Polgo Po Pas Rom Dabeba Asęani 15:25 - Godigo dwagi yai po buku

²⁵ Tiali goli megi hasia bolo ena te Jerusalem hanuba pabo tamadi gagalaibao, te tede bidibo Godigo we bidi tau magi paibao.

Polgo Po Pas Rom Dabeba Asęani 15:25 Referans Kwoze

Godigo Sęba Tagala Palai Bidigo Po 24:17

Te bidi Pol agai po me tama wali, “Te polobadu ena Jerusalemde bidama, nosali gasa buluba pelama, kibu be me si me si nama silama, ena Jerusalemba tamadi ma pali. Te sogo ena peyu, eno ama dede Jerusalemde bidibo bidi tau sai hagede, mone ge dali selasa pali. Eno homu me eno Godibolo hasa elama, Godibolo nai ula mabo kolesagadu wali pomainu yali.

Godigo Sęba Tagala Palai Bidigo Po 19:21

Te nosali augwaligo te sę ela silama, Godigo Dwagi Yai Mobo Bidigo Polgo homuba menama, aga Masedonia tǫ dali Akaia tǫ dali te bulu siba pomainu homu ilali. Tedu pelama, aga Jerusalemba sabaligi pomainu homu yali. Tama Pol agai homugo bomo eyu te po wali, “Ena teba sabaligi pelama, nosali ena Rom be nani sugi paibao,” te homu yali.

Godigo Sęba Tagala Palai Bidigo Po 20:22

Tama megi Godigo Dwagi Yai Mobo Bidigo ena dąų olama, ena Jerusalemba odasa pabo. Te bulu bidi dabego enabolo magi sę egowe, te eno konebeo.

Godigo Sęba Tagala Palai Bidigo Po 20:16

Pol agai homugo te Efesus be nani sugobeo, ela soaibao homu yai. Agai homugo ena Jerusalemba polo paibao homu yali, ena tede te Juda dabego moni nai tubo bodolu Jerusalemde bidibadi silaibao, te homu yali. Te Juda dabego moni nai tubo bodolu te nogi Pentikos dao.

Godigo Sęba Tagala Palai Bidigo Po 18:21

Agai augwali taga peyu, te po wai, “Te Godigo ‘Usu da’ obaso da, teda nosali ena dage pageba ma geasa asaibao,” wali. Te po olama, Pol te moni gebadu pelama, Efesus be nani taga pali.

Galesia 2:10

Tama te homu eyu, tama augwaligo da sibolo te po wai, “Dage sigo te Juda hani tomode bidibo magi nai meni yai we bidi gegeda pelamuo, te dago augwaligo tuabo nai abelemainogo, dagego masigi dabe eba tolao,” augwaligo te po wai. Tama te sę eno digi eno bomo eyu, te sę ebo dao.

Godigo Sęba Tagala Palai Bidigo Po 9:13

Tama Ananaiasgo te po wai, “Genuai Bidi, hauwa we bidigo enabolo te bidigo Jerusalemde nago po wali pabo hani we bidi dwai sę mu ebo bidi dao po enabolo pusai dao.

Polgo Po Pas Rom Dabeba Asęani 12:13

Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.

2 Korin 8:4

Augwaligo te dago usu da po omainogo bomo mu elama augwaligo me te Godigo po odobo gasa we bidi dabe dali hodobo augwaligo augwa masigigo te Godigo Juda we bidi olo tau sabo sę yaio po bomonama wali.

2 Korin 8:6

Polobadu Taitusgo te Juda bage olo tau sabo wiegi yai kolesaga ebo sę dage tomode hodolali. Tama te Masedonia we bidi augwaligo genuai olo tau sabo sę ebaso, dago bomo eyu agai dage tau siyu, tama dagego duga tau sabo sę silimainogo ebao.

Hibru 6:10

God aga te dolo osola subo konesiąbo bidi meni. Agai homugo dagego te yali tigidali sęde te homu me gegeda peyu, me tagalogobeo. Menio. Dagego duga homugo agade kone palobadi tama agade dwagi yai homu eyu, tama te tialigo te dage homu hodolama tama agai we bidi augwali te dagego tau sidu geduai dao. Tama te tiwai kolesaga dagego me ela pabo dao.

1 Korin 16:4

Tama ena me ena pabo homu ebaso da, teda augwali ena dali hodobo paibao.