Polgo Po Pas Rom Dabeba Asęani 8:34 - Godigo dwagi yai po buku

³⁴ Te dego da dali te dwai sę yali bidi te dwai dene sabo po wagawe? Menio. Magi baso meni. Krais Jisas aga digi isąma, tama ma hodalubadi yai. Tama aga digi te Godigo dolo nogode genuai bidi bidiyu, tama God hanalu wabo po wabogo me da tau sabo dao.

Polgo Po Pas Rom Dabeba Asęani 8:34 Referans Kwoze

Hibru 7:25

Tama tibaso, agai nogide te God pąba asobo we bidi augwali te agai ma siyu, tama dwagi yai madiba mubo sę bugagia ebode aga usu mu dao, tede sǫą pabo meni. Magi baso meni, te agai bidibo ula sesemane sogo elalubo, tama agai gedu haluasa po te Godigo da tau somainogo wabo dao.

Polgo Po Pas Rom Dabeba Asęani 8:27

Tama te bidigo homu tomode elalubo nai subo bidi God, agai te Tedali Mobo Bidigo ebo homu konebo dao. Magi baso meni, te Tedali Mobo Bidigo te Godigo homu kolesaga wali peyu tama da Godigo we bidi tau siyu te gedu haluasa po hanalubo dao.

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Hibru 9:24

Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

Polgo Po Pas Rom Dabeba Asęani 8:1

Te da Kraisde tialubaso, God agai da aga gedude te doloba pai we bidi dao te po wabo dao. Tama tibaso, Godigo da Krais Jisas dali wadolali we bidi dali po tų eyu tama sęgę dabolo magobeo.

Dwagi Yai Gesi Po Makgo Asęani 16:19

Genuai Bidi Jisas agai po augwaliba pusa silama, tama Godigo aga selasa te dagaluba holai. Tama megi da, aga te Godigo dolo nogo badude dualalu bidibao.

Kolosi 3:1

Dage Krais dali hodobo gų pagede ma hodaluama tama gesi noma bidabo ula elaluyu bidibao. Tama tialigo da, dagego bomo elama, duga homu te dagalude elalubo naiba muao, tede elalubo nai sabo homu yao. Tede Krais aga tuni bidi duabo saide bidibao, te God aga dolo nogo badu.

Aisaia 53:12

Te we bidi dabego aga te dwai bidi me deli tonobo tiwai yai. Tiali goli, aga bidibo ula digi te olo wę mu gelebo tiwai eyu, agai te hauwa we bidigo dwai sę yali sęgę tolalio. Tama augwali dolidali weyu, agai te dwai sę ebo we bidi tau siyu, gedu haluasa po wai dao. Tama tibaso, eno agaba te genuai bidi dabe tomode te agaba genuai nogi mawaibao. Eno te bomai ami bidi dabego te boi hwįnama, te sali nai dabe agaba dobolama mawaibao,” wali.

Godigo Nogi Ugwaba Sabo Tęąbi Po Wabo Buku Dabe 109:31

Magi baso meni, agai te magi nai meni yai bidi dabe tau selama, tonalu ebao, te bidi dabego augwali po tų eyu, tama te augwali isimaina obaso, te usu me egobeo.

Kraisgo Geme Dualali Sę Pedelabo Po Jonbolo Ola Mani 1:18

Ena bidibo ula dali bidibao. Polobadu ena isai, tiali goli nago ena bidibo subao, te ena sesemane sogo bidada peyu, bidada pabo ula selama, megi bidibo dao. Tama tibaso, eno bomo elalubao, te isibo kolesaga dali, te isai bidi dabe osogo bidabo madi dali, te si tonalubo bomo eno elalubo dao.

Polgo Po Pas Rom Dabeba Asęani 14:9

Magi baso meni. Krais me isama tama bidibo ula ma sali da, te aga te isali bidi dabe dali te bidibo ula elalubo bidi dabe dali augwaligo Genuai Bidi bidainogo tama tiai dao.

Polgo Po Pas Rom Dabeba Asęani 4:25

Godigo Jisas e tǫba tagala palali te aga isąma dago dwai sę yali sęgę sela sąmainogo yai. Tama tiyu me, Godigo aga te gų pagede ma hodolaligo te agai da doloba pai we bidi nogi emainogo tiai dao.

Jeremaia 50:20

“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.

Godigo Nogi Ugwaba Sabo Tęąbi Po Wabo Buku Dabe 37:33

Tiali goli, Genuai Bidigo te doloba pai bidi te dwai bidigo ela mumainu me tagalogobeo. Mu menio. Tama te dwai sę ebo bidigo te doloba pai bidi po tų ilibaso da, teda Genuai Bidigo agai te doloba pai bidi te po tųde aiyaba elalumainu me sula tagalu me gogologobeo.

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Polgo Po Pas Rom Dabeba Asęani 14:13

Te da tigidali te Godigo po tų ebode mu dolalubaso, tama dago dwai homu gasa amago ebo kolesagade ebo tagalao, te me elamuo. Menio. Dago te tiwai homu yao: dago te ama dwai sęgęba tulalumainogo magi sę me deli elamu dao. Te aga Godigo pabo tųdu pabo dolamuo.

Dwagi Yai Gesi Po Jongo Asęani 16:23

“Te sogo dagego ena dali magi nai me hanalugobeo. Eno dage dali mu po obao, dagego gedu haluasa po weyu, Ayago magi nai me dagebolo mao eno nogide weyu da, teda Aya agai dagebolo mawaibao,” Jisasgo te po wai.

Dwagi Yai Gesi Po Jongo Asęani 14:19

Nosali gana tǫde hulia sai we bidi augwaligo ena ma sugobeo. Tialima, dagego ena nosali ma sueibao. Dagego ena ma subo sogode ena bidibo ula elalubaso, tama dage dali me te bidibo ula elalu, bidaibao.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

Jopgo Po Asęani Elalubo Buku 33:24

Tama ensel bidigo te bidi hobede ebaso, tama Godibolo e tama hanalu waibao, ‘Nago te bidi hobede elama, tama te bidi isibo bidigo buluba pomainu sula tagalamo,’ te po waibao. ‘Magi baso meni. Eno polo gegali, te bidi ma usu ilabo sunumi elalubao,’ ensel bidigo te po Godibolo waibao.

Jopgo Po Asęani Elalubo Buku 34:29

Tiali goli, Godigo magi sę me igi menigi sogo da, teda dego mu Godigo dwai page elalubao po wagi dawe? Ma, agai gesabidi dualigi sogo da, teda de aga pageba mu pigi dawe? Tiali goli, agai tigidali we bidi dali, tigidali bulu tǫ kantri dali si tonalubo dao.

Aisaia 50:8

God pąde bidiyu, te agai te po waibao, eno dwai sę me ebeo. Te bidi me deligo ena po tų ilabo homu eba, agawe? Teda agai ena te po tųba odasa pelama, te agai ena po tų ilabo po pusumainao wali.

Godigo Sęba Tagala Palai Bidigo Po 2:24

Tiali goli, Godigo te bidi ma hodolobaso, tama aga ma hodaloai dao. Bidi isibo sęgo Jisas kalabus usu isąbaso, aga dene hauwa dali isama, Godigo agade te dene silali.