Polgo Po Pas Rom Dabeba Asęani 14:6 - Godigo dwagi yai po buku

⁶ Bidigo homugo deli sogo te polalubo genuai sogo da homu eyu da, te bidigo te Genuai Bidigo nogi ugwaba somainogo tama tebo dao. Te tigidali nai tubo bidi me, te bidigo te Godibolo te tubo naide puba hwi po obaso tama te nai tubo si agai te Genuai Bidigo nogi tama ugwaba sabo dao. Me ma, te tigidali nai me tusiąbo bidi me, agai te Genuai Bidigo nogi ugwaba siyu, tama Godibolo te puba hwi po weyu ebadi, aga nai meba tubo menio.

Polgo Po Pas Rom Dabeba Asęani 14:6 Referans Kwoze

Matyu 15:36

Tama agai te bret a naga olama me badu nogo si badi, te sųgų dabe sobadi elama, tama agai Godibolo nage usu da po olama, tama te nai pebedelama, tama aga wali pabo bidi dabebolo madubadi, tama augwaligo te we bidibolo te nai dobaba pai.

Matyu 14:19

Tama agai te we bidi augwalibolo po olama, augwali te noswaide duada pao te po wai. Tama agai te a naga bret badi te sųgų si dali selama, tama agai dagaluba ugwaba tonaluyu, aga Ayabolo nage usu dao po wai. Tama agai te bret pedama, tama aga wali pabo bidi dabebolo menama, tama aga wali pabo bidi dabego te we bidi augwalibolo te nai dobaba pai.

Galesia 4:10

Tama tiyu, sesemane sogo dagego te genuai si bidibode me, te gesi polua pedalubode me, te genuai lotu po wabo sogode me, te gesi kibu be gagalobode, te dagego suyu, dagego homu te naide dąų wabo dao. Dagego homu ‘Dago te sę ebode Godigo da ma saibao’ geda muyu te homu ebo dao.

Dwagi Yai Gesi Po Jongo Asęani 6:28

Tama tibaso, augwaligo Jisasbolo te po wai, “Dago mena tama tilama, tama dago Godigo sę yaibawe?” augwaligo Jisas dali te po wai.

Aisaia 58:5

Te dagego homugo eno dagego te tigidali side nai habu selebo kolesaga ebode te eno dage godolo eba homu eba, agawe? Dagego te homu dene ebo ugwa munama, te duga tobolu te tǫba basigulu, te waligo awi dili basiasa pabo tiwai eyu, te dage sia keli daide piyu, te duga digi aiyaba elalu, te gasa tobage kolesaga me yali. Tama dagego homugo dagego te tobage kolesaga ebode eno dageba bugai haliga eba homu yaibao, agawe? Mu menio.”

Ma Dobola Sali 16:25

Tama te side Mosesgo te po wai, “Megi te Sabat side, te side olo bidiyu, genuai nogi Genuai Bidibolo mabode, tama megi dagego nai te dage bidibo pesage tǫde me gegegobeo. Tama dagego te do munaluali tubo nai megi tuagameo.

Ma Dobola Sali 12:42

Tama te sogo hulide naga Genuai Bidigo te Israel hani bugagia tonaluai, tama augwali te Isipde selama odasa asai. Tama tibaso, tigidali sogo nosali kibu bede augwali te sogo hulide odasa asali sogo Genuai Bidi homugo koneama, tama bugagia tonaluyu, augwaligo agabolo lotu po wabo dao.

Ma Dobola Sali 12:14

“Te sę yali sogo, dagego bodolu pedalobode, te dagego genuai lotu po wabo sogo yagasaibao, tama te sogo koneama, ena Genuai Bidi eno te sę yai. Tama dage hani nosali nosali pedalobo bage, augwaligo me te Godigo dage Tagalama Ela Soali Sogo pedalobode te nai tueibao,” wali.

Sekaraia 14:21

Tama te olo sospen dabe te Jerusalem dabe me Juda dabego be tigidalide munalubaso da, te nai augwali me te Genuai Bidigo nai pedelaibao. Nosali te bidi mego te sospen dabe te Genuai Bidigo beba sela pelama, te we bidi dabego ofa yabo kibu mi ulumainogo abelao po me wagi pogobeo. Menio. Te we bidi dabego augwa sospen dabe digi sesaibao, magi baso meni, tigidali sospen te Genuai Bidigo nai mu elalueibao homu eyu po waibao.