Polgo Po Pas Rom Dabeba Asęani 9:26 - Godigo dwagi yai po buku

²⁶ ‘Dage eno hani meni,’ tama eno te po wali madi, te bulude naga te eno augwali nogi olama, ‘Te bidabo ula elalubo Godigo wai da’ po waibao,” Godigo te po olama, tama Hoseago asęani.

Polgo Po Pas Rom Dabeba Asęani 9:26 Referans Kwoze

Galesia 3:26

Te dage tigidali bidigo Jisas Kraisde konealubo po dąų weyu, tama dagego te konealubo po dąų wabode te dage da Godigo wai puluba dao.

Polgo Po Pas Rom Dabeba Asęani 8:16

Te Mobo Bidigo digi agai dago mobo noma bidi tau siyu tama dago homu tomode hania hanilama, da te Godigo wai puluba bidibo po wabo dao.

Aisaia 43:6

Eno te bidi dabe te not badu, me saut badu bidibo bidi dabebolo olama, te dage ma asomainu ilao waibao. Te eno we bidi dabe te digibulu mu, te tǫ sesege badu bidali me, te augwali eno ma odasa asaibao.

2 Korin 6:18

Tama ena dagego Aya bidiyu, tama dage eno wai ogwa me wegi me bidaibao, Genuai Bidi tigidali bomo page bidi, agai te po wai dao.”

Dwagi Yai Gesi Po Jongo Asęani 11:52

Tama Jisas aga isiyu, Juda we bidi naga tau sogobeo, te Godigo we bidi gasa bulude bidada pali we bidi deliba sisinama, agai hani deli naga yaibao.

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

Bomai Po 14:1

Mosesgo po geninama weyu, te po wali, “Dage da, te Genuai Bidi dago God agai wai puluba dao. Tialima, dage te isai bidide gela weyu da, te usu dao. Tiali goli, dagego duga tigi wali me togoyu, o duga tobolu nisi gebo badu me poayu me igio. Teda te wani yaibao, te Godigo po wali pisąbo bagego ebo gilama yaibao.

Godigo Nogi Ugwaba Sabo Tęąbi Po Wabo Buku Dabe 42:2

God, nage te bidibo ula elalubo God da, tama eno nage wei homu mu ebao, te bidi aga dogoni wa pobaso, te wę tuainu ebo tiwai yaibao. God, mena sogo te ena nageba aselama, tama te moni lotu be tempelde nageba lotu wagowe?

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Polgo Po Pas Rom Dabeba Asęani 8:14

Te Godigo Mobo Bidi wali bilibo we bidi augwali tigidali te Godigo wai dabe bidibo dao.

Polgo Po Pas Rom Dabeba Asęani 8:19

Te nosali Godigo da ugwaba selama, tama da agai wai dabe te hania hanilaibao. Tama te sę yabo sogo asobo te Godigo nigali tigidali naigo tonaluyu bidibo dao, te bidi aga homu memenege eyu, tama aga wiegi yai nai asobo sogo tonalubo tiwai gilama.