Polgo Po Pas Rom Dabeba Asęani 7:14 - Godigo dwagi yai po buku

¹⁴ Dago koneani, te bomai pode te Godigo Tedali Mobo Bidigo te Godigo homu kolesaga dabolo ola mabo dao. Tiali goli ena, eno poloba homu me elaluyu tama te homu ena wali pabo dao. Te dwai sę ebogo ena kalabus ilama tama eno agade sę iduai dao.

Polgo Po Pas Rom Dabeba Asęani 7:14 Referans Kwoze

Te Israel me Juda Hani Sigo Tuni Bidigo Po Elalubo Buku Deli 21:25

Mu tamao, te Ahap king bidali sogo, te agai homugo me koneani kolesaga tigidali te Genuai Bidigo gedude dwai sę yabo kolesaga bomo elaluali. Polobadu bidi me deligo te tiwai kolesaga me ebeo. Aga we Jesebelgo naga, te aga homu begelibo po obaso, te dwai kolesaga yali dao.

Te Israel me Juda Hani Sigo Tuni Bidigo Po Elalubo Buku Si 17:17

Tama augwa wai bǫų dabe elama, tama augwaligo te wai dabego tigi te siaba munama, augwa tibo godiba te ofa nai tiwai gilama olo mani. Tama augwali me badu te sogo yesi bidi pageba pali, me badu te we bidi dabego te isai we bidigo isi bidi dali po mibo we bidi dabe pageba pali, tama augwaligo te hani augwalibolo augwali tau somainu hanalu wali. Te Israel hani dabe augwaligo deli homu naga yali, tama teyu, augwaligo dwai kolesaga me edu bidali. Tama Genuai Bidigo augwaligo te kolesaga me ebo sulama, tama agai augwalibolo agai wado ela mani.

Te Israel me Juda Hani Sigo Tuni Bidigo Po Elalubo Buku Deli 21:20

Elaijago Genuai Bidigo po odama, aga te Ahap bidibo madiba pali. Tama Ahapgo te Elaija subo sogo, aga te tama po wali, “Eno boi bidi, nage enaba ma pedaluba, agawe?” Tama Elaijago te tama po wei ponani, “Awe, eno nage suagasali, magi baso meni, nago godolo ebo homu, me te homu kolesaga tigidali bomo elama, te Genuai Bidigo gedude dwai kolesaga nago ebo dao.

Polgo Po Pas Rom Dabeba Asęani 7:18

Eno koneani, ena tomode te wiegi yai nai deli me bidibo menio. Eno tǫde bidibo tigide me te homude me, te side te wiegi yai nai me deli bidibo menio. Mu tama, eno wiegi yai kolesaga yabo homu ebo, tiali goli eno te kolesaga yabo usu me ebeo.

Aisaia 52:3

Magi baso meni. Genuai Bidigo te tama po wai, “Te bidigo ena me abelisąma, te nago we bidi te olo sę bidi me sę ebo we tiwai elama, sela pali. Te eno augwali ma sainu, te mone menama, me sogobeo. Menio. Te augwali eno olo mu saibao.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Matyu 5:28

Tiali goli megi eno po dagebolo obao: Te bidi me deligo agai te we me deli olo naga agai homude godolo ebo homu eyu, tama te we dali penani sę yabo homu eyu tonono eyu da, te bidi agai homude te bomo yai po bolama, tama agai homude te penani sę ebo tiwai yali dao.

Matyu 5:22

Tiali goli megi eno po dagebolo obao: Tama bidi mego aga ama dali sębę eyu da, te bidi aga po tuba odasa paibao, tama dene saibao. Tama bidi mego aga ama dali dwai po obaso da, teda te bidi aga te polalubo kaunsil bidibo digiba pelama, po tų emainogo yao. Tama bidi mego aga ama dali nogi posobo po weyu, nage sę isiąbo homu meni yai dwai bidi dao weyu da, teda te bidi aga te dwai madigi sia dabo dene sabo buluba paibao.

