Polgo Po Pas Rom Dabeba Asęani 11:34 - Godigo dwagi yai po buku

³⁴ Te agai po bukude te tiwai po me asęani, “Dego te Genuai Bidigo homu kolesaga koneai dawe? Dego te mobo mabo po agabolo mabo usu egowe?

Polgo Po Pas Rom Dabeba Asęani 11:34 Referans Kwoze

Aisaia 40:13

Dego te Genuai Bidiba te nai dabe nigibo kolesaga ola mawaibawe? Te agaba homu kolesaga ola maiabo usu elalubo homu ebo bidi me deli bidiba, agawe?

1 Korin 2:16

Awe, te Godigo po bukude po me elalubo e tiwai wabo, “Dego te Genuai Bidigo homu konebaso, te agai Genuai Bidi mobo mabo usu egowe? Bidi meni,” te asęani po tama wabo. Tiali goli te Kraisgo homu kolesaga dago elalubo dao.

Jopgo Po Asęani Elalubo Buku 15:8

Nage te Godigo te sę dabe yaiba obadi, nage te sogo me nage tede bidai dawe? Nagaduba deli naga dwagi yai kolesaga elalubawe? Tega? Mu menio.

Jopgo Po Asęani Elalubo Buku 36:22

“Bugagia odao. God dagalude mu bidiyu yaide, genuai bomo mu elalubao. Tama aga te dwagi yai po ola mabo bidi dao. Dego mu agai ola mabo tiwai yaibawe?

Jeremaia 23:18

Tama Jeremaiago te tiwai po wali, “Te profet dabe me deli te Genuai Bidigo po sisinama mibo pesagede bidama, te po me sagasobeo. Te augwali me deligo te Genuai Bidigo poba bugagia olo me mubeo.

Jopgo Po Asęani Elalubo Buku 21:22

“Te ensel sibigo da edelalio. Tiali goli, Godigo augwaligo kolesaga osola subo dao. Tama tibaso, dego God ola mabo usu yaiba, te mena kolesaga dwagi yai dabe emainu. Bidi meni.