Polgo Po Pas Rom Dabeba Asęani 9:18 - Godigo dwagi yai po buku

¹⁸ Tama tibaso dago koneani, te Godigo aga homu naga wali peyu te olo tau siyu mabo wiegi yai kolesaga te bidi me delibolo yainogo da, teda agai te olo mabo wiegi yai kolesaga te agabolo yaibao. Me ma, te bidi me deli agai te po odosiąbo bidi ilainogo homu eyu da, teda agai te bidi te po odosiąbo bidi ilibo dao.

Polgo Po Pas Rom Dabeba Asęani 9:18 Referans Kwoze

Josua 11:20

Magi baso meni, Genuai Bidigo digi te hani dabe homu hodolubo sę ilama, te Israel hani dali hwįmainogo ilali. Agai homugo te Israel dabego augwali te homu dene eyu, olo tau sabo homu kolesaga wiegi yai yabo homu munu me egobeo. Menio. Te augwaligo tigidali ela silaibao. Augwaligo te Genuai Bidigo te Mosesbolo polobadu mani po wali palio.

Ma Dobola Sali 4:21

Tama Genuai Bidigo Moses dali te po wai, “Nosali nage Isip tǫba pedalobode, te nago te bomai sę te Isip tuni bidi gedude yao. Eno nagebolo te bomai sę yabo bomo mobao. Tiali goli, eno te tuni bidide ilama, tama aga te aga homuba masigi sąwai bidi pedelaibao. Tama tibaso, agai te we bidi dabe augwali pao wagobeo.

Bomai Po 2:30

“Tiali goli, tuni bidi Sihongo da agai buludu somainogo usu dao po wabeo. God dago Genuai Bidigo aga te hagoma homu ebo sę iliyu, aga homu dąų walali. Te dago aga aiyaba elaluama, tama agai te tǫ dago somainogo tama yali. Te tǫ megi da, te bidibao,” wali.

Aisaia 63:17

Genuai Bidi, magi baso nago da te besela palama, bilalumainu eyu, te dago nago doloba pai sunumi wali pisąmainogo ebawe? Magi baso nago dago haliga me homu kolesaga dąų weyu, te dago nageba wi isąma, te nago dologode bidisąmainu ebawe? Nago naga sę bidi dabe da homugo koneama, te nage ma aselama, da dali bidagasao, te naga digi nago sa muai hani dabe dao.

Ma Dobola Sali 7:13

Tiali goli, tuni bidi aga homu kolesaga dąų ola sali, te Genuai Bidigo po wali gilama tama tiwai, tama Moses de Aron augwali sigo po odobeo.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

Ma Dobola Sali 7:3

Tiali goli, eno te tuni bidide iliyu, tama aga homu tomoba masigi sąwai bidi pedelaibao, tama agai te Arongo po odogobeo. Tama tibaso, eno genuai bomai sę hauwa te Isip tǫde yaibao.

Ma Dobola Sali 9:12

Tialima, Genuai Bidigo te tuni bidigo homu kolesaga dąų walama, tama te tuni bidigo Moses de Aron sigo po wabo odobeo, te Genuai Bidigo tama po wali gilama tama tiwai.

Ma Dobola Sali 10:1

Tama nosali Genuai Bidigo Mosesbolo te po wai, “Nago te tuni bidi sugi pao. Eno digi te tuni bidigo homu me, te aga dali gavman sę ebo bidi dabego homu me, te mu dąų ilai, tama eno te bomai sę augwali tomode yaibao.

Ma Dobola Sali 10:20

Tiali goli, Genuai Bidigo te tuni bidigo homu dąų mu ilama, tama tuni bidi te Israel bage augwali tagala palobeo.

Ma Dobola Sali 10:27

Tiali goli, Genuai Bidigo te tuni bidigo homu dąų olama, tama tuni bidigo augwali tagala palobeo.

Ma Dobola Sali 11:10

Tama Moses de Aron sigo bomai sę hauwa deli deli te tuni bidigo gedude yai, tiali goli Godigo aga homu dąų olama, tama te tuni bidigo te Israel bage augwali agai tǫ tagala palobeo.

Ma Dobola Sali 14:4

Tama eno te tuni bidigo homu hasegelama, tama agai dage pobeasa asomainogo yaibao. Tiali goli, eno aga te agai ami bidi dabe aiyaba elaluama, tama eno genuai nogi te sę ebode saibao. Tama Isip dabe augwaligo koneama, ena digi ena Genuai Bidi Yawe dao,” Genuai Bidigo te po wai. Tama po obaso, te Israel dabe augwaligo te Genuai Bidigo po odolama, augwali ma geasa pai.

Ma Dobola Sali 14:17

Tama eno te Isip bage augwaligo homu kolesaga te homu tomoba masigi sąwai bidigo homu tiwai ilama, tama augwaligo dage Israel dabe wali pobasa asaibao. Tama eno te tuni bidi aga karis dabe dali, me te hosde duawali ami bidi dabe tigidali, augwali aiyaba elaluama, tama eno te sę yalide te eno genuai nogi saibao.

Dwagi Yai Gesi Po Jongo Asęani 12:40

“‘Augwaligo homu begelegi sogo da, teda eno augwali usu ma iligi da,’ Godigo te po wai. Tialima, augwaligo gedugo sulama, homugo koneidali weyu, Godigo augwaligo gedu haluai dao. Agai augwali te homu tomoba masigi sąwai gagawai we bidi ilali,” Aisaiago te po polobadu asęani.

Polgo Po Pas Rom Dabeba Asęani 11:25

Eno ama dede, dage homu hagoma me idali weyu tama eno homugo dage te polobadu geme dualali po page gisiga koneao. Te e tiwai dao: te Israel hani we bidi me badugo homu palia sali, tama te kolesaga augwalide osogo elalubadi tama te gasa haniani hani we bidi augwali te Godiba asiyu, tama te sogo augwaligo hani nambaba usu nagasaibao.

Ma Dobola Sali 9:7

Tama tuni bidigo aga hani dali hanalu wali, “Te Israel bagego kibu dabe te bugagia bidibowe?” Tama te bidi mebago agabolo te po wai, “Awe. Tigidali bugagia bidibao. Me deli munu me isibeo.” Tiali goli, te tuni bidi homu kolesaga dwai me elaluyu, tama te we bidi augwali me tagala palobeo.