Polgo Po Pas Rom Dabeba Asęani 8:33 - Godigo dwagi yai po buku

³³ God aga digi da doloba pai we bidi nogi pobaso, te da God aga digi hagea sali we bidi bidiyu, te mena boi bidigo da kisiliyu po tų ebo usu egowe? Woo, bidi mu menio.

Polgo Po Pas Rom Dabeba Asęani 8:33 Referans Kwoze

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Polgo Po Pas Rom Dabeba Asęani 8:1

Te da Kraisde tialubaso, God agai da aga gedude te doloba pai we bidi dao te po wabo dao. Tama tibaso, Godigo da Krais Jisas dali wadolali we bidi dali po tų eyu tama sęgę dabolo magobeo.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?

1 Tesalonaika 1:4

Dago abagi dabe, God agai dage godolo mu eyu, agai dage aga we bidi mu da olama, sa muyu yai dao, te si dago konebo dao. Tama tibaso, dago Godibolo nage usu dao te po wabo dao.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Matyu 24:24

Magi baso meni, te bidi meba aselama, tibo po e tiwai waibao, ‘Ena Krais, te sa muani bidi dao,’ ma ‘Ena te Godigo po pusubo profet bidi me deli dao,’ te tobage po waibao. Tama augwaligo bidi noma sabo bomai sę genuai eyu, tama haniani haniani sę yaibao. Augwaligo te we bidi God aga sa muani bage tibo po olama, te dwai sę ebo tomoba kegai hagede tebo dao. Tiali goli, te usu egobeo.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.

Galesia 3:8

Tama polobadu God agai koneai, nosali te Abrahamgo bulai wai ąǫ isiąwai we bidi meba augwaligo Godigo po odama, augwa homu tigidali te poba munama, tama Godigo augwaligo yali dwai dwai sę sela sąnama, tama agai augwali doloba pai we bidi dao waibao. Tama tibaso, polobadu, te sę pedalisiąbadi, Godigo te Abrahambolo te po wai, “Te eno nage dali wiegi yai sę eyu, tama tebogo nosali te tigidali haniani bidi hani dali wiegi yai sę me yaibao.” Godigo te po olama, tama bidi mego te po bukude asęani.

Godigo Nogi Ugwaba Sabo Tęąbi Po Wabo Buku Dabe 35:11

Te tibo po wabo bidi dabego enaba te eno isiąwani dwai sę meba po enaba kisilama wali.

Taitus 1:1

Ena Pol dao, tama ena Godigo sę ebo bidi dao. Ena te Jisas Kraisgo po sela pabo sę ebo bidi ena dao. Agai ena dią selama tama tagala palama, tama eno te Godigo hagea sai we bidi augwaligo te agade konealubo po augwa homude eno bomo iligi pao ena dali te po wai, tama eno augwali tau siyu elama, tama augwaligo Godigo mu po selama, tama augwali aga tiwai bidimainogo agai ena te sę mani.