Polgo Po Pas Rom Dabeba Asęani 4:14 - Godigo dwagi yai po buku

¹⁴ Te e tiwai dao: te bidi augwaligo te bomai po wali pobaso, augwaligo tede naga te tigidali nai sabo tigi sogo da, teda te konealubo po dąų wabo kolesaga te olo nai tiwai elalugi da, tama te Godigo dąų wali po me te bomo menigi dao. Magi baso meni. We bidigo te bomai po tigidali bugagia wali pabo usu meni baso, tama sęgę sai we bidi bidibo dao.

Polgo Po Pas Rom Dabeba Asęani 4:14 Referans Kwoze

Filipai 3:9

Eno homugo ena aga dali wadoloyu tama homugo mu kęą paibao. Polobadu eno e homu eyu bidai dao: eno te Juda bagego bomo yai po dolo mu bugagia wali peyu da, teda Godigo gedude ena doloba pai bidi pedalaibao. Tiali goli megi eno te homu ebo menio. Eno Kraisde konealubo po dąų olama, tama Godigo ena doloba pai bidi nogi yai dao. God aga digi te Kraisde konealubo po dąų wabo bidibolo te doloba pai bidi nogi nogi ebo dao.

Hibru 7:28

Tama te Godigo Mosesbolo mani bomo yai pogo te bomo meni yai bidi augwali sa munama, tama augwali te polalubo pris sę ebo bidi bidai. Tiali goli nosali te bomo yai po aiyaba elaluyu, Godigo agai dąų wali pogo aga Ogwa te polalubo pris bidi sę emainogo eyu aga sa muani. Tama te sę bugagia dąų omainogo eyu, Godigo te mu po obao olama tama te sę yao wai. Tama tiyu, aga Ogwa te agabolo mani sę ebode te usu sese mu pedalai dao, sę me delide aga sǫą me pabeo. Tama sesemane sogo aga te tiwai naga tama bidada peyu, bidada paibao.

Hibru 7:19

Te Godigo Mosesgo pedauwalidu mani bomo yai pogo te magi nai me deli te wiegi yai mu ilama sese me pedalubo usu ebeo. Tiali goli Godigo gasa tų me dayali, te wiegi yai elama tama te polobadu mani bomai po te aiyaba elaluai, tama da dwagi yai homu eyu, agai da dali yabo dwagi yai sę asobo sogo bugagia tonaluyu ebadi, te tųdu da te God pąba pomainogo tiai dao. Da polobadu dwagi yai homu eyu tonaluali kolesaga te gesi kolesagago aiyaba elalubo dao.

Galesia 2:21

Tama da te Godigo gedude doloba pai we bidi pedalomainogo eyu, te bomai po bugagia wali pabo usu egi sogo da, teda da tau siyu Jisas aga olo naga isali, dago te homu egi da. Tialima agai te tiwai ebeo. God agai da dali olo mu tau sabo kolesaga eyu, Jisas tagala palali. Tama eno agai te sę yali tudi badu mugobeo,” eno te po me Pitabolo wai, te Antiok hanude.

Polgo Po Pas Rom Dabeba Asęani 4:16

Tama tibaso, Godigo e homu ebo dago hania koneagameo, Godigo agai te nai maiabo dąų wali po mu po pedalomainogo eyu, te we bidi augwaligo te sa muani nai sabo homu eyu da, te augwaligo konealubo po agade dąų obaso da, augwaligo te nai saibao. Tama tiyu, tama te Godigo agai olo tau sabo kolesagago te polobadu dąų wali po mu po pedalobo dao. Tama elama, tama Godigo nai maiabo dąų wali po te bomo elalubao, te tigidali Abrahamgo bulai wai dabe nosali pedalabo bage augwalide te po bomo elalubao, tulalugobeo. Te bomai po elalubo Godide konealubo po dąų wabo Juda we bidi augwaligo naga te nai me sogobeo. Menio. Te bomai po elalusiąbo Juda hani isąwai bage me, augwaligo Abraham tiwai eyu tama Godigo dąų wali poba homu begi pobaso da, teda augwaligo me te Godigo maiabo nai mu saibao. Abraham aga da, te Godide konealubo po dąų wali we bidi da tigidaligo hasia wąį monu mu dao.

Polgo Po Pas Rom Dabeba Asęani 3:31

Dago e po wabo dao: we bidi augwaligo Kraisde konealubo po dąų obaso, te Godigo augwali aga gedude doloba pai we bidi ilaibao. Tama te po wabogo dago te bomai po dolobo dawe? Mu menio. Dago te bomai po page hania haninama tama te page da bugagia wali pabo dao.

Aisaia 55:11

Te tiwai naga eno po me te enaba odolali ma asogobeo. Menio. Agai te eno wali po tiwai gilama pedelaibao. Te agai eno homugo pedalumainogo homu yali sę pedalubo dao.”

Galesia 5:4

Tama dagego te bomo yai po wali pabo homu eyu da, tama dagego te bomo yai po wali pabode God agai dage doloba pai we bidi da te homu emainogo yali weyu da, teda dagego Krais tagalama, tama duga tali bobogasa pai. Tama dagego Krais agai dage olo tau sabo kolesaga tagalalio. Tama tiyu, dage te sęgę sai we bidi me bidaibao.

Jeremaia 19:7

“‘Te Juda dabe me Jerusalemgo te haniani sę te bulu pesagede yabo homu elaluali, tiali goli eno te sunumi paliama, tama augwaligo te sę me egobeo. Te eno boi bidi dabe tagala palama, augwali ela mueibao. Tama eno te ba dabe, me hasa dabe aselama, te augwali tigi tuagasomainogo yaibao wai dao.

Godigo Nogi Ugwaba Sabo Tęąbi Po Wabo Buku Dabe 119:126

Te we bidi dabe augwaligo nago bomo yai po bolobao. Tama tibaso, megi da te nago dene augwaliba mabo sogo dao.

Israel Hanigo Namba 30:15

Tiali goli, bidama nosali me sogo agai aga we te po wali pelamuo olama, habu selali da, teda te bidi aga digi te wego aga te wali po wali pisąma yali te sęgę te bidigo saibao,” Mosesgo Godigo te po augwalibolo pusa mani.

Israel Hanigo Namba 30:12

Tiali goli, te we aga bidigo te wego wabo po odali sogo tama habu selali da, teda te we aga te wali po sese tama wali pomainu elamuo. Te aga bidigo aga habu selali dao. Tama tialima, Genuai Bidigo te wego sęgę sela sąwaibao, te we aga wali po wali pisąma yali sęgę.

1 Korin 1:13

Tega! Magi yaliwe? Krais tomode pebeda pali elaluba agawe? Ena Pol, te ena dage tobade te ni pedaide isaliwe? Te dage baptais yalide, te ena Pol wali pomainogo eyu tama dage baptais yali dawe? Te mu meni.