Sefanaia 1:4 - Godigo dwagi yai po buku

⁴ “Eno te Juda tǫ pedai we bidi, me Jerusalem hanu we bidi dene mawaibao. Tama teyu, eno te tibo god Balba lotu wabo nai dabe sese tama doliyu, me Balgo tigidali pris dabe sese tama doliyu yaibao. Tama te we bidi dabego augwali munu me ma homu kone egobeo.

Sefanaia 1:4 Referans Kwoze

Hosea 10:5

Te bulmakau gol Betelde elaluali te dolaibao, tama te taun Samariade bidali we bidi te augwali wi elama, te bulmakaude homu dene yaibao. Te tibo godide sę ebo we bidi, me pris dabe, augwali agade te homu dene eyu, gela waibao, magi baso meni, te Asiria dabego aga au dobage hųgia sąnama, te aga dolaibao.

Maika 5:13

“Te eno te tigidali kapago nigai tibo god, me te lotu wabo masigi pos tigidali sela sąwaibao. Tama te duga digi nigali nai dabeba munu ma lotu omainu me egobeo,” wali.

Jeremaia 6:12

“Eno te tǫ kantride bidibo we bidi dabeba te dwai dene sabo sęgę mawaibao, tama eno te gasa hanigo te be dabe, me tǫ, me we dabe somainogo yaibao,” Genuai Bidigo te po wai.

Tuni Bidi Dabego Po Elalubo Buku Si 34:4

Tama aga sę bidi dabe dali biligi pelama, tama agai augwaligo te tibo god Balgo alta dabe doligi pabo suali. Tama me te wiegi yai denami hano holobo pauda ulubo alta me dolali, te Balgo alta ugwadu daide dolalubadi dolali. Augwaligo tibo god we Aserago piksa noma pisilama tagalali, me te meba tibo god dabego piksa noma pisilama tagalali, tama augwaligo te piksa dabe halua mia sąnama, keli gagabode mu tagalali. Tama augwaligo te pauda selama, tama augwaligo te tibo godiba lotu wali we bidigo gų pageba gegele biligi pali.

Te Israel me Juda Hani Sigo Tuni Bidigo Po Elalubo Buku Si 21:13

Tama te eno te Jerusalem taun dolabo kolesaga e tiwai dao, eno te Samaria bulu doloyu, te king Ahap aga hani dali doloyu yali deli kolesaga tiwai naga yaibao,” wali. “Tama eno te Jerusalem bulu taun dolama, tama te tigidali we bidi dabe mu dola silaibao, tama tilama, te Jerusalem taun te e tama tiwai elaluaibao, te plet pou wę telawai tiwai gilama, te magi nai mu me te dwasianu pobele bage me meni yai olo mu elaluaibao,” wali.

Ma Dobola Sali 15:12

Nago dolo nogo dodolobode tama tǫ dedage elama, tama te boi bidi dabe augwali te tǫ dedagego dalai.”

Jeremaia 15:6

Ena Genuai Bidi, eno po dolo tama obao, naga digi ena tudiba mudu, te ena digibulu pali. Tama tibaso, te ena digi ena nogogo te nage elama dolobao. Hauwa sogo eno nage hobede yali, tiali goli megi ena hagela pai dao.

Esekiel 6:14

Awe, te eno augwaligo tǫ kantri pedai mu dolaibao. Te eno augwaligo tǫ pedai tigidali te olo bulu pesage tiwai pedalubo yaibao, te tǫ wa pai bulu Diplatde gagalaibao. Eno te Israel dabe bidibo bulu pesage deli me sula tagalogobeo. Menio. Te eno tigidali dolama, te tigidali olo bulu pesage naga elalueibao. Tialima, te we bidi tigidaligo bugagia koneama, ena digi ena Genuai Bidi mu bidibo yabo po omainu yai dao,” te po wai.

Esekiel 25:7

Dagego te tama kolesaga yali, tibaso te eno dageba dwai dene momainogo te gasa hanigo dage sagasomainu elama, te dageba dwai dene momainu yali. Te eno dage dolobo sę mu elama, tama dage te tǫ kantri me deli bidibo tiwai me egobeo. Te tiwai dagego bugagia koneyu, ena digi ena Genuai Bidi da po waiagameo,’ te po te Amon we bidiba pusao,” Genuai Bidigo enabolo te po wai dao.

Sefanaia 2:11

Genuai Bidigo augwali wi dwai mu emainu ilaibao. Te agai te tigidali kantri dabego tibo god dabe olo nai pedelemainu ilaibao. Tama tigidali tǫ we bidi augwali augwa kantride bidiyu, Genuai Bidiba naga lotu po weyu yaibao.

Sefanaia 2:13

Tama aga bomogo naga Genuai Bidigo te kantri Asiria we bidi dola silaibao. Te kantri te not badu te elalubao. Tama agai augwaligo genuai taun Ninive dolaibao. Tama te taun te olo nai meni yai olo tǫ wa pai bulu elaluaibao, tama bidi te bulude me bidigobeo.

Te Israel me Juda Hani Sigo Tuni Bidigo Po Elalubo Buku Si 23:12

Tama te kingo be ugwadu te pedu badu rum habu me deli nigai, te habu badu augwaligo e tama nogi wabo da, te King Ahasgo Be Habu Badu da wabo da. Polobadu te Juda hanigo king bidi dabe augwaligo te me badu alta sai te rum habu badu te be pedu doloba pai pedude te alta sai nigali. Tama te king Manasego te alta sai te sisinibo pesage si elalubo madigi te Genuai Bidigo te be obo bologobea sali tomode elaluali. Tialima, te king Josaiago te tigidali alta sai hųgia sąnama, tama te miminama mu, dwasianunu mu ilali. Tama nosali augwali te alta mimina sąyani, te pobele bage selama, tama augwaligo te Kidron wę elalubo odogo buluba sągi pali.