Sefanaia 1:10 - Godigo dwagi yai po buku

¹⁰ Genuai Bidigo te po wali, “Te bubugade dagego te we bidi augwali te Jerusalem sunumi obo pąde dolalubo suaibao. Augwaligo te Sųgųgo Sunumi wabo, tede tama dagego augwali gela wabo po odaibao. Te dagego te Jerusalemgo Niu Taun we bidigo gela odaibao. Tama dagego mage nai me bulu dude bomonama mu kulukulu wabo odaibao.

Sefanaia 1:10 Referans Kwoze

Tuni Bidi Dabego Po Elalubo Buku Si 33:14

Tama te nosali badu, Manase agai augwaligo Devitgo Taun wabo tede obo gesi me ma yali. Te obo te ugwanu mu dao. Te obo te giliga dega sabo badu odogo malu bulu badu gagalama, pelama, u badu not badu augwaligo Sųgųgo Sunumi wabo, te sunumiba usu nigi pali. Augwaligo taun Ofel wabo te taun bagua selama yali. Tama me Manasego te bomai obo elalubo taun dabe tigidali tonalua pomainogo agai ami ofisa bidi dabe sa muyu ela pali, te Juda distrikde.

Amos 8:3

Te sogo te tempel lotu bede bidali we bidi dabego te balia munu me egobeo. Menio. Te augwa gela wabo sę naga yaibao. Magi baso meni. Te isali bidi dabego tigi te tigidali pedai badu subigila munolua paibao. Augwaligo te tigi dabe buluba sela sąbo sogo da, teda te bidi dabego po deli me wagobeo,” wali.

Te Israel me Juda Hani Sigo Tuni Bidigo Po Elalubo Buku Si 22:14

Te bidi dabe augwaligo te kingo po oda silibo si, tama augwali te Jerusalemde te gesi noma taun pedai baduba pelama, tama augwaligo te profet we me deli te gesi noma taunde bidibadi yaide, augwaligo te profet we dali po miani, te wego nogi e dao, Hulda. Hulda aga te Salumgo we da, Salum agai te pris bidi dabego te au dodobage gudubo ugwa mubo habu pesage tonalubo sę ebo bidi da. Salum aga aya te Tikvago ogwa da, tama aga wąį nǫų ogwa te Harhas. Tama te Huldago agai te bidi dabe augwaligo wali po oda silali.

Nehemia 3:3

Te Hasenago hanigo te obo sę te Sakurgo hanigo obo sę ebo pąde wadoa selama, te sę yai. Te obo dage te augwaligo nogi eyu, te po wali, Te Sųgų Pisgo Sunumi elalubao wai. Tama augwaligo te ni nami dabe te sunumi sesegede paliama, tama te sunumi aga mubo pesagede muani, tama bomai lok munama, tama te sunumi dąų walobo bobage ain dili muani.

Sefanaia 1:15

Tama te sogo Genuai Bidigo moni sębę pebeli diliba mu pedelaibao, tama te we bidigo homu sęgę elama, tama augwaligo homu dwai yaibao, tama te nai dabe sese tama dola silaibao. Tama te pǫ dabego giliga halua siyu, te dwai tį be elama, tama geninama mu hulia saibao.

Sefanaia 1:7

Tigidali Nai Tonalubo Genuai Bidi Godigo bubuga pąba polo yagasalio. Tialima, dage aga pageba aselama, tama pedauwali pania selama elaluao. Genuai Bidigo aga we bidi elabo dola selama elalubao, te bidi dabego ofa ebo hasa dabe elebo tiwai yaibao. Tama agai meba bidi dabe i wali, te agai ebo sę dabe suagasomainu. Tama agai augwalibolo agai gedude wiegi yai pedalobo kolesaga emainu yao po wali.

Jeremaia 39:2

Augwaligo hwįnama, hwįnama, te waiya si me deli, te polua a naga me deli bidali, tama te kibu be 11 te Sedekaia king bidali, te polua me si me si, te polua dei te 9 wabode, augwaligo te masigigo nigai moni obo pedai me badu deli aluama, te Jerusalem tomoba pai dao.

