Polgo Po Pas Rom Dabeba Asęani 6:22 - Godigo dwagi yai po buku

²² Tiali goli megi Godigo dage te dwai kolesagade kalabus elaluali te agai dagala sąnama, tama dage aga sę ebo bidi munama bidibao. Tama dagego e tiwai wiegi yai nai saibao, God agai dage te wiegi yai tedali te dwai sę me isąwai we bidi ilibao, tama dagego te wiegi yai sesemane sogo bidada pabo te bidibo ula saibao.

Polgo Po Pas Rom Dabeba Asęani 6:22 Referans Kwoze

1 Pita 2:16

Tama dage God dali dąų olama, tama dage da aga olo sę ebo we bidi dao. Tama te dwai sę ebo kolesagago dage dąų waidali weyu, dage bugagia olo bidao. Tiali goli olo bidibadi dagego te homu egimio, ‘Te da olo bidibaso, tama dago dwai sę eyu da, te usu dao,’ te homu egio.

Polgo Po Pas Rom Dabeba Asęani 6:18

Tama Godigo dage te dwai sę ebo kolesaga dologode bidali te dagala sanama, tama dage te doloba pai kolesaga dologode bidibo we bidi dabe bidibo dao.

Polgo Po Pas Rom Dabeba Asęani 8:2

Magi baso meni, ena megi da Krais Jisasde tia selama tama Godigo Tedali Mobo Bidigo tų dalali. Te da te dena homude elalubo dwai sę ilibo kolesaga dologode me bidibadi, tama da te isai bidi tiwai bidiyu tama da Godide tedali bidai dao. Tama da te tama tiwai me bidibo tagalomainogo eyu, tama Tedali Mobo Bidigo gasa tų dawai, te da olo bugagia bidimainogo agai tama tiai dao.

Dwagi Yai Gesi Po Jongo Asęani 8:32

Tama dagego te Godigo enade wabo mu po dagego mu koneaibao. Te mu po dagego mu koneama, tama te po mugo dage tau selama, tama dage nogo dąų wali kolesaga tagalama, tama dage olo mu bugagia bidaibao,” Jisasgo te po wai.

Galesia 5:13

Ama dede, polobadu God agai dage i wai dao, dage olo mu bugagia bidimainu yai. Tama dage megi olo mu bugagia bidiyu, tama bugagia suao. Te da te bomo yai po dologode bidisiąbaso, tama dago polo homu kolesaga wali peyu, tama dena tigigo kolesaga wali pinao, te homu egimio. Te menio. God agai da tau selama, tama da olo mu bugagia bidibaso, tama dage duga hasi dwagi yai homu eyu, duga abagi tau sao, te augwaligo olo sę ebo bidi tiwai bidao.

1 Korin 7:22

Tiali goli te olo mu sę ebo bidi bidibadi tama Godigo aga i wali, megi da te aga dago Genuai Bidigo selama, tama te Genuai Bidigo gedude te aga olo sę ebo bidi me bidigobeo, te aga olo naga bidibao. Te tiwai naga, te olo wiegi yai bidali bidi, te olo sę me isąbadi tama Genuai Bidigo aga i wali, megi da aga te Kraisde masigi sisąbo olo sę ebo bidi tiwai pedalama bidibao.

1 Pita 1:9

Tama God agai dage ma dobola saibao homu eyu, megi dagego Krais susiąbadi digi dagego duga homu tigidali agaba muyu, tama God agai dage ma dobola sabo sę eyu bididubao.

Galesia 1:10

Te eno te tobage bomai po weyu, te we bidi augwaligo ena dali dwagi yai homu emainogo wabeo. Te menio. Eno homugo God agai ena dali dwagi yai homu yaibao. Eno te tobage po weyu, we bidi augwaligo eno nogi ugwaba sao, eno te homu ebowe? Woo, te menio. Eno te we bidi te enade homu bega sabo po wagi sogo da, teda ena Kraisgo sę ebo bidi bidigi menio.