Aisaia 50:1

Genuai Bidigo te Israel we bidi dabeba te tiwai po wali, “Taun Jerusalem te duga ida tiwai elalubao. Dagego homugo eno aga tudiba mubao homu eyu, te bidigo we sabo kolesaga bolama, te sai we mu sela sąbo tiwai homu eba, agawe? Te dagego tama homu ebaso da, teda te tama po wali pepa mena elalubawe, eno aga mu sela sąwaniwe? Tama me, te eno bidi me delide negeli sali me elalubeo. Te tama homu dagego magi baso ebawe, eno wai dabe eno dage te gasa bidi dabeba te olo sę ebo bidi tiwai ilama, tagala paliyu, eno te negeli sali dodolabo mone saliwe? Mu menio. Te dagego dwai sę hauwa ena haliga sębę ilibaso, eno te Jerusalem tudiba munama, tama eno dage te gasa bidi dabego nogoba muai dao.”

Bugagia Bidibo Kolesagade Po Asęai Buku 30:5

“Godigo po te mu po naga dao. Te agai yaibao po wali sę tigidali, te mu pedelai. Tama agaba pabo bidi tigidali te agai bugagia obo elaluyu, te hwįbo sogo te ami bidi te sabelego bugagia tigi bea sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 119:25

Augwaligo ena dolama, tǫba aiyaba elaluai. Nago ena hodolama, bomo ma mawai, te nago wali po wali pelama tiwai.

Dwagi Yai Gesi Po Lukgo Asęani 7:6

Tama Jisas augwali hodobo pali. Jisas te bidigo be pąde asobadi yaide, te bidigo aga abagi dabe tagala palama, Jisasbolo te po wagi pali, “Genuai Bidio, nage eno beba asomaina homu ebo tiwai egobeo. Ena geswai wiegi yai bidi menio. Ena genuai bidi meni yai baso, nage eno beba asobo usu egobeo.

Dwagi Yai Gesi Po Lukgo Asęani 5:8

Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Matyu 18:25

Tiali goli te bidi agai te negeli sali mone wei ponabo mone usu mu menio. Tama tibaso, te gavman tuni bidigo augwalibolo te po olama, ‘Te bidi me aga we wai dabe dali tama aga doado bage dali tigidali munama, tama gasa bidigo abelama, tama te negeli sali me badu ponabo mone sao. Aga gasa bidigo masigi sasiąbo sę ebo bidi bidaibao,’ te po wai.

Matyu 16:23

Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.

Amos 2:6

Genuai Bidigo wabo po e dao, “Hauwa sogo te Israel we bidi dabe augwaligo te dwai sęgę sabo sę idu geai. Augwaligo te tama tibo sęde dwasianu toma me nabeo. Tialima, mu tama, eno augwaliba te dwai dene mabo sę mu yaibao. Magi baso meni, te Israel dabe augwa abagi dabego augwaliba negeli somainu ilali, tialima augwa te abagi dabego te negeli sali wei ponabo usu meni baso, te negeli mani bidi dabego augwa te abagi dabe pageabi ilama, tama augwali te gasa bidigo olo sę ebo bidi me olo sę ebo we pedalumainu yali. Tama tebogo te Israel dabe mebago meba bidi dabede augwa negeli mani mone wei ponama salio. Hobede ya, te abagi dabego te magi dwai sę me isąwai, te augwaligo sali negeli te dwasianu tama, te olo sągą nadoba su abelibo mone usu nama goli, tialima te meba Israel dabego augwali homu dene me ebeo. Menio.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Bugagia Bidibo Kolesagade Po Asęai Buku 30:2

Agurgo te tama po wali, “Ena te bidi tiwai isąwai, magi baso meni, eno homu te bidigo homu tiwai me isąwai. Eno homu kolesaga te mu dwai dao.

