Polgo Po Pas Rom Dabeba Asęani 11:33 - Godigo dwagi yai po buku

³³ Ei tegoba! Te Godigo wiegi wiegi yai homu kolesagade ena noma sobao. Te agai sę yabo homu kolesaga dali, agai koneani kolesaga dali, te mu pągąna pelama, tama te tamu ąį gebo dabo tiwai gilama aiyaba mu dulai. Da bidigo agai yali homu kolesaga page tigidali konemainogo ebo usu me egobeo. Dago agai da dali ebo sę page me munu me kuna konegobeo, da tede usu me egobeo.

Polgo Po Pas Rom Dabeba Asęani 11:33 Referans Kwoze

Jopgo Po Asęani Elalubo Buku 5:9

Agai haniani sę hauwa mu ebo dao, tama dago te sę nedebo usu egobe. Augwaligo dago kolesaga edelai, te dago kuna konegobeo.

Godigo Nogi Ugwaba Sabo Tęąbi Po Wabo Buku Dabe 92:5

Genuai Bidi, nago te genuai sę mu ebo dao. Nago homu kolesaga te genuai mu elalubao.

Polgo Po Pas Rom Dabeba Asęani 2:4

Te ma, nago e homu ebawe, “Te Godigo ena wiegi yai bugagia iliyu, tama ena bobobage sogo tonaluyu, tama agai te dwai sę ebo wei enabolo polo me ponogobeo.” Te homu egio. Te Godigo wiegi yai polo wei ponosiąbo kolesaga ebode, te nago homugo te olo nai tiwai da, te homu ebawe? Godigo homugo nage homu begelemainogo, tama agai dwagi yai kolesaga naga nagebolo eyu tonalubo dao. Te kolesaga page nago konebewe?

Jopgo Po Asęani Elalubo Buku 37:23

Tigidali Bomo Elalubo God te ugwanu mu elalubo, tama da aga pąba pabo usu egobeo. Agai genuai bomo mu elalubo, tama aga doloba pai mu dao. Agai te po tų dodolobo sę ebode doloba pai kolesaga naga ebo dao. Tama agai da olo dali aiyaba elalugobeo.

Efesus 3:10

Tama polobadu agai homude yabo sę dualaluai. Tiali goli megi agai te agai po wali pabo we bidibolo haninama ola mani. Te gasa we bidi me augwaligo te Godigo po wali pabo we bidigo pedauwalidu te po odama tama Krais wali peyu tama aga hani bage pedalomainogo eyu, agai aga po haninama ola mani. Tama tebogo augwaligo te Godigo wiegi yai sę ebo kolesaga te dagalude bidibo ensel mobo bidi tobolu bidi dali, te polalubo bidi dabe augwalibolo te wiegi yai ebo kolesaga page waselemainogo yai. Tama te wiegi yai kolesaga page te ensel mobo bidi dabebolo tama waselama, tama augwaligo Godigo haniani sę ebode wiegi yai homu kolesaga mu elalubo te augwaligo hania koneaibao.

Kolesaga Koneai Bidigo Pusali Po Elalubo Buku 3:11

Godigo digi te tigidali nai pedelabo sogo bodolu muani, tama augwali te wiegi yai sogo bodolu muanide mu pedelaibao. Tama me agai dago homu hodolama, tama dago te polobadu pedelali nai dabe konemai da homu eyu, tama te nosali pedelabo nai me konemainu homu eyu tama tiali. Tiali goli, Godigo aga polobadu digi ela pali sę tigidali te nosaliba mu usu nama, te dago mu konemainu ebo sę ebeo.

Godigo Nogi Ugwaba Sabo Tęąbi Po Wabo Buku Dabe 36:6

Te nago doloba pai kolesaga te genui mu elalubao, te bulu du dabe tobage tiwai elalubao. Dago nago te doloba pai po tų ebo page koneainu ebaso, te usu me egobeo. Te aiyanu mu dulali, te tamu ąį aiyanu mu ebo tiwai yai. Genuai Bidi, nago te bidi dabe me te hasa dabe bugagia tonalubaso, te augwali bugagia bidibo dao.

Efesus 1:7

Te Krais aga ni pedaide isilama, tama agai kanemego te da dąų wali nai pisigina sąwai, tama megi da olo mu bidibo dao. Te po page e dao, te Jisasgo kanemede te God agai dago yali dwai dwai sęgę tigidali te mu sela sąwai dao. Godigo da dali yali olo tau sabo kolesaga te dwasianu menio, agai te kolesaga umabo mu da dali yai.