Polgo Po Pas Rom Dabeba Asęani 6:14

Dagego koneani, te dwai sę ebo kolesagago te dage tonaluamuo. Magi baso meni. Te Godigo dage ma dobola somainogo eyu dagego te bomai po bugagia wali pabo homu ebo meni. Te meni. Tede dagego koneani, me sogo dagego geda muyu dwai sę eyu ebo dao. Te usu egobeo. Tama dagego homugo te Godigo olo tau sabo wiegi yai kolesaga tego naga dage ma dobola sobaso dage te wiegi yai kolesaga dologode bidabo homu yao.

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Galesia 5:22

Tiali goli Godigo Mobo Bidigo te bidigo homude hodolobo dwagi yai kolesaga e dao: te we bidide dwagi yai homu eyu, godolo mu ebo kolesaga me, te dwagi yai homu ebo kolesaga me, te homu nagame ebo kolesaga me, te wei polo ponosiąbo kolesaga me, te we bidi tigidali tau sabo kolesaga me, te doloba pelama bilibo kolesaga me, te homu kęą pabo kolesaga me,

Polgo Po Pas Rom Dabeba Asęani 7:4

Tama te tiwai me dage dali pedalalio, eno ama dedeo. Dagego tigi te Krais dali kęą selama, tama te dali dage isalio, tama te bomai pogo dage me tola sabeo. Tama bidi isai we gasa bidi dali bidigi pabo tiwai, dage gasa bidi dali bidi pelama agai dage sali, aga te Godigo aga te gų pagede ma hodolali bidi. Tama dago te Godigo homu kolesaga wali peyu tama wiegi yai sę emainogo eyu, tama Godigo aga te gų pagede ma hodolali.

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Matyu 25:46

Tama te bidi hani augwali te dwai dene genuai sigi paibao, te sesemane sogo dene iduabo bulude bidaibao. Tiali goli te doloba pai we bidi dabe augwali da, te sesemane sogo bidada peyu, bidada pabo ula selama bidaibao,” Jisasgo te po wai.

Daniel 3:26

Tama Nebukatnesar te stov sia nogani pąba pelama, tama i wai, “Satrak, me Mesak, me Abetnego, dage te Ugwade Mu Bidibo Godigo sę bidi dabe dao, dage buluba dią soao.” Tialima, polo tama augwali buluba dią asalio.

Godigo Nogi Ugwaba Sabo Tęąbi Po Wabo Buku Dabe 143:12

Nago ena tigidali sogo wei mu ebo dao, tama te kolesaga ebo sia sogobeo. Tama nago te boi bidi dabe, me te ena dolabo bidi dabe ela muao, magi baso meni, ena te nago sę bidi bidibaso, te tama tiao.

Taitus 1:1

Ena Pol dao, tama ena Godigo sę ebo bidi dao. Ena te Jisas Kraisgo po sela pabo sę ebo bidi ena dao. Agai ena dią selama tama tagala palama, tama eno te Godigo hagea sai we bidi augwaligo te agade konealubo po augwa homude eno bomo iligi pao ena dali te po wai, tama eno augwali tau siyu elama, tama augwaligo Godigo mu po selama, tama augwali aga tiwai bidimainogo agai ena te sę mani.

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

Filipai 4:17

Te dagego ena tau sabo badi, te eno dagego enabolo mani masigi gede homugo kone paluyu sabo homu ebo meni. Te meni. Eno homugo Godigo te dagego ena tau siyu duga nai dobabo dwagi yai sę ebo sulama, tama agai nosali dage wei ponaibao.

Filipai 1:11

Tama Jisas Krais agai naga pedalabo dolo mu yai kolesaga augwali dagede geninama pedalama, tama dagego ebo kolesaga tigidali te tiwai naga elaluaibao. Tama tebogo Godibolo bomo yai ula dali genuai nogi si mawaibao. Eno dagede te homu eyu, Godibolo gedu haluasa po wabo dao.

Efesus 5:9

Tama te gide bulali nai bugagia holama, tama geninama walobo gilama tama te tiwai me te ulago agai te tigidali dwagi yai kolesaga ebo me, te doloba pai kolesaga me, te homu mu sai wiegi yai kolesaga, te tigidali hania bugagia ugwaba hanilama pedalobo dao.

