Polgo Po Pas Rom Dabeba Asęani 5:13 - Godigo dwagi yai po buku

¹³ Te Godigo bomai po me pedalisiąbadi, tiali goli te sogo te dwai sę ebo kolesaga e tǫde elaluai. Tialima, te bomai po te sogo meni baso, Godigo te dwai sę yali we bidi dali te ‘Augwali da te negeli elalubo bage dao,’ te homu yai menio.

Polgo Po Pas Rom Dabeba Asęani 5:13 Referans Kwoze

Polgo Po Pas Rom Dabeba Asęani 4:15

Bomai po elalubaso da, teda dago koneani, te bomai po bolobo bidi aga Godigo nogode dene sabo tų te me elalubao. Tama te bomai po menigi sogo da, teda dago te bidigo bomai po bolobo te po me wagi menigi dao.

1 Korin 15:56

Tǫde we bidi augwaligo te isibode magi baso wi ebo dawe? Woo, augwaligo koneani, augwaligo dwai sę eyu bidibaso, nosali augwali dene saibao. Augwaligo dwai sę yali, te augwaligo mena tama koneaniwe? Te Godigo Mosesbolo mani bomai pogo te dwai sę yali page augwali hania waselebo dao.

1 Jon 3:4

Dwai sę ebo bidi, agai Godigo bomo yai po olo oda tagaluyu sela sąbo bidi dao. Magi baso meni, te dwai sę ebo kolesaga page da, te Godigo bomo yai po bolobo kolesaga dao.

Tigidali Nai Gagalama Nigali Side 38:10

Te kolesaga Onango te Yawe gedude dwai ebaso, tama Yawego aga me isilali.

Tigidali Nai Gagalama Nigali Side 38:7

Tama Ergo kolesaga te Yawe gedude dwai ebaso, tama Yawego aga isilali.

Tigidali Nai Gagalama Nigali Side 19:32

Te dena ayago hani te silidali weyu, te tama tinao! Te da sigo dena si aya te bomai ąį wain tumainu menama, tama aga tobolu gęǫ ilaibao. Tialima, da si aga dali pagela pilama, tama agade wai ame naibao,” wali.

Tigidali Nai Gagalama Nigali Side 19:4

Te Lot aga abagi si pisąbadi, tama te Sodom bidi dabego te be bobogela sagasali. Te hanude bidaluali tigidali bidi dabe asali, te gesi bidi dali, te monu dabe dali asai.

Tigidali Nai Gagalama Nigali Side 18:20

Tialima, Yawego te po wali, ‘Te haniani dwai sę mu dabe te Sodom de Gomora hanu side pedalubo walio.

Tigidali Nai Gagalama Nigali Side 13:13

Tama te hanude bidalubo we bidi dabe augwaligo te dwai sę genuai mu te Yawe gedude yalio. Te augwaligo agai bomai po te wali me pabeo.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Tigidali Nai Gagalama Nigali Side 6:11

Tiali goli, gasa we bidi dabe augwali tigidali te God gedude dolama bidali, tama dwai kolesaga me, te hwįbo kolesaga me, te tigidali habuba pągąna sigi pai.

1 Jon 3:14

Dago dena ama dabe augwali dali dwagi yai homu eyu godolo ebaso, tama te dago koneai, dago te genuai sia dabo buluba pabo tų tagalama, tama da te bidada peyu bidada pabo ula sabo tų sabolai dao. Gasa we bidi dali dwagi yai homu eyu godolo ebo kolesaga masiąbo bidi, aga te genuai sia dabo buluba pabo tųdu me bilibo dao.

Tigidali Nai Gagalama Nigali Side 19:36

Te tama tiali kolesagade te wegi si augwa si aya Lotde digi, te augwali haliga yalio.

Polgo Po Pas Rom Dabeba Asęani 3:20

Magi baso meni, te bomai po wali pabo kolesagade te bidi deli agade Godigo ‘Aga doloba pai bidi dao’ po me wagobeo. Te bomai pogo dena dwai sę ebo kolesaga denabolo hania mu ola mayu ebo dao, te tama sę naga te bomai pogo ebo dao.