Polgo Po Pas Rom Dabeba Asęani 8:26 - Godigo dwagi yai po buku

²⁶ Te bugagia tonalubo kolesagago da tau sabo dao. Te tebo kolesagade me te Godigo Tedali Mobo Bidigo te da bomo meni yai bidi me tau sabo dao. E tiwai dao, dago te God dali gedu haluasa po wabo tų te kuna gisiga konebo menio. Tiali goli Godigo Mobo Bidigo digi da tau siyu, Godibolo gedu haluasa po wabo dao. Agai homude bomo eyu tama te hę wabo tiwai eyu, te pusisąbo pogo agai Godibolo te po wabo dao.

Polgo Po Pas Rom Dabeba Asęani 8:26 Referans Kwoze

Matyu 10:20

Te duga digi naga te po pusugobeo. Menio. Te duga Ayago Mobo Bidigo, agai te po dagego pedauwalide ola mobaso, dagego te po waibao.” wali.

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

Galesia 4:6

Tama dage agai wai puluba bidibaso, God agai Ogwago Mobo Bidi dago homuba tagala palama, tama dago i weyu, te po agabolo wabo da, “Aya, Aya.”

Dwagi Yai Gesi Po Jongo Asęani 14:16

Tama eno te Ayabolo hanaluama, tama agai dage tau selama, gasa tau sabo bidi dagebolo mawaibao. Tama te bidi dage dali bidada peyu, bidada paibao.

Efesus 2:18

Eno te po magi baso obawe? Te Krais agai te da hani si tau sabo sę ebaso, Godigo Mobo Bidi aga da tigidalide hodobo bidiyu, tama da gedu haluasa po wabo si te God dago Aya agai dago wabo po odaibao.

Polgo Po Pas Rom Dabeba Asęani 8:15

Magi baso meni, te Godigo dagebolo mani Mobo Bidi da, te dage olo sę ebo bidi bidiyu God ma wi ilibo Mobo Bidi meni. Te menio. Te mani Mobo Bidigo dage Godigo wai dabe ilibo Mobo Bidi dao. Te Tedali Mobo Bidigo dago i olama tama Godibolo “Aya, Aya” wabo dao.

Godigo Nogi Ugwaba Sabo Tęąbi Po Wabo Buku Dabe 6:9

Eno Godiba i weyu, ena tau somainu yali, tama agai eno i wabo odalio. Agai eno gedu haluasa po wabo odali.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Jems 4:3

Tama me sogo dagego Godibolo te nai sainogo po hanalu obadi digi, dagego te nai sabe dao. Magi baso menio. Geda muyu, dagego homu dolo pisiąwai, dwai sę emainogo, duga tigi tobade, duga haliga tobade naga te nai sai hagede te dagego homu dąų ola sabo nai sainu te dagego God te naide hanalu wabo dao. Tiali goli agai dagebolo mabe.

Polgo Po Pas Rom Dabeba Asęani 15:1

Te da Godigo we bidi hani tomode te we bidi meba augwaligo te Kraisde te konealubo po bomo meni yai bidiyu, tama augwaligo haniani sęde te habu selebo dao, te ena tamadi tama te sęde po asęani. Tama da meba te Kraisde te konealubo po bomo eyu dąų olama bidibao. Tama da augwali dali te nagamea pai kolesaga eyu augwali sao. Dago augwali dali tama tiyu, tama dago augwaligo sęgę tolao. Dago augwali sula tagalama tama dena homu kolesaga naga wali me piduamu dao.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

2 Korin 5:4

Awe, da e osogo bidabo ugwa bede me bidaludu, tama da sęgę siyu gela weyu bidibao. Te dago poloba tigi tagalainogo homu eyu me wabeo. Menio. Dago homugo dago gesi tigi mubode, te gesi ugwa tiwai elama, teda te isibo tigi te aga bidibo ula somainogo ebo dao.

Godigo Nogi Ugwaba Sabo Tęąbi Po Wabo Buku Dabe 10:17

God, te nage dologoba asobo we bidigo usu da weyu, gedu haluasa po wabo te nago odao, tama nago augwali homu dąų walao.

2 Korin 5:2

Megi da e tǫde tigi elalubadi, te haniani sęgę toloyu, tama dago te hagela homu eyu me sogo gela weyu bidibao. Magi baso meni. Dago dena te dagalude elalubo be, te dago gesi tigi, tego te da tigi te gudubo ugwago mesega sabo tiwai emainu godolo ebo dao.

Matyu 20:22

Agai te tiwai po obaso, tama Jisasgo te po wei ponoyu, te po wai, “Dage sigo te nai po page bugagia konesiąma dagego te hanalu obao. Dage sigo eno te ąį tuainogo ebo kapde te ąį dage sigo me tubo usubo gilama, te eno sabo dene tiwai gilama te dage sigo sabo usu egowe?” Tama augwali sigo agabolo te po wali, “Te da sigo tubo usu yaibao.”

Godigo Nogi Ugwaba Sabo Tęąbi Po Wabo Buku Dabe 102:5

Ena dene ebaso, tama eno i dwagilama mu wai. Tama eno tigi te me nisibeo, ena mu nomona salio.

Godigo Nogi Ugwaba Sabo Tęąbi Po Wabo Buku Dabe 6:3

Eno haligade genuai sęgę mu elalubao. Tiali goli, God, nago magi ebawe? Nisu naga sogo enade te haliga sęgę elalu bidimainuwe?

Hibru 5:2

Te bidi dabe augwa digi te Godigo po dolo wali pabo bomo meni yai bidi me sogo bidibaso, augwaligo te kolesaga konesiąbo te Godigo tų wali pabo tagalali we bidi dabe dali te dua digi kolesaga sesa pobaso te usu dao.

Polgo Po Pas Rom Dabeba Asęani 7:24

Ena da te hobedagia bidibo bidi mu dao. Dego ena te eno tigigo yainogo ebo kolesaga dagala sągowe?

Godigo Nogi Ugwaba Sabo Tęąbi Po Wabo Buku Dabe 69:3

God, eno nageba te i wedu wedu gebo sę edubadi, tama eno bomo te silalio. Tama eno dogoni wa pelama, tama eno gedu dene yai, magi baso meni, eno te sesabi elama gana nago ena tau sabo tonaluai.

Godigo Nogi Ugwaba Sabo Tęąbi Po Wabo Buku Dabe 102:20

Agai te kalabus bidi dabe augwa tolali sęgęde gela wabo odali. Tama agai te po tų silama tama augwa te kalabus silali bidi dabe tau siyu, te augwali me isidali weyu yalio.

Jopgo Po Asęani Elalubo Buku 37:19

Ma, nage usu yali wida, teda nago dago Godiba wabo po ola mao. Magi baso meni. Dago homu kolesaga kuna konea pisąbaso, tama dago agai po tų ebode wabo po niga mubeo.

Te We Bidi Dabego Jerusalem Hagede Gela Wali 3:56

Eno e tama po olama, i wali, “O Genuai Bidi, nago eno gela wabo odao, nago olo pania sigio,” wali. Tama nago eno te i wabo po odai dao.