Sefanaia 1:8 - Godigo dwagi yai po buku

⁸ Genuai Bidigo e tama po wali, “Te eno ena te we bidi ela wialobo bubugade, te eno te kingo ofisa dabe dene mayu, me te kingo wai ogwa dabebolo, me te bulu badu dwai kolesaga wali pabo bidi sese tama dene mena silaibao.

Sefanaia 1:8 Referans Kwoze

Aisaia 24:21

Polobadu digi Genuai Bidi aga digi po bodolu muai dao. Agai te dagalude bidibo bomo elalubo bage dene mayu, me te tǫde tuni bidi dabe dali dene mawaibao.

Aisaia 39:7

Te nago hanide digi te augwaligo te ogwa meba selama, augwali te Babilonba odasa paibao. Tama augwaligo sogoli te augwaligo dinama, tama augwali te kingo bede olo mu sę ebo bidi pedelama bidaibao,” Aisaiago te po wai.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Te Israel me Juda Hani Sigo Tuni Bidigo Po Elalubo Buku Si 10:22

Augwali te lotu be tomoba bula sela silama bidaluali, tama tialima, te Jehu aga te pelama, te lotu weyu te bulubo ugwa tonalubo bidi pageba pai. Tama agai e tama po agabolo wali, “Tama te bulubo ugwa selama, te Balba lotu po wabo we bidi dabebolo mena mena pao,” wali. Tama te bidigo te Jehugo wali po selama, te ugwa selama, mena mena pali.

Bomai Po 22:5

“Te we sibigo te bidi ogwago ugwa gudubo habu mu dao. Me, te bidi sibigo te we sibigo ugwa gudubo te habu mu dao. Genuai Bidi dago God agai te tobage kolesaga dabede dwai homu mu ebo dao. Mu tama dao.”

Aisaia 2:6

Genuai Bidi, nago naga we bidi tudi ola mawai dao. Nago augwali Jekopgo wąį dabe tagalali. Magi baso meni. Augwaligo tǫ haniani pobigo pągąna pali, te Filistia bagego tǫ tiwai yali gilama. Augwaligo te dwai kolesaga dabe sia asobo badu sai dao. Megi da, nago we bidi hanigo gasa we bidi hanigo kolesaga wali pabo.

Habakuk 1:10

Te Babilon bage augwaligo te king dabe, me te kantri ofisa bidi dabe gisugu mena tagalubo dao. Augwaligo te taun dabe dolabo homu ebaso da, tama te taun dabe bomai obo elalubaso da, tagalao, augwaligo gisugu mayu ebo dao. Tama augwaligo te obo sesegede augwaligo tǫ du holama, tama augwali tedu te oboba ugwaba holama, tama taun tomoba pelama, tama te taun me te taunde nai dabe sese tama sabo dao.