Sekaraia 1:20 - Godigo dwagi yai po buku

²⁰ Tama Genuai Bidigo enabolo me si me si sę bidi hama tolalubadi asobo ola mani.

Sekaraia 1:20 Referans Kwoze

Obadia 1:21

“Te Jerusalem dabego te boi hwįnama, augwali aiyaba elalubaso da, te augwali pelama, te Idom dabe dali hwįgi pelama, te augwaligo bulu tǫ kantri selama, te augwaligo augwali tonalueibao. Tiali goli, ena Genuai Bidi, te ena digi ena te augwa king bidaibao,” wai dao.

Nehemia 9:27

Tama tibaso, nago augwali gogolama sula tagaliyu, te boi bidi dabego augwaliba boi hwįagasomainu elama, tama augwali aiyaba elaluama, tama augwaliba dwai sę ilali. Tiali goli, nosali te bulali wąį nǫų dabego nageba hanalu, te augwali tau sao olama, i wali. Tama nage te dagalude bidiyu, tama augwaligo gela wabo nago odali, tama nago te olo tau sabo wiegi yai kolesaga augwaliba umabo mu elama, tama nago te bidi meba augwaliba tagala palama, te boi bidi dabe sela sąmainogo yai dao.”

1 Samuel 12:11

Tialima, Genuai Bidigo te augwaligo gedu haluasa po wabo odama, tama agai te Gideon, me Barak, me Jepta, me ena Samuel te augwali tau somainu tagala palali. Da tigidali deli deli dago te ma dobola selama, tama dage Israel dabe bugagia bidibao,” wali.

Te Israel Tobolu Bidi Dabe 11:18

“‘Te nosali augwali te bidi meni yai te tǫ wa pai madi te buluba pali. Tama augwaligo te Idomgo tǫ me, te Moap dabego tǫ me, te edelama pali. Augwali te giliga pedalubo te Moap dabego tǫ pedai badu soai, te wę Arnon pedai badu dao. Augwali bidabo pesage tede nigali, tiali goli augwaligo te ąį Arnon nogesiąwai, magi baso meni, te ąį te Moap dabego tǫ dąį yagasali madi dao.’”

Te Israel Tobolu Bidi Dabe 11:16

‘Polobadu te Israel dabego te Isip tǫ taga soyu asali sogo, augwali te masigi elalubo bulu wa pai tǫdu naga sosolayu, tama augwali te nosai elalubo tamu ąį teba sabolali. Tama augwali te Kadesba sabolai dao.

Bomai Po 33:25

Tama augwaligo taun obo sunumi dabe te boma pai ain sunumi dabe elaluaibao. Tama tibaso, tigidali sogo augwali bugagia mu bidiyu, augwali wi me egobeo,” wali.

Aisaia 44:12

“Te aingo nai nigibo koneai bidi dabego te ain selama, siaba munama, nagamea pabo si, tama augwa te tibo god piksa nigibo dao. Augwa te hama nogogo tulama, te ainba elibaso, te augwa bomogo digi te piksa nigilama pedelali. Te augwa sę ebo sogo, te augwa nai me wę tusiąwani da, te augwa bomo tigidali sia sabo dao.”