Polgo Po Pas Rom Dabeba Asęani 14:7 - Godigo dwagi yai po buku

⁷ Dago koneani, te da usu da homu eyu, tama dena homu naga wali peyu tama da e tiwai bidaibao, ma da e tiwai isaibao, te homu eyu te da bidibo meni.

Polgo Po Pas Rom Dabeba Asęani 14:7 Referans Kwoze

1 Pita 4:2

Tama tiyu aga e tǫde bidibo sogo tigidali agai e tǫde we bidigo yabo dwai dwai kolesaga munu me egobeo. Te meni. Agai te Godigo homu naga wali peyu bidaibao.

2 Korin 5:15

Tama agai da tigidali hasegelama isalio, te agai tama tibaso, da bidibo ula dali bidibo we bidi dago dena digi homu koneama munu me biligobeo. Menio. Te da tobade hasegeleyu isama tama ma hodaluali bidi, te dago aga homu naga wali peyu tama aga sę eyu bilao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Polgo Po Pas Rom Dabeba Asęani 14:9

Magi baso meni. Krais me isama tama bidibo ula ma sali da, te aga te isali bidi dabe dali te bidibo ula elalubo bidi dabe dali augwaligo Genuai Bidi bidainogo tama tiai dao.

Sekaraia 14:21

Tama te olo sospen dabe te Jerusalem dabe me Juda dabego be tigidalide munalubaso da, te nai augwali me te Genuai Bidigo nai pedelaibao. Nosali te bidi mego te sospen dabe te Genuai Bidigo beba sela pelama, te we bidi dabego ofa yabo kibu mi ulumainogo abelao po me wagi pogobeo. Menio. Te we bidi dabego augwa sospen dabe digi sesaibao, magi baso meni, tigidali sospen te Genuai Bidigo nai mu elalueibao homu eyu po waibao.

Polgo Po Pas Rom Dabeba Asęani 8:38

Awe, eno tede konealubo homu mu dąų wali, te magi nai me deligo da te Godigo godolo ebo sęde munu me dagala sągobeo. Ma te augwaligo da ela mubo, ma da bidibadi dago sęgę tolobo, ma ensel mobo bidi dabe, ma te dwai haubo mobo bidi dabe, ma te tǫde bidibo tobolu bidi dabe, ma megi elalubo nai, ma te nosali pedalabo nai,