Sefanaia 2:3 - Godigo dwagi yai po buku

³ Dage we bidi hamaga isąnama Genuai Bidigo po sela sąsiama ebo we bidi, dage agaba asiąo. Dagego duga digi aiyaba elaluama, tama doloba pai kolesaga naga iyąo. Tialima, dagego te tama tiyu da, teda Genuai Bidigo sębę elama, tama te dwai pe te dwai we bidi dabebolo wei ponobo sogo dage da dologobeo.

Sefanaia 2:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 22:26

Te magi nai doado bage meni yai bidi augwali eno i obaso, augwali aselama, te nai tulama, haliga mu pągąna paibao. Tama te Godiba pabo bidi dabego, teda augwaligo aga nogi ugwaba saibao. Eno homugo Godigo augwali sesemane sogo bugagia wiegi yai ilama, bidimainu yao.

Jona 3:9

Te dago tama tibaso da, te Godigo wado po wabo homu hasegelama, tama agai da tau sabo homu eyu da, teda da me isigobeo,” polalubo king bidigo te po wai.

Godigo Nogi Ugwaba Sabo Tęąbi Po Wabo Buku Dabe 105:4

Da Genuai Bidi agai tau somainogo pinao. Tama da sesemane sogo aga dali pąde bidainogo.

Hosea 10:12

Eno te Israel me Juda augwaliba te tama po walio, ‘Dagego te dwai kolesaga tagalama, te doloba pai kolesaga wali peyu, te enaba lotu waiąo,’ wali, ‘bidigo te gesi gide tǫ elama, te nai bulama, te nai bugagia holama, te hauwa walobo tiwai yaibao,’ wai. ‘Megi te dage ena God duga Genuai Bidiba ma asobo sogo dao. Te dage enaba ma asali da, teda eno dage bugagia mu wiegi yai sę ilaibao.’ Eno dagebolo te po wai.

Jeremaia 39:18

Eno nage bugagia tonalubaso, te nage augwaligo me eligobeo. Nago homu enaba dąų obaso, te nage me isigobeo. Ena Genuai Bidi eno te po wai dao,’” wali.

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

Godigo Nogi Ugwaba Sabo Tęąbi Po Wabo Buku Dabe 57:1

God, nago te homu dene eyu, tau sabo kolesaga enaba yao. Magi baso meni, nago ena tonalumainu eyu, ena nageba asobao. Ena nage dali bidibaso, te ena bugagia bidibao, te ba kakaruk wai dabe te aga idago bogo dologode bugagia geme dualalubo tiwai gilama ebao. Ena te tiwai tama bididu, te ena dolainu yali nai tigidali silibo sogoba usu nigi paibao.

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

Jeremaia 45:5

Tama tialima, nago homugo te wiegi yai nai naga nageba pedalumaina homu ebawe? Nago te tama homu kolesaga ebo tagalao, magi baso meni, ena Genuai Bidigo eno te tigidali tǫde we bidi dabebolo dwai dene mabo sę ebao. Tiali goli, te eno nage tau saibao, te nage menaba pobaso te tagalao, te nage augwaligo me ela mugobeo,’ agai te po nagebolo pusa mao wali,” Jeremaiago te po wai.

Godigo Nogi Ugwaba Sabo Tęąbi Po Wabo Buku Dabe 91:1

Bidi te Ugwade Mu Bidibo Godiba pelama, te agai aga tonalumainu yali, aga te Tigidali Bomo Elalubo God pąde bidiyu, tama agai aga mesegalubo dao.

1 Pita 3:4

Te tobage au yabo nai te osogo naga elalubo nai dao. Dagego au yabo nai te gasagi yai mu dao. Te dagego homu kolesaga tomode geme dualali au yabo gasagi yai nai mu tedali elalubo dao. Tama dage nagamea pai homu eyu, dua bidabo kolesaga elalubaso, teda te gamonabo au yabo nai mu dao, tama Godigo gedude te wiegi yai dila pai nai mu dao.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

1 Tesalonaika 4:1

Dago abagi dede, dago gasa po me elalubo. Tama da te Genuai Bidigo po sela pabo bidi dabe dao. Tama tibaso, dagego e po tudiba muidali weyu, tama dago bomo elama, dagebolo e po megi obao. Polobadu dago te Godigo gedude dwagi yai dolo yai kolesaga ebo po dagebolo ola mawai. Tama dago te tobage po dagebolo ola menama, tama dagego te po odoyu, wali peyu bidibo dao. Tiali goli, megi dago bomo elama, dagebolo e po megi obao, te dagego dene siyu te tobage sę tigidali dagego bugagia mu yao.

Matyu 5:5

Tama te nagamea pai homu eyu augwa dene bugagia tolobo we bidi, te augwali homu wiegi yai pemene emainao. Te Godigo tǫ tigidali augwalibolo mawaibao.

