Polgo Po Pas Rom Dabeba Asęani 16:20 - Godigo dwagi yai po buku

²⁰ Tama tiyu da, teda God da, aga te wiegi yai homu nagame ebo page bidi, dwasianu sogo tama silama, tama agai te Satan dagego sągą dologoba munama agawaibao. Te eno homugo te dago Genuai Bidi Jisas Kraisgo da olo mu tau sali wiegi yai kolesaga dage dali bidao.

Polgo Po Pas Rom Dabeba Asęani 16:20 Referans Kwoze

Dwagi Yai Gesi Po Lukgo Asęani 10:19

Edao. Eno dagebolo bomo mawai dao, dagego te Boi Bidigo bomo mu aiyaba elalumainu. Te hwą dabe me, te bidi gąų kelebo hasamani me, sągągo agabaso da, te dage gąų kelebaso da, dene isąwai, te tiwai dagego te Boi Bidi Satan aiyaba elaluaibao. Agai bomo tigidali tego dage aiyaba elalugobeo. Augwaligo dagebolo magi sę me elama, dene mugobeo.

1 Jon 3:8

Niwai bidigo dwai sę idu bidibo, te bidi Satango hani bidi dao. Magi baso meni, te Godigo tigidali nai nigisiąbadi, polobadu mu Satango dwai sę ebo gagalama, tama eyu, tama megi me aga tama tibo dao. Tama agai te Satango we bidi tomode ebo dwai kolesaga ela silimainogo te Godigo Ogwa aga hania pedalai.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Sekaraia 10:5

Tama tibaso, te Juda dabego te boi bidi dabe aiyaba elalubo sę eyu, te ami bidi dabego te taun sunumi dabede te tǫ pude te boi bidi aiyaba agabo tiwai yaibao. Te Genuai Bidi augwali dali bidibaso, te augwaligo hwįbo bomo eyu, te hos kibude dugayali boi bidi dabe me augwali aiyaba elaluboba usu naibao,” wali

Kraisgo Geme Dualali Sę Pedelabo Po Jonbolo Ola Mani 12:10

Tama dagalude i me deli bomon bomonama ma wabo eno odali, “Megi da, dago God agai we bidi ma dobola sabo kolesaga mu hania pedalai dao. Megi me agai tigidali we bidi tonalubo bomo hania pedalai, tama aga tuni bidi bidibo dao. Tama megi me agai sa muyu asaibao wali bidi Krais agai bomo dali, genuai nogi dali si hania waselai dao. Magi baso meni. Dwai bidi me deli agai dago ama dede augwali dali kisiliyu po tų ilai, agai augwali te dago God aga gedude te po tų siade me hulide yali. Tiali goli megi te dwagi yai ensel mobo bidi augwaligo aga te dagaludu a tǫba sąwai dao.

Polgo Po Pas Rom Dabeba Asęani 15:33

Eno homugo God da, aga te wiegi yai homu nagame ebo page bidi, aga te dage tigidali dali bidao. Mu dao.

Kraisgo Geme Dualali Sę Pedelabo Po Jonbolo Ola Mani 22:21

Te eno homugo te Genuai Bidi Jisas agai da olo mu tau siyu te mabo wiegi yai kolesaga te dage tigidali dali bidao.

1 Tesalonaika 5:28

Eno homugo te dago Genuai Bidi Jisas Krais agai olo tau sabo kolesaga dage dali bidaibao. Ena Pol dao.

2 Tesalonaika 3:18

Eno homugo Genuai Bidi Jisas Krais agai da olo mu tau sabo dwagi yai kolesaga dage tigidali dali bidao. Te tama dao.

2 Korin 13:14

Eno homugo dago Genuai Bidi Jisas Kraisgo olo tau sabo wiegi yai kolesaga dali, tama Godigo dage dali dwagi yai homu eyu godolo ebo kolesaga dali, tama Tedali Mobo Bidi dage tigidaligo homude abagi tiwai bidibo kolesaga dali, te kolesaga sela dage tigidali dali hodobo mu bidao.

Polgo Po Pas Rom Dabeba Asęani 8:37

Tiali goli, te augwaligo da dali te tobage dwai sę yali goli, Godigo da dali dwagi yai homu eyu godolo mu ebaso, tama agai da tau selama, tama dago te tobage sę tigidali aiyaba mu elaluaibao.

Filemon 1:25

Eno homugo te dago Genuai Bidi Jisas Krais agai we bidi olo mu tau sabo kolesaga dage tigidalide bidimainao. Tama dao.

Filipai 4:23

Eno homugo dago Genuai Bidi Jisas Kraisgo olo tau sabo wiegi yai kolesaga dage dali bidao. Te tama dao.

Galesia 6:18

Eno ama dedeo, dagede eno homugo dago Genuai Bidi Jisas Krais agai dage tigidali olo tau sao, te dage bugagia mu bidimainogo yao. Te mu dao. Te eno po tama dao.

1 Korin 16:23

Te eno homugo te Genuai Bidi Jisasgo olo tau sabo wiegi yai kolesaga te dage dali bidao.

Jopgo Po Asęani Elalubo Buku 40:12

Awe. Nago dwai kolesaga ebo bidi dabe sulama, tama augwali aiyaba elaluao. Tama nago dwai kolesaga ebo bidi augwa bidibo bulude sągągo agayagameo.

Polgo Si Wali Pas Timotiba Asęani - 2TI 4:22

Eno homugo te dago Genuai Bidi te nage dali bidao. Te agai olo mu tau sabo wiegi yai kolesaga te dage dali bidao. Te tama dao.

Aisaia 63:3

“Eno bulu tǫ kantri dabe agawali, te bidigo wain du wai te masigi pou tomode agabo tiwai yali, te gasa tǫ kantri bidi me deligo ena tau me sabeo. Eno augwaliba haliga sębę eyu, wado dwai mu olama, te eno augwali bomonama mu agawali madi te augwa kaneme gela tagalu, te eno gudali ugwa dabede kaneme dagana salio.

Polgo Po Pas Rom Dabeba Asęani 16:23

Te bidi nogi Gaius agai siade da po dagebolo ola tolobao. Agai ena Pol bugagia agai bede tonaluyu nai gesali. Aga beba te Kraisgo po odobo we bidi augwali deliba sisinibo dao. Erastus, aga e hanude te gavmanigo kuskus sę ebo masigi tonalubo bidi, tama dago ama Kwartus, te augwali sigo siade da po dagebolo ola tolobao.

Matyu 4:10

Tama Jisasgo aga dali te po wali, “Satan, nage gedao. Godigo po bukude te po wai, ‘Nago naga Genuai Bidi God dali naga lotu po weyu, aga dologode bidao. Tama nago agai sę deli naga dąų olama yao.’ Te po elalubao,” Jisasgo te po wali.

Polgo Po Pas Rom Dabeba Asęani 16:24

[Te dago Genuai Bidi Jisas Kraisgo da olo mu tau mani wiegi yai kolesaga te dage tigidali dali bidao. Mu dao.]