Godigo Nogi Ugwaba Sabo Tęąbi Po Wabo Buku Dabe 51:6

Nago homugo te eno nage dolo naga wali asiyu, tibo kolesaga igio homu ebao. Tama tibaso, nago ena dwagi yai homu kolesaga ola mao.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

Bomai Po 6:5

Dagego God dago Genuai Bidi deli naga godolo mu iyąo. Dagego aga te duga haligade godolo eyu, me dagego homu kolesagade godolo eyu, me dagego bomogo dali mu aga godolo iyąo.

Pris Sę Ebo Bomai Po 19:18

Te naga abagi me deligo nageba dwai sę ebo te nago wei me ponogio, te nago sesemane sogo aga dali wado po me udugio. Nago gasa we bidi dabe godolo mu yao, te naga digi naga godolo ebo tiwai yao. Ena Genuai Bidigo eno te po obao.”

Tigidali Nai Gagalama Nigali Side 40:15

Magi baso meni, te hasia mu te bidi dabego ena te Hibru dabego bulude te olo sę ebo bidi tiwai elama, wi sela asali. Te megi e tǫde me, te eno magi sę me deli isiąbadi, te ena augwaligo e kalabusiba muani,” te po wai.

Tigidali Nai Gagalama Nigali Side 37:36

Tama tidubadi, te Isipde te Midian dabego Josep te Isip tuni bidigo ofisa bidi me deli, te Potifarbolo mani, tama agai Josep te monego mu abelai. Potifar te Isip tuni bidigo genuai be tonalubo ami bidi dabe augwali tonalubo bidi dao.

Tigidali Nai Gagalama Nigali Side 37:27

Te dago aga e Ismael hanibolo menama, tama dago mone sinao. Te kolesaga eyu da, te dago aga me dologobe. Aga te dago ama, tama dago deli kaneme mu dao.” Tama te ama dedego te po usu da po wali.

Hibru 4:12

Magi baso meni. Te Godigo wali po te bidabo ula elalubao, tama aga te sę bomo idubao. Te mu poa pai, tama te si dali si badu poa pai hwą gego poai yali te aiyaba elaluai. Tama bidigo poa pai kago hwą gego hasa mi togoyu, tama te poa pai hwą ge polo te hasa dili tomoba tugi pelama, tama te dili hania pedalobo dao. Tama te tiwai me Godigo wali po dago homu tomoba peyu, tama dago homu ogwa wai dali dago mobo dali si pedebo dao. Tama agai wali pogo dago ebo homu dali dago homu kolesaga page dali si, te tigidali te agai osola subo dao.

Polgo Po Pas Rom Dabeba Asęani 3:9

Te Godigo te Juda dabe dali yali kolesagade dago magi homu egowe? Te ena me, te dage Rom we bidi meba me, te da te Juda hani bage dao. Te dago te Juda hani isąwai we bidi dabe augwali aiyaba elalubo dawe? Te me tegobeo. Mu menio. Eno tamadi te po walio, te dwai kolesaga sęgęgo da tigidali badi, te Juda me te Juda hani isąwai bage dali te sęgęgo mesegelai dao.

Polgo Po Pas Rom Dabeba Asęani 6:6

Tama dago koneani, te dago poloba homu kolesaga te ni pedaide Krais dali isama tama te dwai sęgo da tigide sę yali bomo te silimainogo yalio, te da te dwai sę ebo kolesaga dologode me bidamu dao.

Galesia 4:3

Tama te tiwai polobadu dago bugagia konesiąbadi, da e tǫde dwai olo kolesaga ebo dologode bidai dao.

Pris Sę Ebo Bomai Po 13:12

Tama te gasi genuai mu pedelama, te bidigo tigi tigidali usu nubaso da,

Pris Sę Ebo Bomai Po 13:16

Tialima nosali, te keni pedela selama, tigi tedela pedalubaso da, teda te bidi te prisba ma pomainao,” wali.