Polgo Po Pas Rom Dabeba Asęani 9:31 - Godigo dwagi yai po buku

³¹ Me ma, te Israel dabe augwali da, te Godigo augwalibolo doloba pai bidi nogi pomainogo eyu, tama augwali te bomai po bugagia wali pabo tų gegali goli, te tų augwaligo subeo, te augwali te bomai pogo usu niba kadu wabeo.

Polgo Po Pas Rom Dabeba Asęani 9:31 Referans Kwoze

Polgo Po Pas Rom Dabeba Asęani 11:7

Tama tibaso dago te Israel dabede magi po waibawe? Te Israel dabe augwaligo te Godigo augwali doloba pai we bidi nogi poabo tų suainogo te sę dene yali goli, te tų augwaligo me susiąwai. Te Godigo meba we bidi naga dią selama, tama augwaligo te tų suali. Tama gasa bage, te augwaligo Godigo po odobo hagela eyu, tama augwa olo dąų wali.

Polgo Po Pas Rom Dabeba Asęani 3:20

Magi baso meni, te bomai po wali pabo kolesagade te bidi deli agade Godigo ‘Aga doloba pai bidi dao’ po me wagobeo. Te bomai pogo dena dwai sę ebo kolesaga denabolo hania mu ola mayu ebo dao, te tama sę naga te bomai pogo ebo dao.

Filipai 3:6

Eno te Godigo nogi dolobo we bidi elaibao homu bomo elama, tama tede geda muyu eno te Krais wali pabo we bidi hani augwalibolo genuai dene mayu bidai dao. Te Godigo te Juda dabego bomai po dolo wali pabo bidibolo te doloba pai bidi nogi pogi sogo da, teda enabolo agai te nogi pogi da. Eno te bomai po me deli me bolobeo. Te eno dwagi yai kolesaga tama yali goli, te usu meni.

Galesia 3:21

Te bomo yai po dali, te Godigo we bidibolo dwagi yai sę yaibao dąų wali po dali, te po si augwa hasi boi bidi si tiwai dawe? Woo, te tiwai mu menio. Te po olamuo. Tama Godigo te bomo yai po me deli menama, tama te bomo yai pogo te we bidi Godigo gedude doloba pai we bidi egi sogo da, teda te we bidi tigidali augwali te bomo yai po wali pelama, augwali Godigo gedude doloba pai pedelali wagi da.

Aisaia 51:1

Genuai Bidigo te tiwai po wali, “Dage te eno homu kolesaga wali pabo sę dene eyu, te doloba pai kolesaga ebo hani dabe, dage eno po odiąo. Dagego te Abraham de Sarai siba ma homu kone palao, aga te duga wąį aya monu, me duga ida auwa mosi si dao. Augwali si te dage hani bulali wąį nǫų mu dao. Te eno Abraham i wali sogo, aga wai meni yai, tiali goli eno augwali siba te wiegi yai sę bugagia elama, te augwa si wai elaluai, tama augwali sigo hani wai dabe te genuai hani we bidi mu pedelai dao.”

Polgo Po Pas Rom Dabeba Asęani 3:27

Tama tibaso, dena digi dena nogi ugwaba sabo tų mena tama elalubawe? Te meni dao. Te tų palia salio. Magi naigo te tų palialiwe? Te Godigo augwali doloba pai we bidi nogi nogi yai hagede augwaligo te bomai po wali pabo kolesagago augwali doloba pai bage ilibo meni. Te menio. Te Kraisde te konealubo po dąų wabo kolesagago naga te we bidi doloba pai we bidi ilibo dao. Tama tibaso, dena nogi ugwaba sabo tų meni dao.

Polgo Po Pas Rom Dabeba Asęani 10:20

Tama te Godigo po polobadu pusali bidi Aisaiago te po hanilama pusubo wi me ebeo. Agai Godigo te gasa hani we bidide wali po e tiwai asęani, “Te ena gegebo sę me isąwani bidi dabego, te augwaligo ena suali. Te bidi dabe meba augwaligo te bidi mebabolo te enade po hanalusiąbadi, tiali goli ena augwaliba hanilama pedalobo dao.”