Kolosi 1:27

Te Godigo homu e dao: agai aga polobadu dulaluai po agai we bidi mu augwalibolo hania hanilaibao. Tama te dulaluali pogo te gasa hani we bidi tigidali tau sabo po dao. Te dulaluali po wiegi yai mu dao, te bomo yai ula umabo elalubo po dao. Te dulaluali po page e dao: Krais aga digi dage deli delide hodobo bidibao, tama aga tama bidibaso dagego Godigo bomo yai ula dali, genuai nogi dali, bomo dali te meba saibao, tama tede dagego dwagi yai homu eyu bugagia tonalubo dao.

Polgo Po Pas Rom Dabeba Asęani 9:23

Magi baso meni, agai homugo te agai homu dene eyu tau sabo sa muani we bidi augwalibolo mabo wiegi wiegi yai ula yai bomo, te bomo augwali ola momainogo agai bobage sogo tonaluali. Augwali agai polobadu hagea sai dao, tama agai bomo yai ula augwaligo saibao.

Godigo Nogi Ugwaba Sabo Tęąbi Po Wabo Buku Dabe 97:2

Te pǫ dabe me hulia sabogo aga mesegelebo dao, tama agai te we bidi dabe te doloba pai kolesagade tonalubao.

Godigo Nogi Ugwaba Sabo Tęąbi Po Wabo Buku Dabe 77:19

Nage wali te tamu wę tomode bilali. Nago sunumi te genuai tamu ąį tomode elaluali. Tiali goli, dago te nago sągą pasalu me susiąbo dao.

Jopgo Po Asęani Elalubo Buku 26:14

Te Godigo nigilama pedelali nai dabe da, dago sulama konebo dao, te nai dabede agai genuai bomo dabolo dwasianunu naga ola mabo dao. Tama tego dago kolesaga edelebo dao. Ma, God agai bomo sese dabolo ola magi sogo da, teda dago mu konegi menigi da. Mu menio. Dago homu kolesaga agai bomoba usu nainogo ebaso da, usugobeo, te dęą saibao.” Te Jopgo te pogo te Bildatbolo po wei ponai dao.

Efesus 2:7

Agai te sę da dali magi baso yaliwe? Woo, agai da dali dwagi yai homu eyu, da godolo mu ebaso, tama agai Krais Jisas tagala palali, da tau somainogo yai. Agai da olo tau sali, te dago abelegobeo. Tama agai da olo tau sali kolesaga te mu genuai mu tama dao, te we bidi tigidali augwaligo kuna konemainogo, tigidali sogo nosali, te Godigo da Krais dali ma hodolali.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Godigo Nogi Ugwaba Sabo Tęąbi Po Wabo Buku Dabe 40:5

Genuai Bidi, eno God, nago te da tau sabo sę wiegi yai hauwa yali. Te nage tiwai bidi me elalubeo. Nago augwali aiyaba mu elaluali. Eno te bidi dabeba po pusuyu, tama nago sę me homude po weyu da, ya tegobao! Te umabo umabo mu yaibao. Eno nedebaso, usu me egobeo.

Jopgo Po Asęani Elalubo Buku 9:10

Agai haniani bomai sę mu ebo dao. Agai ebo kolesagago dago ebo kolesaga edelai elalubo. Tama dago agai nigali nai dabe nedebo usu egobeo,” wali.

Efesus 3:16

Tama tibaso eno gedu haluasa po e tama wabo dao: “Aya God, nago naga we bidi dali wiegi yai sę yabo homu umabo mu elalubo dao. Tama tiyu, eno homugo nago te Efesus hani we bidi dali dwagi yai sę eyu, tama nago Mobo Bidi agai nago bomo meba selama, tama agai augwalibolo te bomo mao, augwaligo homu bomo ilimainogo, te Mobo Bidigo bomogo augwali dąų mu walomainogo tama tiao,” eno God dali te tobage hanalu wabo po wabo dao.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Bugagia Bidibo Kolesagade Po Asęai Buku 25:3

Dago te kingo homu kolesaga tigidali me koneainu ebaso, usu me egobeo, te dago te mena nai te dagalude elalubo konesiąbo tiwai, me tama mena nai te tamu ąį page dologode elalubo konesiąbo tiwai ebo gilama ebo dao.

