Sekaraia 1:15 - Godigo dwagi yai po buku

¹⁵ Polobadu ena we bidi dali sębę dwasianu yai dao, tama gasa hani bidi dabebolo augwali dene magasao po wai dao. Tialima augwali aselama, tama augwaligo eno we bidi dwasianu gana me dolobeo. Menio. Augwaligo te magi edelama, tama augwali mu tama mu dolama tagalalio. Tama tede megi te kantri dabe augwali bugagia bidiyu augwali sęgę meni yai goli, eno augwali dali sębę dwai mu ebao.

Sekaraia 1:15 Referans Kwoze

Jeremaia 51:24

“Tialima, ena Genuai Bidi, eno te Babilon dabe augwaliba dwai dene mawaibao po obao, te augwaligo Saionba dwai kolesaga tigidali yali wei ponaibao. Te dage Israel me Juda, te eno ebo sę dagego suagameo,” te po wai.

Sekaraia 1:11

Tama te ensel dabego te namba wan enselbolo e tama po walali, “Da tigidali tǫde bilalio. Tama dago tigidali we bidi augwali sęgę menia suali, tama augwali bugagia naga bidibo suali,” wali.

Sekaraia 1:2

Genuai Bidi Aga Tigidali Bomo Elalubo Bidigo Sekaraiabolo aga we bidibolo e tama po pusao po wali, “Ena Genuai Bidi, polobadu eno dagego wąį dabe dali sębę mu yai dao.

Godigo Nogi Ugwaba Sabo Tęąbi Po Wabo Buku Dabe 69:26

Te bidi mebabolo nago hasiabolo te augwa yali dwai sę wei ponani bidi dabe, te dwai sę ebo bidi dabego augwaliba dwai dene mabo sę idubao. Nago te bidi meba tigiwali togolama, te augwaliba dene mani bidi dabe, tama te dwai sę ebo bidi dabego posobo po weyu, tama augwaliba sęgę mayu ebo dao.

Amos 6:1

Amosgo po e dao. Hobede dao, dage Jerusalemde bugagia dugulalubo we bidi, me te Samaria taunde bidibo we bidi, dagego te tiwai homu ebao, te magi nai me deligo dage me dologobe da homu ebo dao. Te hobede ebao, dage te polalubo kantri tǫ Israel gegunai bidi dabe, te dagego augwali tau somainogo te we bidi dageba asidu gebo dao. Hobede mu ebao, dage tigidali dolaibao.

Esekiel 26:2

“Tǫde bidio, eno te tamu ąį tomode elalubo tǫde elalubo taun Tair we bidide po elalubao, te tǫ te tamu ąį sesege pąde elalubao. Te Tair taunde bidibo we bidigo homu pemene eyu, e tiwai i hae obao, ‘Jerusalem dolobaso, te gasa tǫ kantri bidi dabe teba pelama, te mone sabo bisnis sę yali te ma igi pabo usu me egobeo. Megi da, te augwali aselama, da dali naga te nai dabe dobu si ebo bisnis sę yagasaibao, tama tiyu dago doado bage hauwa saibao,’ po wabo dao, te Tair we bidi.”

Godigo Nogi Ugwaba Sabo Tęąbi Po Wabo Buku Dabe 137:7

Genuai Bidi, nago te Idom dabego yali kolesaga homugo ma kone palao, te augwa hwįani sogo te Jerusalem sai. Augwa te wali po ma homude koneao. Augwaligo te tama po wali, “Te Jerusalemde tigidali be me te tigidali aluama, tama tigidali dolao,” po wai dao.

Godigo Nogi Ugwaba Sabo Tęąbi Po Wabo Buku Dabe 123:4

Te sesabi elama bidibo sogo, te mone bisnis sę ebo bidigo dabolo te posobo po wali, tama te hagoma ebo bidi dabego da aiyaba elalubo dao.

Sekaraia 6:8

Tama te ensel bidigo enabolo i weyu te po wali, “Te notba pali te hos dabego tebogo te Genuai Bidigo homu kedau iligi palio,” wali.

Jopgo Po Asęani Elalubo Buku 30:13

Augwaligo eno sunumi palia selama ebogo ena wi pogobe yabeo. Ena dolai polo elalubadi, tiali goli, augwaligo ena dolobo sę genuai mu ilalio. Augwa mu da bomo meni yai digi, tiali goli, augwaligo ena dolobo sę ebo dao.

Jeremaia 30:16

Tialima, mu tama, te hani dabego nage dolobo sę ebao, te augwa digi dolaibao. Te nago boi bidi dabe augwali te digibulu buluba kalabus paibao. Te nageba dwai sę eyu, te nago doado bage tigidali wi sali hani dabe, te boi bidi dabego dwai sę augwaliba elama, te augwa doado bage dabe wi saibao.

Jeremaia 50:33

Tigidali Bomo Elalubo Genuai Bidi, agai te tama po wai, “Te boi bidi augwaligo te Israel me Juda aiyaba mu elaluai. Te boi dabego augwali kalabus ilama, augwali tagala palabo homu me ebeo, tede hagela homu ebao.”

Habakuk 3:12

Nago wado homu ebo genuai mu te tigidali tǫ kantri bulu we bidi dali elaluali, tama nage te tǫ daide ugwadu biliyu, tama tigidali bulu we bidi agawalio.

Sekaraia 14:12

Te Genuai Bidigo dwai gasi me deli te Jerusalemba boi hwįani bulu tǫ kantri tigidali bidi dabe augwaliba te gasi pedalomainu ilaibao. Te gasi e tiwai da. Te bidi dabe bididubadi digi te augwaligo tigi wali me gedu me hamena me te damueibao.