Biblia Todo Logo
Bib sou entènèt

- Piblisite -




Polgo Po Pas Rom Dabeba Asęani 9:20 - Godigo dwagi yai po buku

20 Bidi me deligo te tiwai po hanalu weyu da, teda eno te po wei ponoyu te po waibao, “Abagi, nage de da weyu, tama nago te po Godibolo ela palamuo. Ma te mama tǫgo nigali senego te aga nigali bidigo geda muani homu eyu, tama te bidibolo te po wai, ‘Magi baso nago ena te tiwai nigali’ po waibawe? Menio.

Gade chapit la Kopi




Polgo Po Pas Rom Dabeba Asęani 9:20
30 Referans Kwoze  

Augwaligo te tigidali nai dabe hasegelama, tigidali nai dabe dolobo dao. Te augwaligo wali po tiwai tama, “Te tǫ sene nigibo bidi te sene nigibo tǫ tiwai dao.” Mena tama tialiwe? Te olo nai mego te aga nigali bidibolo te tama po waibawe, “Nago ena nigai menia?” Ma, te tǫ senego te aga nigali bidibolo te tama po waibawe, “Nago mage nai me konebeo,” te po waibawe?


Tialima, Genuai Bidi, nage dago aya dao. Nage te sospen sene tǫgo nigibo bidi tiwai, tama da nago te sene nigainu sabo tǫ tiwai elalubao. Te nago nogogo digi da tigidali nigibo dao.


Magi baso nago Godibolo po hauwa weyu, e tama wabo da, agai da bidi dabego po wei ponobo meni, magi baso nago te po wabo dawe?


“Jop, nago pogo ena dali hwįbo tiwai walio. Ena da, Tigidali Bomo Elalubo God dao. Tama nago ena po tų ela manio. Tama megi da, eno nago eno po wei ponomainu agebele e ilibao. Nago wei ponobo usu yaibawe? Ma, meni yaibawe?” Godigo te po wai.


Te mone te eno sę ebo nai dao. Ma, eno te ena monede digi te tiwai homu egobewe? Eno wiegi yai kolesaga aga dali ebaso, nago homu dwai ebawe?’ gi page bidigo te po wali,” Jisasgo te po wai.


Dagego enabolo e tama wali, ‘Jop, nago po olo wę asobo tiwai tebao. Tama mena sogo pedauwali pania saibawe? Nago mena homu elaluyu, nage dwai bidiyu, dago po odaibawe? Meniwe te obao. Nago po wei ponoyu naga ebo.’ Dagego te po wabo dao.


Tama sesemane sogo augwaligo wado po subigila weyu ebo dao. Te tobage bidi dabe augwali te gagea pai homu ebo bidi pedalama, tama augwaligo te mu po te augwa homude dąų wabo tagalai dao. Augwaligo homugo te Godigo kolesaga wali pabo te bisnis ebo sunumi augwaliba bugagia pedalama, tama mone hauwa siyu, tama walu hauwa sabo mone bidi pedalaibao homu ebo dao.


Tama Godigo te po polobadu obaso, te tǫde koneai bidi dabe augwali magi yaibawe? Te buku hauwa elalubo po page konebo bage, augwali me magi yaibawe? Ma, te gasa bidigo homu bega sabo po bugagia wabo bage, augwali me mena sę me elalubawe? Menio. Godigo dabolo hanilama hania ola mawai dao, te e tǫde elalubo wiegi yai homu kolesaga te olo nai tiwai dao, te homu kolesaga meni yai bidigo olo po naga dao.


Nago po bomonama, e tama wali, nago tigidali kolesaga dolo dao, po wali. Tiali goli, nago ena magi baso po tų ela maniwe? Tama nago magi baso eno doloba pai kolesaga ebeo po waliwe?


Tama dego Godigo yabo sę dabe po dego ola mawaibawe? Ma, dego agabolo ‘Te nago geda muani’ po wabo usu yaibawe? Te tama tiabo bidi mu meni.


Nage homu kolesaga meni yai bidi, te nago konealubo po naga dąų weyu, tama nago wiegi yai kolesaga dali esiąyu, tama nago te konealubo po dąų wabo te olo nai tiwai eyu te usu menio. Tama tibaso, nago te po page mu koneai homu ebawe?


Nago te masigi sisąwai olo sę bidi augwalibolo te po wao: augwaligo tigidali sę ebode te augwa tonalubo bidigo augwali dali dwagi yai homu emainogo tama augwaligo augwa tonalubo bidigo po odolama, tama augwali dologode naga bidao. Tama augwaligo augwa tonalubo bidi dabebolo po wei ponoyu te dwai po me olamuo.


