Polgo Po Pas Rom Dabeba Asęani 8:15 - Godigo dwagi yai po buku

¹⁵ Magi baso meni, te Godigo dagebolo mani Mobo Bidi da, te dage olo sę ebo bidi bidiyu God ma wi ilibo Mobo Bidi meni. Te menio. Te mani Mobo Bidigo dage Godigo wai dabe ilibo Mobo Bidi dao. Te Tedali Mobo Bidigo dago i olama tama Godibolo “Aya, Aya” wabo dao.

Polgo Po Pas Rom Dabeba Asęani 8:15 Referans Kwoze

Polgo Si Wali Pas Timotiba Asęani - 2TI 1:7

Magi baso meni, te Godigo da te wi ebo bage bidimainu aga Mobo Bidi dabolo me mabeo. Menio. Agai Mobo Bidigo dabolo te bomo hauwa me, te dena ama dede dali dwagi yai homu eyu godolo ebo kolesaga me, te dena digi bugagia tonaluabo bomo me, te dabolo momainogo eyu, Godigo aga Mobo Bidi dabolo mani.

1 Korin 2:12

Tama dago e tǫde we bidi tonalubo mobo me sabeo. Menio. Dago te Godidu asali Mobo Bidi sali, tama dago te Godigo dabolo olo maiabo tigidali nai konemainogo yalio.

Polgo Po Pas Rom Dabeba Asęani 8:16

Te Mobo Bidigo digi agai dago mobo noma bidi tau siyu tama dago homu tomode hania hanilama, da te Godigo wai puluba bidibo po wabo dao.

Hibru 2:15

Te we bidi augwali isibode wi yai. Tama augwali te tǫde bidali tigidali sogo, te isibode wi ebogo augwali kalabus elaluai. Tama augwali te kalabuside bidibo sela sąwainogo eyu, Jisas aga e tǫde isai dao.

Efesus 1:5

Tama God agai da dali wiegi yai homu eyu, da godolo mu ebaso, tama agai polobadu digi te agai da sa muyu, da te Jisas Kraisgo yali sęgo da ma selama, tama da God aga wai puluba bidimainogo yai dao. Tama te sę God aga homugo digi da godolo eyu tiwai dao.

1 Jon 4:18

Tama God agai da dali te dwagi yai homu eyu godolo mu ebo kolesaga te sese wiegi yai mu dao, sǫą pabeo. Tama tibaso, da wi menio, te agai da dali ebo kolesagago te wi ebo sela sąbo dao. Wi ebo page e tama: da dwai dene sabo homu ebo we bidi bidiyu da, teda da wi ebo dao. Tama tiyu da, dago koneaibao, te Godigo da dali dwagi yai homu ebo kolesaga page te dago kuna konebeo, da tede sǫą pabo.

Dwagi Yai Gesi Po Makgo Asęani 14:36

Agai te po wali, “Aya, nago te tigidali sę ebo usu dao. Eno homugo nago enaba megi te pedalainu ebo te dene dagala samainu homu ebao. Tiali goli nago te eno homu wali me pelamuo. Menio. Nago te naga homu wali naga pao,” Jisasgo te po wai.

Jeremaia 3:19

Genuai Bidigo po ma weyu, te po walio, “Israel, polobadu eno homugo nage ena wai puluba mu bidiyu, eno dage dali te ayago ebo kolesaga elama, tama eno nage wiegi yai tǫ mu me deli mawaibao, te gasa tigidali hani we bidigo tǫ aiyaba mu elaluali. Eno te homu yali. Tama me eno te homu yali, nago enaba Aya nogi yaiba homu yali. Tama nago ena sesemane sogo wali asiyu, tama nago ena munu me tagalogobeo, te homu yali.

Aisaia 56:5

teda eno te dąį me deli tiwai te augwaligo nogi te eno tempel be tomode muai elalueibao. Tama sesemane sogo te we bidi dabego sulama, te augwali homu koneaibao. Te augwaligo genuai nogigo te wai dabe ame nai elaluali bidi dabego nogi aiyaba mu elalueibao. Te eno augwali nogi mu silimainogo me iligobeo,” wali.

Polgo Po Pas Rom Dabeba Asęani 8:23

Tama te nai dabe augwali naga me tebeo. Menio. Dago te Tedali Mobo Bidi salio, te tiwai Godigo hasia mu dabolo te olo mu manio, te agai dabolo nosali gasa nai me mawaibao. Tama da me, dago homu tomode dene elama hę weyu, tama Godigo te da aga wai dabe pedalabo kolesaga te silimainogo ebo sogo tonalubao, te agai dago tigi ma dobola selama olo bidabo sogo dao.

Dwagi Yai Gesi Po Lukgo Asęani 11:2

Tama Jisasgo augwalibolo te po wali, “Godibolo po weyu, e tama waiyąo, ‘Dago Aya, dago homugo nago dwagi yai nogi ugwaba somainao. Dago homugo nago we bidi tonalubo sę asomainao.

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Dwagi Yai Gesi Po Lukgo Asęani 22:42

“Eno aya, nago homugo usu da wida, te sęgę enade elalubo dagala sąyao. Tialima, nago eno homu wali pelamuo. Naga homu kolesaga naga wali pao,” Jisasgo te po wai, aga Aya dali.

Dwagi Yai Gesi Po Jongo Asęani 16:8

Tama aga asobo si, tama agai te tǫde we bidi augwaligo te dwai sęde geda muani sę augwalibolo hanilagasaibao. Tama agai augwaligo dwai sę ebo page ola mawaibao. Te doloba pai kolesaga page me, te po tų ebo page me, te Mobo Bidi agai augwalibolo ola mawaibao.

