Polgo Po Pas Rom Dabeba Asęani 6:21 - Godigo dwagi yai po buku

²¹ Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Polgo Po Pas Rom Dabeba Asęani 6:21 Referans Kwoze

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

Polgo Po Pas Rom Dabeba Asęani 7:5

Da te poloba meda yai kolesagade bidali sogo, te bomai po elalubaso, tede dwai homu eyu, tama dago tigigo ebo dwai kolesaga hodoliyu tama dena tigigo dago dwai sę eyu bidai dao. Tama te sę dago elaluama, tama dena noma isabo sę naga pedalainogo yai dao, te da God dali bidisiąbo sę naga pedalai dao.

Polgo Po Pas Rom Dabeba Asęani 6:23

Magi baso meni. Te dwai sęgo te aga sę ebo bidi augwalibolo te pe mabo dao. Te mabo pe te isibo sę naga dao, augwali te God dali dagalama tama aga dali bidada peyu bidada pogobeo. Tiali goli te da te ula sabo dolo meni yai goli, Godigo dabolo te wiegi yai olo mabo kolesaga eyu, te sesemane sogo bidibo ula mawaibao, te da te dago Genuai Bidi Krais Jisas dali wadolali we bidi dabolo agai te ula olo naga mawaibao.

Bugagia Bidibo Kolesagade Po Asęai Buku 14:12

Bidi mebago te homu eyu, te augwa kolesaga te wiegi yai da homu elama, tama augwa te wiegi yai sunumi wali poba homu yai. Tiali goli, menio. Augwa te sę elala pidubadi genama, tama nosali augwa isaibao.

1 Jon 2:28

Awe, eno wai dabe, dage aga dali bidao. Magi baso meni, nosali aga hania pedalaibao, te sogo da bomo elama dolaluaibao, te aga ma asobo sogode, te tama da hale eyu geme duala sogobeo.

Hibru 6:8

Tiali goli, agai te haniani sesani yai bono naga walobaso da, teda te tǫ te olo dwai tǫ dao. Te pąde Godigo gedude dolaibao. Nosali da siago aga daibao.

Polgo Po Pas Rom Dabeba Asęani 8:13

Te dagego tigigo dwai sę ilibo homu kolesagade me bidibaso da, teda dage isabuo. Tiali goli, te Tedali Mobo Bidigo bomogo te dagego tigide dwai kolesaga dabe ebo te ela mubaso da, teda dage bidada peyu, bidada paibao.

Polgo Po Pas Rom Dabeba Asęani 8:6

Te augwa homude elalubo dwai sę ilibo kolesagaba naga homu dąų wabo we bidi, augwali da dwai sęgo dolama te bidada peyu bidada pogobeo. Tiali goli bidigo homugo te Mobo Bidigo wiegi yai kolesagaba homu dąų weyu da, te bidi te bidibo ula bidiyu, tama homu nagame elama bidada peyu, bidada paibao.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Kraisgo Geme Dualali Sę Pedelabo Po Jonbolo Ola Mani 20:14

Agai te isibo bomo dali, te isai bage osogo bidali madi dali si te genuai sia dabo dedage pageba aiyaba sąwai. (Te genuai dedage sia dabo elalubo te si wali isibo bomo dao.)

Kraisgo Geme Dualali Sę Pedelabo Po Jonbolo Ola Mani 16:6

Te dwai sę ebo bidi dabe augwaligo te nago po odobo we bidi augwali dali, te nago po pusubo bidi dabe dali ela muyu, tama augwaligo kaneme gea sąwai dao. Tama nago te dwai bidi dabe augwalibolo kaneme mayu, tama augwa te kaneme tumainao. Augwaligo augwa te dwai sę yalide dolo mu te dene sabo dao,” te po te ąį tonalubo ensel bidigo wai.

1 Pita 4:17

Magi baso meni. Te Godigo we bidi osola subo bodolu mani sogo pąba yagasai dao, tama agai te aga hani we bidi dali te osola suyu, te po tų ebo sę gagalaibao. Tama da, te da Godigo po wali pabo we bidi hani dao. Tialima God agai te po tų dodolobo sę gagalainogo eyu, tama hasia bolo agai te da aga hani we bidi dali te sę yaibao. Tama tibaso da, te Godigo gesi dwagi yai po odobo hagela yai we bidi dabe, nosali agai augwali dali te po tų ebo si, te augwaligo genuai dene mu saibao.