2 Korin 3:17

Te pode, te Genuai Bidi wali, te da aga te Godigo Tedali Mobo Bidi dao. Tama Genuai Bidigo Mobo te bidi me deli dali bidiyu da, teda te nai me deligo te bidi me kęąlugobeo. Menio. Aga olo mu bidibo dao.

Polgo Po Pas Rom Dabeba Asęani 7:25

Eno Godibolo usu da po olama gedu haluasa po obao. Te dago Genuai Bidi Jisas Kraisgo nogode agai ena dagala olo muanio. Tama ena e tiwai bidibao. Ena digi ena homugo te ena Godigo bomai po dologode bidiba homu ebo dao. Tiali goli poloba homu kolesagade ena te dwai sę ebo kolesaga dologode bidibo dao.

Dwagi Yai Gesi Po Jongo Asęani 15:16

Dagego ena sai olama, sa mubeo. Eno dage sa muyu, dage ena bage dao wai dao. Tama eno dage sęba muai dao, tama dage pelama, du gilama walama, tama dagego du elalumainogo, te da eno dage sa muani page dao. Tama dagego tama du waloluyu da, eno nogide dagego magi sę me yainogo, eno Ayabolo hanalubaso da, agai dage tau siyu, te nai mawaibao,” Jisasgo te po wai, aga wali pabo bidi dabe dali.

Dwagi Yai Gesi Po Jongo Asęani 15:2

Tama enade wadolali nologo, te nai walisiąwai nologo te tigidali eno Ayago togolama, sela sąbo dao. Tialima, nai walobo nologo tigidali agai te dwai sewa yali nologode elaluali yabe te pęą sąyu sela sąbo dao, tama aga nai genuai walomai hagede tiwai.

Dwagi Yai Gesi Po Jongo Asęani 4:36

Nai sabo bidi da, te bidi aga masigi sabo sę eyu, aga masigi sabo dao. Tama elama, nai polobadu bulali bidi dali, te inawai nai sabo bidi dali, augwa talua si dwagi yai homu yaibao. Tama te tiwai, niwai bidigo we bidi eno po ola mayu yali bidi, augwaligo homu enaba muani, te bidi te nai sabo bidi tiwai dao. Godigo te bidibolo dwagi yai nai mawaibao. Tama te we bidibolo eno po polobadu wagi pali bidi me, te bidi te nai bulali bidi tiwai dao. Tama te bidi dali, te we bidi enaba sisinibo bidi dali, augwali si talua dwagi yai homu mu yaibao. Augwali sigo wali po odali we bidi augwali bidada peyu, bidada pabo bulu selama, bidaibao.

Matyu 19:29

Tama tigidali we bidigo eno nogiba homu tia sagaselama, tama augwaligo augwa be dabe me, augwa ama dede me, abe dede me, te augwa ida aya me, augwa wai puluba me, gi dabe me tagalama, tama ena wali asali we bidi da, te augwaligo te tagalali nai wei genuai mu ma saibao. Augwaligo nosali sabo naigo te polobadu tagalali nai edelaibao. Tama te sesemane sogo bugagia bidada pabo wiegi yai ula me saibao.

Matyu 13:43

Tama te sogo te doloba pai we bidi augwali augwa Ayago we bidi tonalubo madide bidiyu, tama augwali tigide te giliga ula tiwai eyu bidaibao. Odo elalubo bidi dabego te po bugagia odiąo,” Jisasgo te po wai.

Matyu 13:40

Te gi sę ebo bidi dabe augwaligo dwai noswai sisinama siade ulubo, te tiwai naga augwaligo e tǫ silibo sogo muani bodolude te tiwai yaibao.

Godigo Nogi Ugwaba Sabo Tęąbi Po Wabo Buku Dabe 92:14

Te augwali monu dabe pedalubo sogo, te augwa nai du me waludaibao. Augwali te bomo elalu, tama augwali me sasia pabeo. Te augwa yabe te ni yabe gesi sogo elalubo tiwai sesemane elaluaibao.

