Biblia Todo Logo
Bib sou entènèt

- Piblisite -




Polgo Po Pas Rom Dabeba Asęani 9:19 - Godigo dwagi yai po buku

19 Tiali goli, bidi mego enabolo e tiwai po wagi da homu yali da, “Te Godigo aga homu naga wali peyu, tama bidi me deli sa munama tama gasa bidi meni. Tama tiyu da, teda magi baso agai te bidigo dwai kolesaga ebo po me odubadi geaibawe? Dego te Godigo ebo homu kolesaga gisilainogo usu egowe? Bidi menio.”

Gade chapit la Kopi




Polgo Po Pas Rom Dabeba Asęani 9:19
19 Referans Kwoze  

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”


tama agai gedu haluasa po weyu e tama po wali, “O Genuai Bidi, dago wąįgo God, nage dagalude bidiyu nago tǫde we bidi tigidali tonalubo dao. Nago genuai bomo mu elalubao, tama bidi mego nage dali hwįnama, nage aiyaba elaluabo usu me egobeo.


Tiali goli bidi me deligo te tiwai po hanalu waibao, “Te Godigo po wali pali isai we bidi dabe augwali mena tama hodalugowe? Te augwali mena tiwai tigi selama ma hodalugowe?” agai te po waibao.


Sesemane sogo da Godigo gesi wiegi yai po pusubo bidi dabe dago te Krais isąma tama Godigo aga ma hodolali po pusubo dao. Tama tialigo da, magi ilama tama dage tomode meba augwaligo e tiwai tibo po weyu ebo dao: “Te isai bidi, aga ma hodalugobe, dago te homu ebo da,” te po wabo.


Awe, mu tama, te Godigo Bidi Mu aga isaibao, te agade te tiwai po te Godigo po bukude asęani po tiwai isaibao. Tiali goli te Godigo Bidi Mu te boi bidi dabe nogoba muani bidi da, te aga hobedagia mu ebao! Te bidi aga idago aga me ame nagi menigi da, te usu egi da, aga bugagia bidigi da,” Jisasgo te po wai.


Te bidi dabego haliga sębę yali, tiali goli, te tebogo te gasa bidi dabego nago nogi ugwaba somainu ebao. Tama te hwįbode dolisawąni bidi dabego te genuai lotu wabo sogode te nageba lotu waibao.


Ma, Godigo bomo eno usu sainogo eyu da, teda agai bomogo ena aiyaba elaluaibao. Tiali goli, eno po tų ebode po dodoliyu da, teda dego aga tobage dwagi yai te po tų ebode yaibawe?


Polobadu dagego ena dolabo homu dąų wali. Tiali goli, Godigo te dwai kolesaga begelali, tama agai te bidi hauwa bidibo ula elaluyu, tama augwali me hagaidali weyu, wiegi yai sę pedalumainu ilali. Tama tialigo da, megi te we bidi dabe bidaluali.


Tama bidi aga homude dwai sę yabo homu hodobaso da, agai te po olamuo, “Godigo enabolo ‘Dwai sę yao’ wali.”. Te menio. Dwai sę ebo homu God agai homu kolesagade pedalobo menio, usu egobeo. Tama tibaso, Godigo te bidibolo ‘Dwai sę yao’ wagobeo, te tobage po agai wabo menio.


Tiali goli dagego te duga nogi ugwaba sabo po wabo homu yaibao: “Godigo te ni oliv nologo dabe togwali madi, te ena augwali togwali pesagede wadolomainogo yai,” waibao.


Tama Godigo polobadu mu koneama tiaibao homu elama, agaduba homugo po polo dąų waluyu homude tiwai, te Jisas augwaligo dagego nogode muaibao. Tama dagego dwai bidi dabego Jisas elemainu ola mobaso, tama augwaligo aga ela muani.


Augwaligo te tigidali nai dabe hasegelama, tigidali nai dabe dolobo dao. Te augwaligo wali po tiwai tama, “Te tǫ sene nigibo bidi te sene nigibo tǫ tiwai dao.” Mena tama tialiwe? Te olo nai mego te aga nigali bidibolo te tama po waibawe, “Nago ena nigai menia?” Ma, te tǫ senego te aga nigali bidibolo te tama po waibawe, “Nago mage nai me konebeo,” te po waibawe?


Te bidi mego te po wali, “Ao, eno Jisasde konealubo po dąų wabo dao,” wai. Tiali goli agai gasa we bidi tau siyu wiegi yai sę ebe, tama te tiwai bidi dali eno tama po waibao, “Nago pogo naga te konealubo po dąų wabo po wai, tama eno da, te eno we bidi tau sabo kolesaga ebo dao. Tialima, eno te dwagi yai kolesaga ebo suyu da, te sogo nago koneyu eno Jisasde konealubo po dąų wabo mu koneaibao. Tiali goli nago wiegi yai kolesaga ebe, tama mena tama eno nago te konealubo po dąų wabo koneaibawe? Te tų menio, eno konegobeo.” Eno te po te tiwai bidibolo waibao.


Swiv nou:

Piblisite


Piblisite