Jems 5:20

tama te gasa bidi ma oda sali ama agai koneama te homu yao: tama te bidi mego te dwai sę yali bidi tau siyu, tama te dwai sę yali bidi agai te dwai sę ebo tų tagalama tama te bidi God pageba ma asobaso da, te bidigo te dwai sę yali bidigo mobo ma sai, tama te bidi agai te dwai sę eyu te dwai sęgo aga ela mugobeo. Te dwai sę yali bidi tau sabo kolesagade Godigo te dwai sę ebo bidigo dwai sę hauwa sela sąwaibao. Te tama dao.

Jems 1:15

Tama tiyu, tama te dwai sę ebogo bidi homu hodolama, tama te dwai kolesaga hauwa eyu, te wego wai ame nainogo haliga ebo tiwai elama, tama nosali te dwai sę haniani hauwa eyu, tama te dwai kolesagago wai hauwa ame nai. Tama nosali te dwai sę ebo genuai mu pedalama, tama te dwai sę ebogo te bidi dolama, tama bidi te sęgo isibo tiwai pedalaibao.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

2 Korin 7:11

Dagego bugagia homu koneao. Te homu sęgę Godigo dagebolo mani, tego agai te haniani wiegi yai kolesaga dagebolo pedalomainogo yali. Agai dage asesa selama, tama dage hogodolama duga po dodolomainogo yali. Agai dage hodolama te dwai penani sę yali bidi wado ilama, tama dage Godide wi yaibao. Dagego homugo da suabo homu elama tama gela weyu, tama dagego te dwai penani sę yali bidi dodolobo sę bomo elama yabo homu yai. Te dage tomode te bidi me deligo dwai penani sę yali, tede te tigidali badude dagego ebo kolesaga te po dodoloyu yali. Dagego kolesaga tama tiwai hania hanilama pedalai dao. Tama tiyu, te dagego te bidigo yali dwai sęde megi sęgę me elalubo menio.

Esekiel 43:11

Augwali hale eyu da, teda nago augwalibolo eno bede tigidali be habude, me te doado bage dabede po augwalibolo wao. Augwalibolo tigidali te nai dabe magi po weyu, me te sunumi dabe muabo pesage ola mayu, me te be sę ebo kolesaga sese ola mayu yao. Tama augwalibolo te be tomode sę yabo bomai po dabe ola mao. Augwaligo te be te nago suali tiwai dolo mu sę yainogo eyu, me augwaligo te bede elalubo bomai po dabe bugagia wali pomainu eyu, nago te po sese te bukude asęnama, augwali mao.”

Jeremaia 31:19

Dago nage tagalali, tiali goli, megi da, dago haliga begelalio. Te dago dena yali dwai sę koneama, da hale mu elama, dago tobolu basi gulali. Polobadu dago hani dabe augwali te gesi we bidi tiwai bidalu, te dwai kolesaga hauwa yali. Tialima, megi da, da dena te dwai kolesaga yalide hale dwai mu ebo dao.’ Te Efraim hani bagego te po wabo eno odali.

Jeremaia 12:13

Dage Israelgo te wit wai ge bulaibao, tialima te inayani nai tau yali sabo sogo, dagego te sesani yai bono naga elalubo sueibao. Dage odolali sę dene elama, te magi nai me deli dagego me sogobeo. Dagego te Genuai Bidi eno haliga sębę naga saibao. Tama dage dwai hale mu siyąo,” wali.

Jeremaia 8:12

Te Israel dabe augwa yali dwai damuai kugumini tiwai ebo kolesagade dwai hale yaliwe? Mu menio. Augwa dwasianu hale me ebeo. Augwa te tobage kolesagade hale me ebeo. Tama eno augwaliba dwai dene menama, te augwali mu dolaibao, te gasa hani dolali tiwai yaibao. Te po ena Genuai Bidigo po dao.”

Jeremaia 3:3

Te pagede naga te eno tulubage paliama, tama te tulubage nago tǫba tulubeo. Awe, te gi tau sabo tulubage asobeo. Tialima, nago te penani wego hagoma ebo tiwai eyu, te nage dwasianu hale me ebeo.

Aisaia 3:10

Te dwagi yai doloba pai kolesaga ebo we bidibolo te dwagi yai homu yao po walao. Magi baso meni, augwali dwagi yai pe saibao, augwa yali dwagi yai sęde.

Bugagia Bidibo Kolesagade Po Asęai Buku 16:25

Te bidi mebago te homu yai, te augwa kolesaga te wiegi yai da olama, tama augwaligo te wiegi yai sunumi wali poba homu yai. Tiali goli, menio. Augwaligo te elala pidu genama, tama nosali te augwali isaibao.