Jopgo Po Asęani Elalubo Buku 1:8

Tama Godigo aga hanaluyu, te po wali, “Nago eno sę ebo bidi me sualiwe, te Jop, ma meniwe? Jop aga te dwagi yai doloba pai bidi dao, eno gedude dwai sę me ebo menio. Agai ena dologode bidiyu, enade lotu po weyu ebo dao, tama eno tigidali po wali pabo dao. Agai dwai kolesaga mu hagela homu ebo dao. Te tǫde tigidali bulu badu te bidi tiwai menio,” wali.

Israel Hanigo Namba 23:10

Te Israel hani wąį augwali hauwa mu, te tǫ hogomu tiwai mu pedalaibao. Dego mu augwali meba naga nedaibawe? Te bidigo usu me egobeo. Eno homugo ena te Godigo we bidi tiwai pedalaibao. Tama eno homugo ena tama bida bida pelama, ena isiboba usu nigi paibao. Mu tamao, ena tabi nagame elama, bidama isaibao, te doloba pai we bidi hani yali gilama,” wali.

Tigidali Nai Gagalama Nigali Side 50:17

‘Te Josepbolo wao, “Eno nagebolo hanalu wali, te naga ama dedego te dwai sę genuai yali, te sęgę nago sela sąyao,” ’ te po wai dao. Da te nago ayago Godigo sę bidi dao. Da nagebolo dwai sę yali. Megi, nago te dago yali dwai sę sela sąyao.” Josepgo te po wali odolama, tama aga gela udali.

Kraisgo Geme Dualali Sę Pedelabo Po Jonbolo Ola Mani 7:13

Tama polalubo tobolu bidi me deligo te po ena dali wai, “Te bobobage tedela yai ugwa muani we bidi dabe, te augwali de dawe? Tama augwali menadu asaliwe?”

Jems 1:1

Ena Jems dao. Ena God dali, Genuai Bidi Jisas Krais dali sigo sę ebo bidi dao. Dage te Israel bidi hani nogo si olama, sągą badu si wali bidi hani bage, dagede eno homu kone paluyu, eno te pas asęna tolobao. Dagego duga page bulu tagalama, tedela pelama, gasa haniani buluba polobadu bidigi pai. Tama eno dage dali dwagi yai homu eyu, e pas toloyu, dage tao obao.

Daniel 6:20

Te siligi pelama da, teda aga haliga sęgę mu elama, tama te tiwai i wali, “Daniel, nage te sesemane sogo bidibo Godigo sę bidi, odao. Nago te wali pelama, te agaba sesemane sogo lotu udubo God, agai te laion dabego pedauwali paniama, te nage gąų kelama tubewe, ma meniwe?” te po wai.

Godigo Nogi Ugwaba Sabo Tęąbi Po Wabo Buku Dabe 86:2

Nago ena ma siyu, tama ena me isigobeo, magi baso meni, ena nage wali asai. Nage da, te eno God dao. Ena naga sę bidi da, tama eno konealubo homu nageba muai, tama tiyu, nago ena tau sao.

Kolosi 4:12

Epafras agai dagebolo siade dao po ola tolobao. Aga me dage hani deli dao, tama aga Krais Jisasgo sę ebo bidi dao. Sesemane sogo agai gedu haluasa po weyu homu dąų olama, tama bomo elama weyu dage tau sabo dao. Agai homugo dage Godigo homu tigidali bugagia wali peyu, tama tede homu si munu me isąyu, tama dage bidi mu pedalama tama bomo elama bugagia dolalumainogo eyu agai gedu haluasa po Godibolo weyu, “Augwali te tiwai pedalomainogo, tau sao,” agai te po wabo dao.

Hibru 12:14

Dage deli deligo te tigidali bidi dali te homu nagamea pabo kolesaga wali pabo sę bomo elama yao. Tama dagego te Godiba homugo kęą peyu, te dwai sę me isąwai kolesaga me wali pabo sę bomo elama yao. Magi baso meni. Te bidigo te tobage kolesaga meni yani da, teda agai dago Genuai Bidi me sugobeo.