Sekaraia 1:13 - Godigo dwagi yai po buku

¹³ Tama Genuai Bidigo wiegi yai po te ensel bidigo homu nagame elama dua bidabo po wei ponani.

Sekaraia 1:13 Referans Kwoze

Jeremaia 29:10

“Ena Genuai Bidi, eno dageba mani po page e tiwai elalubao. Eno te 70 yia, te bidi sese sela olama, nogo si kibu bede te dage Babilonde bugagia bidaibao, te tama dąį ilali. Tama te tudi badu nosali, te Babilon dolaibao. Te sogo te eno homugo dage koneama, te dage eno Jerusalemba ma odasa paibao, te eno dąų wali tau sabo poba usu naibao.

Sekaraia 8:19

Agai te tama po wai, “Dagego me sogo side te polua me si me si 4 poluade, me te polua a nagade, me te polua a naga me si 7 poluade, me te nogo si poluade te nai tubo osogo habu selali, te dageba pedelali sęgę homu kone paliyu tiali. Tiali goli, te sęgę dabe kone palobo genuai side hasegelama, te tigidali Juda dabego wiegi yai homu pemene yabo si pedelaibao. Tialima dagego te mu po wabo godolo homu elama, te gasa we bidi dabe dali bugagia tegaluama bidibo kolesaga yao,” te po wai dao.

Sekaraia 4:1

Ena dali hasia te po wali te ensel bidi aga ma aselama, ena augwaligo te godege piai bidi hodolo ąǫ yagasali.

Sekaraia 1:9

Tialima eno te namba wan enselbolo e tama po hanalu wali, “Te nai page mena tama dawe?” po hanalu wali. Tama ensel bidigo e tama po wali, “Eno nagebolo te na yali po page pusaibao.”

Aisaia 57:18

“Eno te augwaligo ebo dwai kolesaga suali, tiali goli te eno augwali me dologobeo. Menio. Te eno augwaligo dwai sęgę sela sąnama, te augwa usu yai ma pedelaibao. Te ena digi eno augwali bilibo dodoliyu, te augwali haliga dąų walaibao. Tama te homu denede bidiyu, gela wabo we bidi,

Daniel 12:6

Te dolaluali bidi si te bidi me deligo te wiegi yai nami ugwa belama, te wę tomo daide ugwadu dolaluali bidibolo te po walio. Agai te tiwai po wai, “Nisu sogo mu te gasa tobage noma sabo sę dabe pedelama, te mu siligowe?”