Sekaraia 1:14 - Godigo dwagi yai po buku

¹⁴ Tama te ensel bidigo enabolo Tigidali Bomo Elalubo Genuai Bidigo po te pusa mao po wali. Godigo te po wali, “Eno genuai homu dene mu te Jerusalem we bidi dabeba ebao, te eno genuai taun dao, tama eno augwaliba homu kone kone hauwa mu ebao.

Sekaraia 1:14 Referans Kwoze

Joel 2:18

Tialima, augwali homu begelibaso, te Genuai Bidigo aga tǫde homu hauwa elama, tama agai te aga we bidi dabeba te olo mu tau sabo wiegi yai homu kolesaga eyu, tau sai dao.

Sekaraia 1:17

Tama ensel bidigo enabolo gasa me po me e tama pusao po walali, “Tigidali Bomo Elalubo Genuai Bidigo te po wali, te tigidali nai dabe agai taunde pągąna yaibao po wali, tama te we bidi wiagila mu bidimainu yaibao po wali. Tama agai Jerusalem aga taun mu tiwai ma magi ilaibao po wali. Tama agai te Jerusalem we bidi homu tegaluama bugagia bidimainu ilaibao,” wali.

Sekaraia 1:9

Tialima eno te namba wan enselbolo e tama po hanalu wali, “Te nai page mena tama dawe?” po hanalu wali. Tama ensel bidigo e tama po wali, “Eno nagebolo te na yali po page pusaibao.”

Aisaia 40:6

Bidi me deligo te tiwai i wali, “Po pusao.” Te eno po me wali, “Mena po eno pusagawe?” Te agai te tiwai po wei ponani, “E po pusao. Tigidali we bidi te tǫde sesabi elama, bobobage sogo mu me bidigobeo. Augwali te nosai me plaua te polo tama wa pelama, te sia sabo tiwai ebo dao.

Aisaia 40:1

Duga Godigo te po odubao, “Eno we bidigo haliga dąų walama, te augwa haliga dua nagame ilibo po pusao.

Sekaraia 1:13

Tama Genuai Bidigo wiegi yai po te ensel bidigo homu nagame elama dua bidabo po wei ponani.

Nahum 1:2

Genuai Bidi naga te God dao, te agai te gasa god aga tiwai pedalumainu me egobeo. Te agai po sela sąbo bidi dabe agai koneanio. Genuai Bidigo te haliga sębę augwaliba eyu, te dwai dene augwaliba mu mabo dao.

Hosea 11:8

“Dage Israel, te eno dage tagalu da me egobeo,” wali, “te ena dagede wi me pogobeo. Tama eno dage te bulu Atma me Seboim, te bulu si bidi hani mu silali tiwai gilama da me tegobeo,” wai. “Eno dage tigidali mu doloyu da me egobeo, magi baso meni, eno dage godolo homu mu ebo dao,” wali.

Aisaia 63:15

Genuai Bidi, nage te naga bulu pesage dagalude bidibao, te tedali gasagi yai mu dao, te bulu pesagede te nago genuai ula me bomo pągąnalubao. Tiali goli, te nago aiyaba tonoyu, te da suao. Magi baso nage hogodama, te nago genuai bomo daba waselisąma ebawe? Nago homu dene eyu, olo tau sabo wiegi yai kolesaga te dabolo me ola mabeo. Te nago da godolo homu me isiąyu ebo da, agawe?

Aisaia 59:17

Agai te doloba pai kolesaga te kapa holobo ugwa mubo tiwai eyu, te aga hagawiade mesega sabo tiwai yali. Te aga te we bidi ma sabo bomo te hwįbo madi kapa tiwai muani. Te aga ugwa gudubo tiwai bomonama dąų ola selama, te dwai sę ebo bidi dabeba dene mawainu tiaibao. Te aga haliga sębę ebo te bobobage ugwa aiyaba tagalalubo tiwai yaibao.

Aisaia 42:13

Genuai Bidi te bomai ami bidi tiwai elalu, te megi agai hwįgi painu paibao. Agai te po dagą genuai olama, i weyu, te ami dabego ebo kolesaga tiwai te aga haliga sębę hodolama, te hwįabo sisi elalubo tiwai yaibao. Te agai aga boi bidi dabe dali hwįnama, te augwali aiyaba mu elaluaibao.

Aisaia 38:22

Tama me, te sogo me Hesekiago Aisaiabolo te tiwai po hanalu wai dao, “Genuai Bidigo te magi dąį ilibo sę enabolo ola mayu, te ena agai beba lotu ma wagasomainu egowe?” wali.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Sekaraia 4:1

Ena dali hasia te po wali te ensel bidi aga ma aselama, ena augwaligo te godege piai bidi hodolo ąǫ yagasali.

Aisaia 37:32

Te boi bidi dabego te Jerusalem we bidi tigidali me dologobeo. Menio. Te augwali dwasianu hani me bididuaibao. Te Tigidali Bomo Elalubo Genuai Bidi, agai bomai homu kolesagade te sę dabe pedalumainu yaibao.”

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Esekiel 36:5

Tama tialima, God ena Genuai Bidi ena haliga sębę posolo tiwai eyu, eno bomai po te kantri Idomba, me kantri dage pąde elalubo, te kantri dabeba te obao. Augwaligo homugo ena te olo nai dao tiwai homu elama, tama augwaligo eno tǫ sainu homu mu gana pai dao. Magi baso meni. Augwaligo te tǫ me badu te augwaligo kau kibu dabe me sipsip kibugo nosai tede tumainao homu yali.