Polgo Po Pas Rom Dabeba Asęani 13:4 - Godigo dwagi yai po buku

⁴ Tama aga dali wi ebo page elalugobeo. Magi baso meni, aga te Godigo sę bidi te agai nage tau siyu, tama nage bugagia bidaibao. Tiali goli, nago dwai kolesaga ebaso da, teda nage aga wi yao. Nago koneani, te gavman enesigi bidi agai te poa pai genuai hwą ge tolalubo, tama agai te olo me tolalubo menio. Te gavman genuai bidi aga da te Godigo sę bidi, tama te dwai kolesaga ebo bidibolo te Godigo nogide te wei ponama dene mabo dao.

Polgo Po Pas Rom Dabeba Asęani 13:4 Referans Kwoze

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Bugagia Bidibo Kolesagade Po Asęai Buku 20:2

Te kingo wado eyu, te haliga sębę ebogo te bidi wi ilaibao, te laiongo genuai gaa wabo tiwai yaibao. Nago te king haliga sębę yabo sę ebaso da, teda nago bidibo ula te hagawaibao.

Bugagia Bidibo Kolesagade Po Asęai Buku 16:14

Te kingo bidi me delide haliga sębę eyu da, teda te kingo aga ela muaibao. Tiali goli, te wiegi yai homu elalubo bidigo da, agai te king dua digi te haliga nagame ma ilaibao.

Tuni Bidi Dabego Po Elalubo Buku Si 19:6

Tama agai te jas dabebolo e tama po walali, “Dage dua dao, te dagego te we bidigo po tų odama dobabo sogo. Magi baso meni, dagego bidigo sę ebeo. Menio. Dagego Genuai Bidigo sę te ebao. Tama Genuai Bidi dage dali te po tų odobo sogo bidibo dao.

1 Tesalonaika 4:6

Tama God agai ebo homu e dao. Dagego te we sabo sę po bolama, tama duga abagi dali dwai sę egimio. Magi baso menio. Genuai Bidi Jisas agai te tobage dwai sę ebo kolesaga ebo bidi augwali tigidali agai wei ponobo dao. Tama polobadu da dage dali bidibadi, e sęgę yai po dao homu eyu, dago te po hanilama, dage dali wai dao, dage tau somainogo.

Polgo Po Pas Rom Dabeba Asęani 13:6

Tama tede naga dagego te takis me abelebo dao. Magi baso meni, te gavman bidi dabe augwali te Godigo sę bidi bidibaso, tama sesemane sogo augwaligo bomo elama te sę naga tonalubo dao.

Maika 3:9

Dage Israel tobolu bidi dabego odiąo. Dagego te doloba pai kolesaga godolo homu meni isąwai. Dagego te wiegi yai kolesaga te dwai kolesaga pedalumainu ilibo dao.

Esekiel 25:14

Eno te Idom dabego dwai kolesaga wei ponabo homu yali, tibaso te eno ena we bidi augwali te Israel dabe, te augwali elali boi hwįgi pomainu tagala palaibao. Te kolesagade te Idom dabego eno haliga sębę genuai ebo koneaibao. Tialima, te Idom dabego te tiwai bugagia koneaibao, ena digi eno augwaligo dwai sę yali wei ponobao homu yaibao. Ena God Genuai Bidi eno te po wai dao.”

Esekiel 22:27

“Te gegunai bidi dabe augwali te bulu uni yowi dabe tiwai eyu, te hasa elama, te tologolama tubo sę tiwai yali. Te gegunai bidi dabe augwaligo te mone me doado bage hauwa sabo homu eyu, te bidi dabe augwali ela munama, te augwaligo doado bage sabo dao.

Jeremaia 5:28

Augwali te nai hauwa tulama, te tabi buai bidi pedelali. Augwaligo te tobage dwai kolesaga ebo gagamu yabo homu me egobeo. Augwaligo te doloba pai kolesaga te augwa aya isai bidigo wai pulubade me egobeo. Te doado bage meni yai bidi dabego sęgę elalubo sogo, augwaligo te augwali tau selama, te sęgę silimainu ebo meni.”

Aisaia 1:17

Te dwagi yai doloba pai kolesaga ebo kolesaga konea sao. Tama te tobage dwagi yai kolesaga ugwa ela holomainu yao. Tama eyu, te gasa bidi dabego aiyaba elaluali bidi dabe tau mao. Te po tų ebode te tiana wai dabe bugagia tau sao. Tama me te wilawe we dabe te po tų ebode tau sao. Te tama bidi dabego augwali dali dwai sę ebaso da, dagego augwali tau sao.”

Bugagia Bidibo Kolesagade Po Asęai Buku 20:26

Te wiegi yai homu elalubo kingo, agai po tų ebo side tama te dwai kolesaga ebo bidi dabego ebo kolesaga te bugagia dagalaibao. Tama tilama, te agai augwaliba te dwai dene dolo mabo dao.

Bugagia Bidibo Kolesagade Po Asęai Buku 20:8

Te king po tų odainu dugulalubo sogo, agai te po tųba asobo bidi dabego kolesaga te bugagia dagala subo dao.

Te Israel me Juda Hani Sigo Tuni Bidigo Po Elalubo Buku Deli 10:9

Eno te Genuai Bidi te nago God nogi ugwaba sobao. Agai bugai homu nageba ebaso, te nage Israel king pedalumainu ilali. Agai dage Israel te wei ebo homu umabo mu elama, tama agai te godolo eyu, wei ebo homu te me siligobeo. Tama tialima, agai nage te king pedalumainogo ilama, te nago te po tų odobo sę dolo mu naga eyu, tama te Israel dabe te wiegi yai doloba pai kolesagago tonalumainu yali dao,” te Seba kwin wego te po wai.

Josua 20:9

Te tama hanu dabe te tigidali Israel dabe geme duala sigi pabo hanu dabe nigilali, te gasa bulu bidi dabe te augwali dali bidali bage me te hanuba naga wi duala sigi pomainogo yali. Tama te bidi me deligo te gasa bidi me elibaso da, tiali goli te agai aga dali boi bidi eyu me elibe, teda aga pelama, te hanude bugagia bidigi pagameo. Tama te bidigo wei ponainu wali pali bidi, agai te bidi me elamuo, tama te bidi te tigidali bidi dabe gedude te po tųba pedalumainogo emai hagede yao.

Josua 20:5

Tama te wei ponainogo yali bidigo te aga wali pobeasa pelama, te hanuba pedalubaso da, teda tede bidibo bidi dabego te wi asali bidi te aga nogoba elimainogo magobeo. Magi baso meni, agai wado elama, te bidi me elibeo. Menio. Tama agai abagi Israel me deli ela muabo homu ebeo. Tama tibaso, te we bidi augwaligo te wi asali bidi bugagia tonaluaibao.

1 Pita 2:14

Tama te tuni bidi agai aga sę bugulama, tama te me me tǫ pedai tonalubo sę gasa bidi dabego nogoba muani, te augwaligo te dwai sę ebo bage dene mayu, tama te dwagi yai sę ebo we bidi nogi ugwaba somainogo ebo dao. Tama dage augwali me dologode bidiyu, augwaligo po odiąo.