Efesus 3:18

Tama tiyu da, te dage me, te Godigo we bidi tigidali me, te dage tigidaligo bomo selama, te Krais agai dage wiegi yai homu eyu godolo mu ebo kolesaga dagego bugagia mu koneaibao. Tama agai tebo kolesaga te genuai mu dao, te bidigo pobesa pabo usu egobeo.

Jopgo Po Asęani Elalubo Buku 37:19

Ma, nage usu yali wida, teda nago dago Godiba wabo po ola mao. Magi baso meni. Dago homu kolesaga kuna konea pisąbaso, tama dago agai po tų ebode wabo po niga mubeo.

Jopgo Po Asęani Elalubo Buku 33:13

Magi baso nago Godibolo po hauwa weyu, e tama wabo da, agai da bidi dabego po wei ponobo meni, magi baso nago te po wabo dawe?

Jopgo Po Asęani Elalubo Buku 15:8

Nage te Godigo te sę dabe yaiba obadi, nage te sogo me nage tede bidai dawe? Nagaduba deli naga dwagi yai kolesaga elalubawe? Tega? Mu menio.

Godigo Nogi Ugwaba Sabo Tęąbi Po Wabo Buku Dabe 139:6

Nago te koneani homu kolesaga te ena daide ugwanu mu elalu, tama eno homu kolesaga te aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 145:3

Genuai Bidigo genuai nogi elalubo, tama dago agai nogi ugwaba mu sidu geao. Agai ugwanu mu elaluyu, tama dago agai genuai nogi tigidali koneainogo ebo te usu me egobeo. Magi baso meni, dago homu kolesaga te habuge dao.

Bugagia Bidibo Kolesagade Po Asęai Buku 25:2

God Genuai Bidi aga homude digi te nai hauwa geme dualaluai. Tama tiyu, dago genuai nogi agaba mayu yali. Tiali goli, kingo te dade geme dualalubo homu kolesaga page hauwa te page hanilainu gegebo sę ebo dao. Tama tiyu, dago genuai nogi agaba mabo dao.

Kolesaga Koneai Bidigo Pusali Po Elalubo Buku 7:24

Te tigidali nai pedalubo page hanilama gegainu ebo sę te genuai mu dao. Dago te digibulu uganu mu elalubo nai, ma te aiyanu mu elalubo nai, te dago sueinu gegebo tiwai ebao. Tialima, dego mu te nai dabe page elalubo gegelama sueibawe?

Kolesaga Koneai Bidigo Pusali Po Elalubo Buku 8:17

Tama eno te Godigo yali sę tigidali sulama, te eno koneai, dago e tǫde pedelali nai dabe page gegainu yali usu isąwani. Te dago sągą dili budulama, te dago gegelama suabo sę dene yali digi, tagalao, dago usu egobeo. Te homu kolesaga konea pali bidi dabego po weyu, augwaligo te nai dabego page konea pali po obaso, te tagalao, augwaligo te mu po me wabeo. Augwaligo me te page koneainu gegebo usu meni ebo dao.

Aisaia 28:29

Te tigidali sę ebo kolesaga Godidu naga asalio. Tigidali Bomo Elalubo Genuai Bidi agaduba deli naga tigidali haniani wiegi yai kolesaga dali, homu kolesaga mu pągąna pai dao.

Aisaia 40:28

Te dagego konebe da, agawe? Te dagego odobe da homu eba, agawe? Genuai Bidi te sesemane bidada pabo God dao, tama agai te e tǫ tigidali badu sese nigai bidi dao. Te mena bidi mego agai homu kolesaga tigidali me konea siligobeo. Agai bomo kimi te meniama, te me sia sogobeo.

1 Korin 2:10

Tiali goli te polobadu geme dualaluali po te Tedali Mobo Bidigo sęde te Godigo dabolo ola mani. Tedali Mobo Bidigo te tigidali nai osola suyu tama koneani. Tama te Godigo homu kolesagade aga geme dualali nosali sę yabo homu, te me te Mobo Bidigo konebo dao.

Esta 2:22

Tama Mordekaigo augwali sigo po odama, tama agai te gavman tuni nigali we Estabolo te po wai. Nosali Estago te king bidibolo te po Mordekaigo te bidi sigo wabo odali po pusai.

Jopgo Po Asęani Elalubo Buku 10:13

Tiali goli, eno koneani, nago ena tonaluali sogo nago kolesaga polo yali ena dolainu.

Jopgo Po Asęani Elalubo Buku 23:14

Tama tiyu yaide, agai homugo enade magi sę me yabo homu ebaso da, agai ebo dao. Ma, agai haniani homu kolesaga me elalubo.