Polgo Po Pas Rom Dabeba Asęani 9:22 - Godigo dwagi yai po buku

²² Te Godigo me te tiwai yai. Agai te aga sębę homu ebo te bidi dabebolo hania hanilabo homu yali, te tigidali bidigo agai bomo me konemainogo yai. Tama te dwai sę yali dene sabo we bidi augwali dolabo sę te sisi yai elalubo, tiali goli agai augwali gogolama polo elebeo, tama bobage sogo tonaluali.

Polgo Po Pas Rom Dabeba Asęani 9:22 Referans Kwoze

Bugagia Bidibo Kolesagade Po Asęai Buku 16:4

Genuai Bidigo te tigidali nai nigilama, tama augwalide te sę dabe elalubao. Tama tiwai naga, Genuai Bidigo te dwai kolesaga yabo bidi dabe nigilali, tama agai augwali nigali te po tųde hagamainu nigalio.

1 Pita 2:8

Tama te bukude asęani po me dao, “E masigi da, te we bidi augwali sągą dani tųąbo masigi dao, te augwali te tǫba tula muabo genuai masigi dao.” Tama augwaligo Godigo poba augwa homu tigidali musiąbaso, tama augwali tulalubo dao. Te God agai polobadu augwali te sęba muani.

Polgo Po Pas Rom Dabeba Asęani 9:21

Te sene nigibo bidigo te agai mama tǫ pedai me deli selama, tama te tǫgo te sene si nigali, me deli te wiegi yai sę yabo sene te wiegi yai nigali, tama me deli te olo sę yabo dwai sene nigai. Aga homu naga wali peyu, tama te tiwai ebaso da, te usu da, po meni, te aga sę dao.”

Polgo Si Wali Pas Timotiba Asęani - 2TI 2:20

Te doado bage hauwa elalubo bidigo bede te haniani plet pou elalubo dao. Te plet pou meba augwaligo te wiegi yai kapa si gol me silva, te sigo nigali. Tama te nogi elalubo sogo augwaligo nai tuenu augwaligo te wiegi yai nai naga te tobage wiegi yai pou dabeba mubo dao. Te pou dabe te gasagi yai tedali dao. Tama plet pou meba augwaligo nigo nigali me, tama meba augwaligo te mama tǫgo nigali me elalubao. Te tobage olo pougo te olo sę naga elalubao.

Ma Dobola Sali 9:16

Tiali goli, eno nage hodolama, te tuni bidi nigiliyu, te eno genuai bomo dagebolo ola mayu, tama te we bidigo eno genuai nogi te tigidali tǫba te po pusugi pomainogo tebao.

1 Tesalonaika 2:16

Tama boi bidi mu bidiyu, augwaligo dago sę yabo tų pania sabo sę ebo dao. Tama te Juda hani isiąwai we bidi Godigo augwali ma somainogo, dago Godigo po augwalibolo pusainogo ebadi, te Juda bage augwaligo da dali “Te po wagio,” wabo dao. Tama tiyu, augwaligo dwai sę yali te hauwa mu yai dao, te genagi naigo pągąwai tiwai. Tialima, God agai moni sębę ebo augwali pąba mu bidagasai elalubao.

Polgo Po Pas Rom Dabeba Asęani 9:17

Tama Mosesgo te bukude asęani Godigo e tiwai po te Isip tǫ tuni bidibolo wali, “Eno bomo tigidali bidibolo ola mawaio wali, te augwaligo eno nogi te tigidali tǫba sela pelama pusugi pomainogo obao. Tede naga eno nage hodolama, tama tuni bidi nigilama, tama eno te nage dali hwįbo dao,” Godigo te wali po asęani.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

Godigo Nogi Ugwaba Sabo Tęąbi Po Wabo Buku Dabe 90:11

Dego te nago wado ebo genuai bomo te bugagia konebawe? Tama nago augwaliba te wado ebo homu ebode genuai wi te we bidi augwaliba pedalubo te koneaniwe?