Jeremaia 4:31

Eno odali, te wego wai ame nainogo te gela wabo tiwai odali. Te wego hasia wai ame nabo sogo, te aga genuai dene yaibao. Te taun Saiongo gela obao. Aga homu hę mu weyu, te aga nogo bomo sainu debalu te tiwai po waibao, “Hobede mu dao, ena mu dolobao. Te boi bidi dabego ena elama, ena isainu ebao,” wai dao.

Aisaia 59:11

Te sęgę dabego da dwai dene mu ebaso, te dago te genuai hasa bea dabego gani gani wabo tiwai weyu, te dago gela wali te ba higo po wabo tiwai yali. Tama dago te nageba tonalu, te nago doloba pai kolesaga ola mayu, te da tau selama, ma sabo tonalubo dao. Tiali goli, menio. Te nago doloba pai kolesaga dade digibulu elalubo dao,” wali.

Tuni Bidi Dabego Po Elalubo Buku Si 32:22

Tama te tiali kolesagago Genuai Bidigo king Hesekia te Jerusalem dabe dali augwali tau sali. Tama te Senakerip te Asiria dabego kingo augwali dolobeo. Tama me ma Genuai Bidigo gasa boi bidi dabego Juda dabe dolagasomainu sula tagalobeo. Genuai Bidigo augwaligo ebo sęde tigidali tau sali, tama augwali bugagia bidali.

Tuni Bidi Dabego Po Elalubo Buku Si 3:1

Te king Solomongo te Genuai Bidigo lotu be tempel te bulu du nogi Moria tede te be sę ebo sę gagalali, te Jerusalemde. Tiali te bulu dude Genuai Bidi Devitba polobadu pedelagasai dao, te Solomon aga aya. Polobadu te bidi Arauna te bulu dude te wit nai ge bo sela sąbo sę te bulu dude yai dao. Te Arauna da, te Jebus hani bidi me deli dao. Tama Devitgo te Araunago te sę iduali te pesage sa munama, tama agai te pesagede te Genuai Bidigo be sę yaibao wali.

2 Samuel 5:9

Tama nosali, Devit te Saionba bidigi pelama, tama te taunba te tiwai nogi mawai, Te Devitgo Taun da wali. Tama Devitgo te po wali, tama te sę bidi dabego te taun bagulama, be dabe sę yao po wai. Augwaligo te be dabe sę ebo gagalu, te tǫgo pągąnani bulu me deli odogode te be dabe sę yani.

2 Samuel 5:7

Tiali goli, augwaligo po te geda muani, magi baso meni, Devit dali, te aga ami bidi dabe dali, hwįgi pelama, tama te bomai masigigo bagulai obo elaluali taun salio. Te taun nogi Saion, te Jerusalem bulu me badu pedai dao. Tiali goli, nosali te we bidi dabego te tiwai nogi polali, Devitgo Taun da wali.

Tuni Bidi Dabego Po Elalubo Buku Si 34:22

Te bidi dabe augwaligo kingo po polo oda sali. Tialima augwali Jerusalemde te gesi be naniba pali, te profet we aga nogi Hulda dali po wainogo pali. Hulda aga Salumgo we dao, te bidigo te pris bidi dabego aubo nai dabe munalubo pesage tonalubo bidi dao. Salum aga te Tokhatgo ogwa dao, tama aga wąį Hasra dao. Hulda agai te bidi dabego po odama da,

Nehemia 12:39

Tama dago te badu taga soyu, tama peyu, te Efraim Sunumi, me te Jesana Sunumi, me te Pisgo Sunumi, me te Hananel Taua, me te Tonalubo Bidi 100 Bidibo Taua, me te Sipsip Sunumi elaluali me, te ededeli palio. Tama da asiyu, te Godigo tempel be oboba sabolali, te sunumi augwaligo nogi yali te Kalabus Dabego Sunumi Dao wai.

Esekiel 6:13

Te boi bidi dabego te Israel dabe augwaligo tigi te augwa tibo god dabe me te alta dabe pąba sąsąwaibao, tama te lotu wabo pesageba me, te bulu du dabe daide me, te tigidali genuai ni dabe dologoba me, te augwa tibo god dabeba te ofa dabe ula mabo pesage tigidaliba te augwali isasa pali bidi dabego tigi sąsą paibao. Te sogo te tigidali Israel dabego koneama, ena digi ena Genuai Bidi bidibao po waibao.