Polgo Po Pas Rom Dabeba Asęani 8:36 - Godigo dwagi yai po buku

³⁶ Mu tama, dago koneani, te tobage sę dabe te daba pedalaibao, te Devitgo Godibolo polobadu e tiwai po wali gilama te tiwai sę yali, “Da te nago we bidi bidibaso, tama tigidali sogo augwaligo da ela muabo homu eyu, da pobeasa bilibo dao. Augwaligo da sulama, ‘Te ela muabo kibu sipsip wai tiwai naga yai dao,’ augwaligo dade te homu ebo dao.”

Polgo Po Pas Rom Dabeba Asęani 8:36 Referans Kwoze

Godigo Nogi Ugwaba Sabo Tęąbi Po Wabo Buku Dabe 44:22

Dago te nage naga wali pobaso, tama te tigidali sogo augwaligo da ela mubo dao. Augwaligo homugo te da ela muabo sipsip tiwai homu naga ebo dao.

Aisaia 53:7

Genuai Bidigo te tiwai po wali, “Te bidi dabego te sę bidiba dwai sę ilali, tiali goli aga digi aga aiyaba elaluama, te dene tolali. Te agai po me deli wabeo. Agai pedauwali pania sali, te augwaligo sipsip wai sela pelama, elainu ebo tiwai eyu, te sipsip augwaligo te nisi poawainogo sela pabo tiwai yai dao.

1 Korin 15:30

Tama ena dali, te ena dali deli sę ebo bage me, da me sesemane sogo bidi mebago da dolainogo ebo dao. Te isai bidi ma hodoligi menigi sogo da, teda magi baso da e tiwai bidaibawe? Te isai we bidi ma hodoligi menigi sogo da, teda te Godigo pode boi bidi homu ebo bagego da dene me maidali weyu dago e sę tagaligi da.

1 Korin 4:9

Magi baso meni, eno te homu yali: Godigo te da aga po sela pabo sę bidi da te nosali badu mubo bidi tiwai ilama bidibao. Da te po tų yali bidi dabe da olama tama da isimainu emainao wai. Tama augwaligo da tigidali te ensel dabe me te tǫde bidi dabe dali augwaligo gedude da elainu homu yali, te tigidaligo da dali gisugu mawainogo yali.

Godigo Sęba Tagala Palai Bidigo Po 8:32

Te bidigo te bukude nedebo po Filipgo koneama, tama dao, te po wai, “Augwaligo te kibu sipsip elai hagede, sela pabo sogo hwa wabo menio. Te tiwai te bidi agai hwa wabe. Augwaligo te kibu sipsip wai selama, nisi togwai hagede baso, te kibu sipsip wai dabe hwa wabo menio. Te tiwai te bidi agai hwa wabe. Agai po me wabe.

Jeremaia 11:19

Hasia eno te sę yabo konesiąwai. Ena te sipsip wai me deli tiwai te bidi dabego selasa pelama, ena eligi pabo tiwai yaibao. Te bidi dabego te tiwai po mia salio, ‘Tegobao, dago megi tama ela muinao, te bidigo te ni du walobadi togobo tiwai yaibao. Dago aga mu silama, te bidi dabego aga homu kone ma egobeo.’ Augwaligo tama po wali,

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Dwagi Yai Gesi Po Jongo Asęani 16:2

“Augwaligo dage te Juda dabego bomo yai po ola mabo bede mu sela sąwaibao, te dagede habu selebao. Tama te sę naga egobeo. Nosali sogo pedalobode, tama te dage ela mubo bage augwaligo homugo Godigo sę augwaligo bugagia ebao, te homu yaibao. Tama te homu eyu, tama dage dali tiwai sę yaibao.

Jeremaia 51:40

Te eno augwali te ela muabo pesageba odasa paibao, te bidigo te omai sipsip dabe, me meme dabe, augwaliba ebo tiwai gilama yaibao,” po wai dao.

Jeremaia 12:3

Tialima, Genuai Bidi, nago ena koneama, te eno tigidali kolesaga me konebao. Te nago eno homu kolesaga dagalubao, eno nageba haliga mu mubo, te nago konebo dao. Te eno homugo eno boi bidi dabe nago sela sąyao homu ebao, te bidi dabego sipsip elainogo sela pabo tiwai ebao. Te nago bodolu muani sogo, nago augwali ela muao.

Godigo Nogi Ugwaba Sabo Tęąbi Po Wabo Buku Dabe 141:7

Tama augwaligo te bidi dabe augwaligo dili te gų pageba sąwaibao, te bidigo te ni dage kakali miminama, te sąsąbo tiwai gilama yaibao.

Godigo Nogi Ugwaba Sabo Tęąbi Po Wabo Buku Dabe 44:11

Nago da te augwaligo ela muabo kibu sipsip tiwai pedalumainu ilali. Tama nago da te dena tǫde bidali sela sąbaso, tama da tedela pelama, te gasa hani bage tomoba bidigi pai dao.

1 Korin 15:31

Ama dedeo, te tigidali sogo te ena dali boi homu ebo bagego dene mabo homu ebaso, te tigidali sogo deli deli ena isigowe, te eno konesiąbadi ena tama bidibo dao. Te po mu po naga dao, te eno dagede ebo homu te mu tama dao tiwai. Mu tama, da tigidali dago Genuai Bidi Krais Jisasde tia selama bidibo tama eno wiegi yai homu pemene dagebolo mu ebo dao.

2 Korin 1:9

Mu po da wali, te da homu sęgę ebo te po tų ebo bidi jasgo te da isimainao po wali tiwai elama bidali. Te sęgę dabe te tiwai magi baso pedalaliwe? Te dena bomogo usu yabo homu idali weyu te sęgę daba pedalali. Dago te Godigo bomoba homu tialumainogo yai, te agai te isai bidi dabe augwali hodolobo bidi dao.

2 Korin 6:9

Te we bidi mebago gedude te da nogi meni yai bage da, da koneabo bidi meni ebo tiwai ebo dao, tiali goli bidi hauwago da koneani. Da te isainogo ebo bidi tiwai ebo dao, tiali goli meni, da bidibo ula dali me bididubo dao. Te Godigo da dodoloyu te keloago elebo tiwai ebo, tiali goli agai da me ela mubeo.

2 Korin 11:23

Augwali te Kraisgo sę ebo bidi dabe da wida, agawe? Megi eno po te aga digi nogi ugwaba sabo kolesaga meni yai polobo bidigo po tiwai mu obao. Eno augwali te Kraisgo sęde aiyaba mu elaluali. Te sę dene idu gealigo eno edelama ugwanu igulali. Te eno Kraisde po pusubaso, te boi bidi dabego ena kalabus beba hauwa sogo muani. Tede eno te tibo po ola mabo bidi dabe ela holai dao. Te boi bidi dabe augwaligo ena hauwa sogo mu elali, bidigo nedebo usu egobeo, tede eno e bage augwali aiyaba mu elaluali. Hauwa sogo ena pąde isabo tiwai yai.

Filipai 3:10

Tama bomo elama, eno deli homu naga ebo dao: ena Krais dali wadoloyu, tama eno aga kuna koneaio. Aga isąma ma hodaluama tama bomo elalubao. Eno homugo eno te bomo mu koneaio. Eno aga dali abagi mu olama, tama aga dene sali tiwai eno dene sobaso te usu dao, eno te dene saio. Tama tiyu, aga isali tiwai ena isaio.