Israel Hanigo Namba 14:18

‘Ena Genuai Bidi, eno sębę polo me ebo menio. Tama eno te we bidi godolo eyu, tama eno ena po tigidali sogo wali peyu ebo dao. Tama eno augwali dwai sę tigidali sela sąyu, me eno augwaligo hagoma homu ebo eno sela sąyu, tama ebo dao. Tiali goli, eno te dwai sę ebo we bidi dene iliyu, me eno te wai dabe me dene iliyu, me agai wąį wai dabe dene iliyu ela pelama, te namba 3 haniba saboligi peyu, me namba 4 haniba saboligi peyu, tama yaibao, te nosali pedalobo hanide.’ Nago tama po wai dao.

Israel Hanigo Namba 14:11

Tama Genuai Bidigo Mosesbolo e tama po wali, “Hauwa sogo mu te we bidigo eno po sela sąyu, tama augwaligo eno po mu dao homu ebeo. Eno augwali tomode wiegi yai sę hauwa yali, Tiali goli, augwaligo teba homu dąų wabeo.

1 Tesalonaika 5:9

Magi baso menio. God agai da bodolu mani te dago agai homu sębę ebo dago somainogo ebo menio. Woo, agai da sa muyu, te homu yai, augwaligo Genuai Bidi Jisas Krais agai augwali tobade isilama, tama augwali ma saibao, God agai te homu elama, da sa muani. Tama Genuai Bidi aga ma asobo sogo da bidiyu da, ma da isali da, te sogo da aga dali hodobo bidada peyu, mu bidada pomainogo, Godigo da sa muani.

Tigidali Nai Gagalama Nigali Side 15:16

Te nago wąį dabe augwali te e tǫba polo ma asogobeo. Te megi ede bidalubo Amor hani augwaligo te dwai kolesaga hauwa me isiąbadi. Te nosali mu te Amor hani augwaligo dwai sę ela silai digi, teda eno augwali dolobo sę elama, tama augwali ela gudulaibao. Tama te sogo, nosali mu, te nago wąį hani dabe augwaligo wąį hani dabe tama pedalubode, te sogo augwali ma begasa aselama, e tǫde bugagia bidaibao,” Yawego te po wai.

2 Pita 3:15

Tama Genuai Bidigo me tonaludu tama agai da dali dua ebao. Tama dagego te kolesaga ebode tama kone palao, te agai da ma sainogo ebao. Tama Godigo wiegi yai homu kolesaga te dago dwagi yai ama Polbolo menama, tama agai me te tobage po dagebolo asęna tolai dao.

2 Pita 2:9

Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.

1 Pita 3:20

Tama polobadu mu te bage augwali e tǫde bidibadi augwaligo Godigo po odobo hagela yai dao. Tama te sogo polobadu mu te bidi nogi Noa aga e tǫde bidiyu, tama Noa agai te moni geba nigibadi te sogo Godigo te dwai sę yali we bidi dali sębę polo isiąbadi tonaluali. Tama te moni geba nigibo sę silama, tama te we bidi isilabo moni ąį asali sogo, te we bidi hauwa te geba tomoba pelama bugagia bidibeo. Woo, te we bidi a naga olama me nogo sela naga augwali te sipde bidibadi te ąįdu sela bilama tama bugagia bidaligo sana pali. Tama tebogo Godigo augwali te ąįgo tau siyu ma dobola sali.

Polgo Po Pas Rom Dabeba Asęani 1:18

Te Godigo sębę ebo te aga bidibo madidu hania pedalalio. Agai te God tudiba muyu, te dwai kolesaga eyu bidibo bidi dabe dali sębę ebo dao. Te tobage dwai sę ebo bage augwaligo te dwai kolesagago te mu pogo sę idali weyu te mu po hogwa sabo dao.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Polgo Po Pas Rom Dabeba Asęani 9:20

Bidi me deligo te tiwai po hanalu weyu da, teda eno te po wei ponoyu te po waibao, “Abagi, nage de da weyu, tama nago te po Godibolo ela palamuo. Ma te mama tǫgo nigali senego te aga nigali bidigo geda muani homu eyu, tama te bidibolo te po wai, ‘Magi baso nago ena te tiwai nigali’ po waibawe? Menio.