, eno dagego te tibo god dabe wali pabo te eno hagela homu mu ebao. Tialima, dagego ge neyu, te dwai nai dabe tagalama, tama dage enaba ma begasa asiąo,” wali.

Daniel 9:6

Dago te nago sę bidi dabego po odisąwai, te augwali profet dabe. Augwaligo te nago po te king dabeba me, tobolu bidi dabeba me, te bulali wąį dabe me, te da tigidali we bidi dabeba te po pusali.