Polgo Po Pas Rom Dabeba Asęani 9:27 - Godigo dwagi yai po buku

²⁷ Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

Polgo Po Pas Rom Dabeba Asęani 9:27 Referans Kwoze

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Hosea 1:10

Te Genuai Bidigo po ma weyu, te po wai, “Te Israel dabe te nabisde masigi sani tiwai hauwa umabo ma pedelaibao, tama te augwaligo augwali te nedainu ebaso, usu egobeo. Megi da, te ena Godigo augwaliba te tiwai po wali, ‘Dage te eno hani we bidi menio,’ wali. Tiali goli, me sogo deli sogo, te eno augwaliba te po waibao, ‘Ena te sesemane bidibo ula elalubo God dao, tama dage eno wai dabe da,’ waibao.

Esekiel 6:8

“Tiali goli, te boi bidi dabego te we bidi tigidali ela mumainogo me egobeo. Me badu we bidi bidalubadi, te eno gasa tǫ kantriba ela gudulama, tedela palaibao.

Jeremaia 5:10

“Dage Israel dabego boi bidi dabe, dage te tǫ kantri Israelgo wain gidu aselayu, te gi dabe doliąo. Tiali goli, dagego mu siligio. Te wain nologo dabe naga sela sąyao, magi baso meni, te nologo dabe te eno nai menio.

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 24:13

Te tobage dwai sę naga te tigidali tǫde we bidide pedalaibao. Tama dwasianu we bidi hani mu naga bidaibao. Te ni oliv du te bidigo sela silaide te deli deli walalua pabo tiwai elaluaibao. Me te ni wain du te bidigo siyu, deli deli tagalai te elalubo tiwai yaibao.

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Esra 9:14

Tama tiyu, te dago nago po ma sela sąyu, tama dago wegi te hani bidiba mayu, te dago augwali hani wegi ma siyu, te haniani dwai kolesaga ebo te dwai mu ebao. Dago koneanio, te dago augwali hanigo wegimani sobaso da, teda nago haliga sębę dwai mu elama, tama nago da dolama, tama da tigidali silimainu yaibao, tama da me deli te me bidigobeo.

Esra 9:8

“Tiali goli megi da, God, dago Genuai Bidi, nago te olo tau mabo wiegi yai kolesaga te daba gagalama ma yalio. Tama da dwasianu hani naga te kalabus yali pesage tagalama, tama da te Jerusalemba ma asai, te naga wiegi yai bulu digi dao. Tama nago bomo dabolo megi ma mobaso, te da bugagia bidibao, da te gasa hanigo olo sę bidi bidibo tiwai ebadi digi te tagalao wali.

Jeremaia 44:14

Dage megi Isipde bidibo dwasianu Juda hani, dagego te Juda tǫba ma pabo homu godolo ebao. Tiali goli, te dageme deli te dolabo sęgo geda munama, te duga tǫba mepogobeo. Dage tigidali dolaibao, te deli deli bidi naga wipeyu, ma paibao,’ Genuai Bidigo te po wali.” Jeremaiagote Isip tǫde bidali Juda dabebolo te po pusali.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.