Te Godigo te tobage dwai dwai kolesaga ebo we bidi dabe dali sębę ebo dao. Tama agai te sębę ebo homu haninanigo da, teda dage tigidali bidi dabego gasa bagebolo po ela palobo da, eno dage deli delibolo e po obao, nago te naga yali dwai sę te geme dualobo usu me egobeo. Nago po wei ponainogo yali usu egobeo. Odao, nago gasa bidi dali naga po weyu yali, tama tebo kolesagago nago po nagaba digi te po obao. Magi baso meni, nago gasa bidi agabolo naga “Nago dwai kolesaga yai,” po wai, tiali goli naga digi nago me te tobage dwai kolesaga ebo dao.


Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.


Eno po hauwa mu wai dao. Tama tibaso, eno nago po wei ponoyu, po ma wagobeo,” wali.


We, nago te naga bidi tau selama, te aga Godigo po wali pabo bidi pedelabo, ma meniabo, te nago konebeo. Te nage bidi, te nago naga we tau sobaso tama aga te Godigo po wali pabo we pedelabo, ma te meniabo me, te nago konebe dao.


Tiali goli, kingo Abisaibolo me, te aga ama Joapba me, te tama po wai, “Te dage sigo sę me menio. Te aga gogola tagalao. Te Genuai Bidigo te bidiba po walobaso, te agai enaba te dwai po waibaso da, teda dego agaba hanalu waibawe, ‘Magi baso nago te tobage po obawe?’”


“Ma, God aga olo bidi tama tigi sogo da, teda da si po tų ebo madi pelama, da sigo po dodoligi pigi da.


“Tuni bidigo te po tama wali. Tiali goli, ena Genuai Bidi eno hanalu waibao, ‘Te sigi hwą me deligo te po waibawe, “Te ena genuai dao, tama bidigo nogo toulama, nigilibo te enaduba bomogo edelalio,” po waibawe? Te so mego “Ena te bidigo nogo toulama, ni togobo bomo te eno edelalio,” po waibawe? Te hwįbo ni dage dabego bidi nogo toulama, hwįgi pabo meni. Menio. Te bidigo te ni dage dabe nogo toulama, hwįgi pabo dao.’” Genuai Bidigo te po wali.


“Ena Genuai Bidi, eno dage Israel we bidi dabe dali po elalubao. Te eno dageba te sene nigibo tǫde yali sę tiwai egobe da homu eba, agawe? Dage Israel dabeo, dage eno nogode elalubao, te tǫ te sene nigibo bidigo nogode elaluali tiwai elalubo dao.


Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”


Jisasgo wei ponoyu, te po wali, “Bidi mego te nai bugulabo bomo enabolo mabe, te nai bugulabo eno usu egobeo. Te eno sę menio.”


Odao. Nago te tobage dwai kolesaga ebo bidi dabe augwalibolo te po weyu yali, tiali goli naga digi nago me te tiwai kolesaga yai, nago magi homu ebo dawe? Naga digi te Godigo po tų gedelama wi pabo usu yaibawe?


Te sene nigibo bidigo te agai mama tǫ pedai me deli selama, tama te tǫgo te sene si nigali, me deli te wiegi yai sę yabo sene te wiegi yai nigali, tama me deli te olo sę yabo dwai sene nigai. Aga homu naga wali peyu, tama te tiwai ebaso da, te usu da, po meni, te aga sę dao.”


Te Godigo me te tiwai yai. Agai te aga sębę homu ebo te bidi dabebolo hania hanilabo homu yali, te tigidali bidigo agai bomo me konemainogo yai. Tama te dwai sę yali dene sabo we bidi augwali dolabo sę te sisi yai elalubo, tiali goli agai augwali gogolama polo elebeo, tama bobage sogo tonaluali.


Nage niwai bidi da olama, tama nago gasa bidigo sę ebo bidigo ebo kolesagade te sęgę sali homu ebo dawe? Te aga sęde bomo elama dolalubaso, ma aga tulalubaso da, te sę aga Genuai Bidigo digi osola sulama tama aga dali yaibao. Tama te bidi aga dolaluaibao. Magi baso meni, te Genuai Bidigo digi te aga dąų ilama, tama aga bomo elama dolalubo usu yaibao.


Te doado bage hauwa elalubo bidigo bede te haniani plet pou elalubo dao. Te plet pou meba augwaligo te wiegi yai kapa si gol me silva, te sigo nigali. Tama te nogi elalubo sogo augwaligo nai tuenu augwaligo te wiegi yai nai naga te tobage wiegi yai pou dabeba mubo dao. Te pou dabe te gasagi yai tedali dao. Tama plet pou meba augwaligo nigo nigali me, tama meba augwaligo te mama tǫgo nigali me elalubao. Te tobage olo pougo te olo sę naga elalubao.


Swiv nou:

Piblisite


Piblisite