Polgo Po Pas Rom Dabeba Asęani 15:32 - Godigo dwagi yai po buku

³² Tama tiyu, tama Godigo usu da homu ebaso da, te ena wiegi yai homu pemene eyu, tama dage bidiboba sabolaibao. Tama ena dage dali dwasianu sogo bidiyu toma nabo homu yaibao.

Polgo Po Pas Rom Dabeba Asęani 15:32 Referans Kwoze

1 Korin 16:18

Augwaligo ena homu me, tama dage homu me nagame ilali. Tama tiyu dagego te tobage tiwai bidi dabe augwali nogi ugwaba sao.

Godigo Sęba Tagala Palai Bidigo Po 18:21

Agai augwali taga peyu, te po wai, “Te Godigo ‘Usu da’ obaso da, teda nosali ena dage pageba ma geasa asaibao,” wali. Te po olama, Pol te moni gebadu pelama, Efesus be nani taga pali.

Filemon 1:20

Eno ama, te Genuai Bidi Jisasgo nogi tobade nago enabolo te wiegi yai homu nagame ilao. Tama da si te Krais agai sę ebo bidi bidai, tama tiyu nago te ebo dwagi yai kolesaga te Onesimusde eyu, te nago eno homu wiegi yai pua pomainogo tama tiao.

Filemon 1:7

Eno dwagi yai ama, Godigo we bidi tigidali nago augwali dali dwagi yai homu eyu, godolo mu ebo dao. Tama tiyu, nago te kolesaga eyu, augwaligo homu pua peyu, dwagi yai ilai. Tama te kolesaga ebode ena dwagi yai homu elama, tama eno moni homu me esiąyu, te eno homu dwagi yai elama bidibao.

2 Korin 7:13

Dagego te kolesagago da homu nagame ilama dua bidai. Tama dago homu nagame naga me ebeo. Menio. Dago homu wiegi yai pemene yai. Magi baso meni. Dage tigidaligo te Taitusgo homu noma toma nabo nigilali, tama aga wiegi yai homu pemene yalio. Dago te sulama, tama da wiegi yai homu pemene mu idubadi bidali.

Polgo Si Wali Pas Timotiba Asęani - 2TI 1:16

Eno homugo te Genuai Bidi Godigo te bidi Onesiforus aga we wai puluba dali homu dene eyu tau sao. Te hauwa sogo Onesiforusgo eno homu dwagi yai bugagia ilai. Tama aga ena kalabus yalide hale me ebeo. Menio.

Jems 4:15

Tama tibaso, dagego nosali yabo sęde homu eyu, te po wao, “Genuai Bidi agai ‘Ao, usu da’ homu eyu da, te da bidibo ula dali bidiyu, tama dago te masigi sabo sę me te gasa sę me te nosali yaibao.”

1 Korin 4:19

Tiali goli menio. Te Genuai Bidigo homu usu yali da, teda ena dage bidiboba polo asaibao. Tama eno te hagoma ebo bidi dabego wabo po naga konegobeo, te augwaligo te Godigo sę yabo bomo me elalubowe ma meniwe, te me eno koneaibao.

Godigo Sęba Tagala Palai Bidigo Po 27:1

Te Festus agai Pol dali, gasa kalabus bidi dabe dali te Itali tǫba moni gebadu pabo po dodolali, te Sisar pageba pomainu yali. Tama gavman tobolu bidi me badu augwaligo bidi me deli dąį ilali, te bidi nogi Julius da, augwali tonaluabo bidi dąį ilali. Te bidi Julius agai te ami enesigi bidi a naga bidi nogo sągą sese silama, tonalubo tobolu bidi da. Tama aga te umabo ami enesigi bidi hani me deli tomode bidibo bidi da, te hani nogi ‘Rom gavman moni tobolu bidigo enesigi bidi hani da.’

Bugagia Bidibo Kolesagade Po Asęai Buku 25:13

Te po selasa asobo bidi, agai te aga tonalubo bidi dabego agabolo mani po dolo pusubaso da, teda agai augwali te wiegi yai pemene ilibao, te kedau yai węgo te bidi te augwa gide te nai sabo sę ebo sogo te pemene ilibo tiwai ebao.

Polgo Po Pas Rom Dabeba Asęani 15:29

Tama eno koneanio, te ena dage bidiboba sabalobo si, te Kraisgo da tigidalibolo te wiegi yai homu ilibo dwagi yai sę elama, tama da pągąwaibao.