Godigo Nogi Ugwaba Sabo Tęąbi Po Wabo Buku Dabe 31:20

Nago te konealubo homu dąų wabo bidi dabe te nage pąba geme dualubo dao, tama te augwali elainu te po mia sali bidi dabe, augwali usu me egobeo. Nago te nageba homu kęą pabo bidi dabe geme bugagia dualama, tama te boi bidi dabego tibo po kisilibo po wabogo te augwali aiyaba me elalugobeo.

Aisaia 11:4

Te po tų odobo dolo naga agai te nai meni yai bidi dabego homu sęgę elalubo po odama, te bagenu tau saibao. Te gasa bidi dabego augwali aiyaba elaluama, augwali dolama, dwai sę yali dabede agai pode te tiabo sę yali we bidi dabe dene saibao. Tama te dwai sę ebo bidi dabe da isaibao.

Hosea 7:10

Te Israel dabe augwa hagoma ebo kolesagago digi augwa po tų ilali, tiali goli te augwa homu begelama, te augwa Genuai Bidi, God enaba ma asobeo. Mu tama, augwaligo ena kegasa asobeo.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Godigo Nogi Ugwaba Sabo Tęąbi Po Wabo Buku Dabe 149:4

Magi baso meni, Genuai Bidigo aga we bidi dabe wei eyu, augwalide dwagi yai homu ebo dao. Tama agai te augwa digi te augwa nogi aiyaba elalubo bidi dabego nogi ugwaba siyu, tama augwa te hwįbode ugwaba ela pabo dao.

Ma Dobola Sali 12:27

Tama dagego augwalibolo te po wao, ‘Megi da, te Pasova sogo dao. Dago te ofa Genuai Bidibolo ebo, te agai da Israel hani tagalama ela soali bodolu side te sę ebao. Dago te Isip hani augwaligo gomunai ogwa agai elali sogo homugo koneama tiwai. Tiali goli, agai da Israel bagego be tagalama, ela soai, tama dago wai dabe sula tagalama, bugagia bidai.’” Mosesgo te po te tobolu bidi dabebolo wai. Tama nosali te we bidi augwaligo te po odoyu, tama augwali tobolu aiyaba munama, tama Godibolo lotu po wai.

1 Tesalonaika 4:10

Tama dagego dwagi yai homu duga abagi dabe te Masedonia tǫ tigidali tomode bidibo bidi dabe augwali dali ebo dao. Dagego te kolesaga ebaso, God agai te kolesaga dagebolo ola mani, te dago koneai. Tiali ma, dago abagi dede, dago po bomo elama, dage dali obao, tama dagego duga abagi dabe augwali dali dwagi yai homu ebo kolesaga te kolesaga dagego me mu ela pao.

Sekaraia 8:19

Agai te tama po wai, “Dagego me sogo side te polua me si me si 4 poluade, me te polua a nagade, me te polua a naga me si 7 poluade, me te nogo si poluade te nai tubo osogo habu selali, te dageba pedelali sęgę homu kone paliyu tiali. Tiali goli, te sęgę dabe kone palobo genuai side hasegelama, te tigidali Juda dabego wiegi yai homu pemene yabo si pedelaibao. Tialima dagego te mu po wabo godolo homu elama, te gasa we bidi dabe dali bugagia tegaluama bidibo kolesaga yao,” te po wai dao.

2 Samuel 12:22

Tialima, Devitgo te tama po wali, “Ena gela olama, tama nai gisilali te wai isisąbadi, te magi baso meni, eno homugo te Genuai Bidigo olo tau sabo wiegi yai kolesaga enaba eyu, tama te wai isimainu iligobe homu yali.

Godigo Nogi Ugwaba Sabo Tęąbi Po Wabo Buku Dabe 45:4

Nage te genuai nogi elalu, te polalubo king dao. Nage te hosde dugulasa, tama te hwįboba pelama, tama te hwįbo bage aiyaba elaluao. Nago hwįainu da, te bidi dabego nago po te aiyaba me elalugobeo. Tama nago hwįbo te bidi dabe dolasa bilimainu tau siyu hwįani. Te nago hwįbo te bomo yai pedelaibao, tama te dwai bidi dabe nagede wi mu emainu ebo dao.

Aisaia 1:17

Te dwagi yai doloba pai kolesaga ebo kolesaga konea sao. Tama te tobage dwagi yai kolesaga ugwa ela holomainu yao. Tama eyu, te gasa bidi dabego aiyaba elaluali bidi dabe tau mao. Te po tų ebode te tiana wai dabe bugagia tau sao. Tama me te wilawe we dabe te po tų ebode tau sao. Te tama bidi dabego augwali dali dwai sę ebaso da, dagego augwali tau sao.”

Esekiel 13:5

Augwaligo te taun bagulali obo alula pai elalubo te bugagia tonalusiąma, tama te obo ma nigibo sę egobeo. Tialima, ena Genuai Bidi, eno dwai dene maiabo sę dageba pedalubo sogo, tama eno te boi bidi dabe tagala palobo sogo da, teda dage Israel te boi hwįbode bomonama me dolalugobeo.” Te po wai.