Polgo Po Pas Rom Dabeba Asęani 12:13 - Godigo dwagi yai po buku

¹³ Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.

Polgo Po Pas Rom Dabeba Asęani 12:13 Referans Kwoze

Hibru 13:16

Tama dagego duga hasi te we bidi augwalibolo wiegi yai kolesaga ebo te dagego homugo gegeda pelamuo. Tama tiyu dagede elalubo doado bage, te dagego te nai meni yai we bidiba dobayu, te augwali tau sao. Godigo te tiwai ofa ebode dwagi yai homu mu ebo dao.

2 Korin 9:12

Awe, dagego te tiwai sęgo te Godigo we bidi tau siyu, te kolesagade dagego te augwali sǫą pali nai usu nubo sę yaibao. Tama te tiwai kolesaga naga me egobeo. Menio. Dagego te tebo kolesaga ebaso, te augwaligo dwagi yai homu eyu, Godibolo usu da po hauwa waibao.

1 Jon 3:17

Tialima te doado bage hauwa elalubo bidi agai aga ama te nai meni yai bidi bidibo sula tagalama, tama aga tau masiąyu da, teda magi baso te bidigo te po wali, “Eno Godibolo dwagi yai homu eyu godolo ebo bidi dao.”

Hibru 6:10

God aga te dolo osola subo konesiąbo bidi meni. Agai homugo dagego te yali tigidali sęde te homu me gegeda peyu, me tagalogobeo. Menio. Dagego duga homugo agade kone palobadi tama agade dwagi yai homu eyu, tama te tialigo te dage homu hodolama tama agai we bidi augwali te dagego tau sidu geduai dao. Tama te tiwai kolesaga dagego me ela pabo dao.

1 Pita 4:9

Tama tibaso te kolesaga yao. Tama te kolesaga eyu, te dwagi yai homu eyu, tama duga hasi dage deli deligo te gasa we bidi dali te nai gesebo sę yao.

Galesia 6:10

Tama tibaso, dago te dwagi yai kolesaga ebo tų subaso da, teda dago te tigidali we bidi tau sao. Tama te Kraisde augwa homu tigidali muani we bidi te augwali dago hani we bidi tiwai dao. Tama tibaso, dago bomonama, tama augwali te dwagi yai kolesaga eyu, hauwa sogo tau sao.

Hibru 13:2

Dagego te duga beba digibulu asobo bidi dabe augwali tau sabo homu ebo te dagego me gegeda pigio. Duga koneani, polobadu bidi mebago te tiwai elama, tama augwaligo te ensel mobo bidi meba te augwa beba odasa pelama, augwali gesali. Augwaligo te ensel bidi asobo me konebeo. Augwaligo te bidi naga da te homu yai dao.

2 Timoti 3:2

Tama nago te Godigo we bidi tonalubo bidi nigiyu tama aga e tama bidao. Aga dolo mu bidao, tama te bidi dabe augwaligo agade te dwai sę ebo me gegegobeo. Aga te we deligo bidi naga bidao. Aga homu bugagia dodolama tama dulaluao. Agai aga digi kolesaga bugagia tonaluao. Aga subigila bidibo bidi bidamuo. Te aga te Godigo po odobo gasa buludu asali we bidi agai aga beba sabo bidi bidao. Tama aga te Godigo po ola mabo sęde aga usu yao.

2 Timoti 5:10

Tama e tobage haniani wiegi yai sę yai nogi elalubo we tiwai: agai te aga wai puluba bugagia tonaluali. Tama agai te gasa bulu we bidi augwali te agai beba asobode nai mayu yali. Tama imilai homu eyu, agai te Godigo po odobo we bidi tau siyu sągą we tedabo sę yai dao. Tama agai te sęgę dali dene dali sali we bidi dabe tau siyu yai. Tama te wilawe we aga te tobage haniani we bidi tau sabo dwagi yai sę ebo kolesaga wali pabo we bidali da, teda nago te tobage we dabe augwali naga nogi te bukude asęąo.

Matyu 25:35

Magi baso meni, polobadu ena nasi dali bidibadi, dagego ena nai mawai. Ena ąį nogone ebadi, tama dagego ena ąį mawai. Ena gasa bulu bidi asobaso, tama dagego duga beba ena odasa pai.

Filemon 1:7

Eno dwagi yai ama, Godigo we bidi tigidali nago augwali dali dwagi yai homu eyu, godolo mu ebo dao. Tama tiyu, nago te kolesaga eyu, augwaligo homu pua peyu, dwagi yai ilai. Tama te kolesaga ebode ena dwagi yai homu elama, tama eno moni homu me esiąyu, te eno homu dwagi yai elama bidibao.