Ma Dobola Sali 20:19

Tama augwaligo Mosesbolo te po wai, “Nago digi te po dabolo wabo, te dago te po odaibao. Tiyu Godigo po dabolo wabo si, te da isidalio,” wali.

Godigo Sęba Tagala Palai Bidigo Po 16:29

Tama te kalabus bidi tonalubo tobolu bidi agai te enesigi bidi i weyu, te po wali, “Sole selasa asao,” wali. Tama sole selama, agai te kalabus be tomoba polo pali. Agai moni wi mu elama, didibili yali. Didibili ebadi, agai tobolu Pol dali Sailas dali si sągą pageba muani.

Godigo Sęba Tagala Palai Bidigo Po 2:37

Te we bidi augwaligo te po odobo si, augwali moni homu mu elama, Pitabolo me, tama me badu Jisasgo tagala palai bidi dabebolo me te po wai, “Hani bidi ama dede, da magi egowe?”

Dwagi Yai Gesi Po Lukgo Asęani 8:37

Tama te Gerasa bulu bidi dabe tigidali wi kisu mu dobaso, Jisas pao olama, gudulali. Tama te po obaso, Jisas te geba daiba holama, painu yali.

Dwagi Yai Gesi Po Lukgo Asęani 8:28

Te bidigo Jisas suyu, moni hai gela olama, Jisas sągą pageba degagaselama, moni i hai olama, te po wali, “Jisas, nage moni genuai Godigo Ogwa dao. Nago enabolo magi sę egowe? Nago ena dene magio,” wali.

Israel Hanigo Namba 17:12

Mosesgo te sę ela silibo si, te Israel we bidigo agabolo e tama po walali, “Te mu tama, megi da, da dola silaibao. Megi da, da sese hagala silaibao.

Jems 2:19

Tama nago konealubo po dąų wabo homu tama yai, “Te God deli digi bidibao,” wai. Te homu wiegi yai dao. Tama tiali goli te usu menio. Te dwai haubo noma bidi augwaligo me te homu tiwai ebo dao, tama te pode augwali homu didibili eyu midigi sabo dao.

Polgo Po Pas Rom Dabeba Asęani 8:26

Te bugagia tonalubo kolesagago da tau sabo dao. Te tebo kolesagade me te Godigo Tedali Mobo Bidigo te da bomo meni yai bidi me tau sabo dao. E tiwai dao, dago te God dali gedu haluasa po wabo tų te kuna gisiga konebo menio. Tiali goli Godigo Mobo Bidigo digi da tau siyu, Godibolo gedu haluasa po wabo dao. Agai homude bomo eyu tama te hę wabo tiwai eyu, te pusisąbo pogo agai Godibolo te po wabo dao.

Polgo Po Pas Rom Dabeba Asęani 9:4

Augwali da, te Abraham aga ogwago ogwa Jekop aga hani dao, tama Godigo augwali aga wai dabe nogi poali. Tama tiyu aga agai ula yai bomo augwali dali bidagasidu geai dao, te bidi meni yai kemi tǫ bulude. Aga digi agai dąų wali po augwalibolo madu geai. Godigo agai bomai po me augwalibolo mani. Tama agai te augwaligo agabolo lotu po wabo kolesaga te agai ola mani. Tama agai aga sa muani bidi Krais nosali augwaligo hanidu pedalaibao po augwali dali dąų walali.

2 Korin 11:4

Magi baso meni. Te bidi meba augwali dage pageba pedalama, tama Jisasde gasagi yai po pusubao, augwaligo wabo po te dago te Jisade pusubo po tiwai me wabo meni, te gasagi yai tedali dao. Tama te kolesagade dagego te gasagi yai mobo sabo, te dagego polobadu sali te Tedali Mobo Bidi tiwai meni. Tama dagego gasagi yai po augwalidu odobao, te dagego dade sali te wiegi yai gesi po tiwai meni, te gasagi yai tedali dao. Te bidi me deligo te tobage kolesaga dage tomode me ebaso da, teda dagego dwagi yai homu eyu, agai te tobage kolesaga emainogo gogolobo dao. Tiali goli te dolo menio.

Galesia 2:4

Tama te sogo gasa bidi meba asai. Tama augwaligo “Ao, da Jisas wali pabo bidi dao,” weyu, te tibo po naga wai. Sa asobo bidi tiwai augwali geme aselama, tama da dali wadolali. Tama polobadu da te da Juda dabego wąį dabego nigali bomo yai po dologode bidaluali. Tama da Krais Jisasde wadolama, tama agai da te kolesagade tagalali, da olo bugagia bidimainogo yai. Tiali goli te bidi dabe augwaligo te kolesaga page geme suagasai, augwaligo da te augwa bomo yai po dologoba ma munama tama tede dąų olama, da tede bidimainogo yai.

Galesia 5:1

Te da olo mu bugagia bidimainogo eyu tama Krais agai te da dąų wali nai pisigina sąnama, tama megi da olo bidibao. Tama tibaso, augwaligo dage te bomo yai po dologoba ma muidali weyu, tama dage bomo elama, tama dąų wasiąbo olo bidibo bidi dabe bidiąo.

Matyu 25:25

Tama ena wi ebaso, nago enabolo te mani mone te 1,000 kina, te eno tǫ dedageba geme dualai. Te naga mone e dao,’ te sę bidigo te po wali,” Jisasgo te po wai.