Polgo Po Pas Rom Dabeba Asęani 8:20 - Godigo dwagi yai po buku

²⁰ Megi e sogo tigidali nai dabe dwai bidiyu tama dolobao. Te augwa homugo digi me ebeo. Menio. Godigo digi augwali te tiwai kalabus elama bidibo. Te augwaligo te Godigo augwalibolo nosali yabo sę tonaluyu bidibo dao.

Polgo Po Pas Rom Dabeba Asęani 8:20 Referans Kwoze

Tigidali Nai Gagalama Nigali Side 5:29

Tama agai te po wai, “Te Yawego te tǫ dolabo bomai po muanio. Megi da, te waigo da te tǫde sę dene ebo te toma nomainogo ilaibao,” te po wai. Tama tibaso, Lamek agai te ogwa nogi Noa poai dao.

Polgo Po Pas Rom Dabeba Asęani 8:22

Dago koneani, tigidali nai Godigo nigali, te tigidali dene eyu te hę wabo tiwai ebo dao, te wego wai ame nainogo dene ebo tiwai ebao. Tama Godigo nigali nai tigidali te dwai hę weyu bidali, te megi e sogoba usu nagasobo dao.

Jeremaia 12:4

Genuai Bidi, nago dago tǫba genuai sęgę muani, te tigidali nosai sasia pali. Nisu sogo te sia selama, te tǫ wiegi yai ma pedalugowe? Te hasa me, ba dabe me, isila pobao, magi baso meni, te tǫde we bidi dabego dwai kolesaga me idubo sę ebao. Tama me, te we bidi dabego te po obao, “Jeremaiago daba te pedalubo sę dabe me suagasogobe dao,” po wabo dao.

Hosea 4:3

tama tibaso, te tǫ wa pai. Tama te tǫde elalubo nai tigidali, te hasa dabe, me ba dabe, me sųgų dabe, te tigidali isibo dao,” wali.

Kolesaga Koneai Bidigo Pusali Po Elalubo Buku 1:2

Te kolesaga mu konea pali bidigo te tama po walio, tigidali nai te olo nai tiwai mu elalu, te nai dabego aga page mu me elalubeo.

Tigidali Nai Gagalama Nigali Side 6:13

Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.

Joel 1:18

Hobede dao, te bulmakau dabe nasi dwai mu ebaso, te hou weyu, ga walio. Augwali te homu kolesaga meni yani, magi baso meni, te tuabo nosai me elalubeo. Te sipsip hani me nasi eyu, te nomona salio.

Jeremaia 12:11

Tama te tǫ te bidi meniama, olo bulu mu elalueibao. Tama te tǫ hobede yai gela wedu, te eno agai gela odomainu tiaibao. Te bidi mego te tǫde sęgę homu kone me palogobeo.

Godigo Nogi Ugwaba Sabo Tęąbi Po Wabo Buku Dabe 39:5

Nago ena bidabo bodolu te pęwadage sogo mu muani elalubao. Te nago gedude ena te bidabo bodolu muani, te olo bage tiwai yali. Tigidali bidi te wali tiwai eyu, te bidi me deligo te pedauwalide ponobo tiwai gilama ebo dao.

Polgo Po Pas Rom Dabeba Asęani 8:24

Magi baso meni, Godigo da ma selama, tama megi dago agade konealubo homu dąų olama tama agai da dali te wiegi yai sę mu nosali usu numainogo dago megi tonalubo dao. Tiali goli dago tonaluali nai te nosali dago subo si da, te dago aga ma tonalugobeo. Bidigo te nai me deli suali da, magi baso te agai ma tonalugowe? Te egobeo.