Polgo Po Pas Rom Dabeba Asęani 16:12 - Godigo dwagi yai po buku

¹² Dagego eno siade da wali po te we ama name si Trifina dali Trifosa sibolo wao, augwali si te Genuai Bidigo sę ebo dao. Te eno siade da wali po te we nogi Persisbolo wao, eno abagi mu dao. Agai sę dene hauwa Genuai Bidide yai dao.

Polgo Po Pas Rom Dabeba Asęani 16:12 Referans Kwoze

1 Korin 16:16

dologode bidimainogo homu ebao, tama tigidali bidi dabego augwali tau selama, tama te sęde sę bomo elama ebo dao.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

2 Timoti 4:10

Tama da Godigo kolesaga wali pabo, tebogo da megi me, nosali me tau sabo usu baso, dago bomo eyu sę dene mu ebo dao. God da, te tigidali we bidi ma sabo bidi da, tama agai te Kraisde konealubo po augwa homugo dąų wali we bidi da mu ma dobola sabo bidi dao. Tama tibaso, dago te bidibo ula elalubo Godiba homu begi pelama, tama agai da somainogo dago aga tonalubo dao.

1 Tesalonaika 1:3

Tama dago Aya Godibolo po obadi, dagego ebo dwagi yai kolesaga te dago gegeda pabo menio, te dago ma konebo dao. Dagego Kraisde duga homu tigidali mubaso, tama dagego dwagi yai sę ebo dao. Dagego duga hasi dwagi yai homu eyu, tau siyu ebaso, sę dene ebo dao. Tama dwagi yai homu eyu, dagego ‘Dago Genuai Bidi Jisas Krais mu aselama, da tau saibao,’ te homu eyu, tama bomo elama, dagego tonalubo dao. Tama dagego te sę ebo po dago ma koneyu, dago Godibolo buba hwi po wabo dao.

Kolosi 4:12

Epafras agai dagebolo siade dao po ola tolobao. Aga me dage hani deli dao, tama aga Krais Jisasgo sę ebo bidi dao. Sesemane sogo agai gedu haluasa po weyu homu dąų olama, tama bomo elama weyu dage tau sabo dao. Agai homugo dage Godigo homu tigidali bugagia wali peyu, tama tede homu si munu me isąyu, tama dage bidi mu pedalama tama bomo elama bugagia dolalumainogo eyu agai gedu haluasa po Godibolo weyu, “Augwali te tiwai pedalomainogo, tau sao,” agai te po wabo dao.

Kolosi 1:29

Tama te sę emainogo eno bomo eyu tama ena sę dene mu ebo dao. Kraisgo enabolo aga genuai bomo menama, tama te bomogo naga eno bomo eyu te sę ebo dao.

1 Korin 15:10

Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

Matyu 9:38

Tama tibaso, dagego te gi aga ayabolo gedu haluasa po waiyąo, tama agai aga sę bidi tagala palama, te gide elalubo nai sisinigi pomainogo wao,” Jisasgo te po wai.

Matyu 5:47

Tama dagego duga abagi dedebolo naga te siade da po weyu da, teda dagego te sęde te gasa bidi augwali aiyaba elaluaibawe? Te menio. Te Godigo po odosiąwai we bidi augwaligo me te tiwai kolesaga ebo dao.

Polgo Po Pas Rom Dabeba Asęani 16:11

Te eno siade da wali po te bidi Herodionbolo dagego waiyąo, aga te ena dali Juda hani deli dao. Te eno siade da wali po te Genuai Bidide wadolali we bidi augwali te bidi Narsisusgo bede bidibo bagebolo dagego te po augwalibolo waiyąo.

Polgo Po Pas Rom Dabeba Asęani 16:13

Eno siade da wali po dagego te Rufusbolo waiyąo. Aga te Genuai Bidi wali pabo wiegi yai bidi dao. Eno siade da wali po agai idabolo me wao. Te we te enade te aga eno ogwa tiwai dao homu eyu, tama agai enade dwagi yai sę ebo dao.