Bugagia Bidibo Kolesagade Po Asęai Buku 1:31

Tama tialigo da, megi da, te dagego duga yali dwai kolesagago walali du dabe tuao. Awe, dagego haniani dwai sę yabo homu kolesaga yai dao. Megi da, dagego te kolesagago du dabe tulama, tabi pągąwaibao.

Godigo Nogi Ugwaba Sabo Tęąbi Po Wabo Buku Dabe 73:17

God te eno usu sesa pidubadi, te ena nago be tomoba peyu, usu nigi pai. Ena te nago bede bidiyu, tama eno homu peda pelama, tama te dwai sę ebo bidi dabeba mena nai pedelabo te eno koneai dao.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

Jopgo Po Asęani Elalubo Buku 40:4

“Genuai Bidi, ena dolama, tama ena olo nai dao. Mena tama tilama, eno nago po wei ponaibawe? Ena nogogo pedauwali pania saibao.

Esra 9:6

Tama eno gedu haluasa po te tiwai wali, “God, te ena genuai hale mu elalubao. Tama eno homugo te eno gedu haluasa po nageba wagasogobeo homu yai. Dago te dwai sę hauwa mu yalio. Tama dago sęgę te pobele bage pesage genuai moni bage me deli te dagaluba usu nainu holobo tiwai mu ebao,” wai.

Te Israel me Juda Hani Sigo Tuni Bidigo Po Elalubo Buku Deli 2:26

Solomongo te pris Abiatarbolo te tiwai po wali, “Nage te hanu Anatotba ma pelama, tama naga tǫba bidigi pao,” wali. “Nago te dwai sę yai elalubaso, tama nage isimainu yaibao, tiali goli te eno nage me eligobeo. Magi baso meni, polobadu nage te eno aya Devit dali bidai, tama nago te dena Genuai Bidigo te Dąų Wali Bomai Po Muani Halobage tolasa bilali. Tama Devitgo te sęgę me dwai sę hauwa tolali sogo da, teda nage aga dali bidiyu, tama nago me te sęgę dabe toliyu yai dao.” Solomongo te po wai.

Bomai Po 21:22

Tama Mosesgo po geninama weyu, te po wali, “Tialima, te bidi mego te dwai kolesaga mu yai baso, tama augwaligo aga elama, tama augwaligo agai tigi te ni pos me delide walai baso da,

Bomai Po 17:6

Tialima, te bidi sigo ma selago te we o te bidigo te dwai kolesaga ebo subaso da, teda dagego te we o te bidi elama, isilao. Ma, bidi deligo naga suai baso da, teda te we o bidi elama isilabo sunumi meni yaibao. Usugobeo.

Filipai 3:19

Augwa tigigo tuabo nai dabe, te nai sabo homu naga augwaligo eyu, tama te kolesaga wali pabo dao. Te sabo nai dabe augwaligo tibo god tiwai mu dao. Augwaligo dwai haniani hale ebo kolesaga ebo dao. Tiali goli augwali tede hale menio, tede augwaligo dwagi yai homu eyu, tama augwa nogi ugwaba sabo dao. Tama augwaligo e tǫde elalubo naide naga homugo dąų olama tama bidibo dao. Tama augwaligo te tobage kolesaga ebaso, augwali mu dolaibao, te dwai buluba paibao.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.

Polgo Po Pas Rom Dabeba Asęani 5:12

Edao. Eno asęani po page e tiwai dao. Bidi deligo dwai sę hasia polobadu yali, tama te kolesagade te dwai sę ebo kolesaga e tǫba pedalalio. Tama te dwai sęgo te isibo sę sela asai. Tama te isibo sę tigidali we bidibolo mena mena pali. Magi baso meni, tigidali we bidigo dwai sę yai dao.

Polgo Po Pas Rom Dabeba Asęani 6:16

Te dagego duga tigi te bidi me deligo nogoba menama tama agai po naga wali pobaso da, teda dage agai sę ebo bidi bidibo dao. Koneaniwe? Ma dage te dwai sę ebo kolesagago sę bidi bidiyu tama dage agade duga noma mu isabo sę saibao. Ma dage Godigo po odoyu tama te pogo sę ebo bidi dabe bidiyu tama dage doloba pai kolesaga eyu bidibo dao.

2 Korin 4:2

Menio. Dago te geme dualama hale ebo kolesaga te tudiba muanio. Te tibo po wabo kolesagade da me bilibeo. Tama dago Godigo po me hasegelegobeo. Menio. Dago mu po hanilama mu pusubo da, tama tigidali bidi deli deli augwa homugo dago pusubo po mu po dao konemainogo ebo dao, tama augwa dago ebo sę God gedude konemainogo ebo dao.