Polgo Po Pas Rom Dabeba Asęani 15:27 - Godigo dwagi yai po buku

²⁷ Mu tama, augwa digi augwaligo te mone mabo sęde wiegi yai homu elama augwaligo tama tiwai yali, tiali goli augwaligo negeli me te Jerusalem dabede elaluai. Magi baso meni, te Jerusalemde bidibo Juda dabe augwaligo te Juda hani isąwai gasa hani dabe augwali te Godigo wiegi yai gesi po mani negeli elaluai. Tama tibaso, gasa hani augwaligo te tigide nai tau sabo negeli te Juda dabe augwalide elaluai dao.

Polgo Po Pas Rom Dabeba Asęani 15:27 Referans Kwoze

1 Korin 9:11

Tialima, dago te Godigo po dagebolo pusubo sę yali, te dago te dagego homu noma bidi mobo tomode te ge bulali tiwai yai. Tama tibaso, dagego dabolo te tigi tau sabo nai naga mobaso, te dolo dawe ma meniwe? Te dobu si ebode te dage sǫą paliwe? Te meni.

Galesia 6:6

Te Godigo po odali bidi agai aga wiegi yai nai tigidali togolama, tama te Godigo po ola mabo bidibolo dobayao.

Filemon 1:19

Ena Pol, ena digi eno e po eno nogogo asęai, ena digi eno te Onesimusgo negeli ma wei ponaibao. Tama eno nagebolo Godigo po polobadu ola magi menigi sogo da, teda te sęde nago ena dali genuai negeli elalugi menigi da. Tiali goli megi eno te genuai negelide po wagobeo.

Polgo Po Pas Rom Dabeba Asęani 11:17

Tama augwali te gide elalubo ni oliv tiwai bidiyu, tama Godigo te ni oliv nologo meba dwali togolama sela sąnama, tama agai dage olo ni oliv nologo te bulude elalubadi selama, tama dage te gide elalubo ni olivgo nologo togwali pesagede wadolali. Tama dagego augwali hasegelama, tama megi dage bugagia bidibao. Tama dage te elalubo dwagi yai ni olivba wadolobaso, tama dage dali te ni aga nologo mu dali te dagego te ni oliv pedalidu asobo ąįgo ili sabo dao, te nigo bomo me dagego sabo dao.

Matyu 6:12

Tama dago homugo nago dago dwai sę yali sela sąyao. Te bidi dabe augwaligo da dali dwai sę elama, tama dago augwaligo te dwai sę yali sela sąbo tiwai yali gilama tama nago dago sęgę sela sąyao.

Polgo Po Pas Rom Dabeba Asęani 7:14

Dago koneani, te bomai pode te Godigo Tedali Mobo Bidigo te Godigo homu kolesaga dabolo ola mabo dao. Tiali goli ena, eno poloba homu me elaluyu tama te homu ena wali pabo dao. Te dwai sę ebogo ena kalabus ilama tama eno agade sę iduai dao.