Taitus 1:8

Te menio. Tiali goli gasa buludu asobo we bidi agai augwali dali dwagi yai homu eyu bugagia gesebo bidi bidao. Tama agai dwagi yai kolesaga naga godolo eyu, tama tiyu dwagi yai homu dali yao. Aga homu kęnai bidi bidao. Aga te doloba pai bidi bidiyu, tama Godigo gedude aga dwagi yai bidi bidao. Aga digi aga bidibo te kolesaga bugagia tonaluao.

2 Korin 9:1

Te Godigo we bidi Juda bage augwali tau siyu olo mabo nai te dagego koneanio. Tama eno tede bobage po me asęgobeo.

Godigo Sęba Tagala Palai Bidigo Po 10:4

Agai te ensel bidi gedugo bomonama tonama, wi mu yai. Tama agai te bidibolo hanalu wali, “Eno genuai bidi, nago homugo magi sę yaiwe?” Tama te ensel bidigo te po wei ponoyu, te po wali, “God agai nago agabolo po wabo me, te nai meni yai we bidi tau sabo kolesaga me, te Godigo sulama, bugai homu ebao.

Godigo Sęba Tagala Palai Bidigo Po 4:35

Abelagaselama, page bidi dabego te masigi selama, te Jisasgo tagala palai bidi dabebolo mani. Augwaligo selama, te nai meni yai we bidi tigidalibolo dobayali.

1 Korin 16:15

Ama dedeo, dagego te bidi Stefanas dali aga hani dali koneani, augwali te gasa Akaia tǫ pedai hani bidi dabe augwaligo Godigo po wali pabo gagalisąbadi te augwalibolo polasa te Godigo po wali pabo hani we bidi pedalama tama megi bidibao. Tama augwa digi homugo augwaligo te Godigo po odobo we bidi augwali tau sabo sę salio. Eno homugo dage te tobage we bidi augwali

Polgo Po Pas Rom Dabeba Asęani 12:8

Bidi mego te bidi dabe augwali homu hodolobo kolesaga elalubaso da, teda agai te augwali homu hodolobo sę mu yao. Te Godigo hani we bidi tau somainogo aga nai dobabo bidi, aga dwagi yai homu eyu agai nai hauwa augwalibolo mao, te agai nai yogo homu elamuo. Te polalubo bidi, te agai homugo te sę mu yao. Te gasa bidi homu dene eyu tau sabo bidi, te bidi me agai homu pemene wiegi yai elama tama aga tau sao.

Godigo Nogi Ugwaba Sabo Tęąbi Po Wabo Buku Dabe 41:1

Bidigo te magi doado bage meni yai bidiba homu kone palama, tama augwali tau sabo bidi da, te bidigo homu wiegi yai pemene yao. Te sęgę agaba pedalubo sogode, te Genuai Bidigo aga tau saibao.

Te Israel me Juda Hani Sigo Tuni Bidigo Po Elalubo Buku Si 4:10

“Tama teyu, eno homugo dago bede te aga piagasabo madigi te be habu badu me deli nigilama, dąį palinao,” wali, “te dago e be pedu badu nigilinao. Tama dago te be habude te piabo bet me, te tama ni name me, te tebol sai me, te lam sole me, me te dugabo ni name me, te nai dabe tigidali te dago aga pibo habu badu te nai dabe dago muguo. Tama te bidi aga asobo sogo, awe, te aga te habude bidimainao.” Awe, tialima, augwaligo te bidi piagasabo habu me deli nigibo sę yali.

Bugagia Bidibo Kolesagade Po Asęai Buku 31:20

Te agai suali, te bidi dabe te doado bage menia siyu ebo sogo, agai augwaliba te doado bage mabo dao. Awe, agai te nai sǫą pai bage tau sabo dao.

Taitus 3:14

Tama dago we bidi, te Krit tǫde bidibo Godigo po wali pabo we bidi, augwaligo te gasa we bidi tau sabo dwagi yai sę ebo kolesaga koneao. Augwali tama tiyu da, teda augwaligo te nai meni yai we bidi tau sabo sę ebo usu yaibao. Augwali te nai walisiąbo ni tiwai bidilamuo.

Jongo Sela Sogo Wabo Asęani Pas - 3JN 1:5

Abagi mu, nago homu mu naga eyu, tama tigidali ama dabe augwali tau sabo sę yai. Tama tiyu, te nago konesiąwai bage augwali gasa buludu asali digi, augwali me nago tau siyu tebo dao.