Polgo Po Pas Rom Dabeba Asęani 11:26 - Godigo dwagi yai po buku

²⁶ Tama te kolesagago te Godigo te Israel dabe tigidali ma dobola saibao. Te agai po asęani bukude wali po tiwai gilama yaibao, “Te we bidi ma dobola sabo bidi aga te Saion buludu asaibao. Te agai te Jekopgo bidi hanigo yali Godigo po sela sąbo kolesaga te agai sela sąwaibao.

Polgo Po Pas Rom Dabeba Asęani 11:26 Referans Kwoze

Aisaia 59:20

Genuai Bidigo te po wai, “Ena te dage posolalu, te dage tau sabo God, ena te Jerusalemba aselama, te tigidali we bidi te Jekopgo hani te augwa dwai kolesaga ebo tagalali bage ma sagasaibao.

Godigo Nogi Ugwaba Sabo Tęąbi Po Wabo Buku Dabe 14:7

Eno homugo Genuai Bidigo Saion bulu bidi me deli tagala palama, Israel we bidi ma somainogo te homu ebao. Nosali Genuai Bidigo aga hani bidi tau selama, tama augwali bugagia ma bidimainogo yaibao, tialima, Israel hani augwali homu dwagi yai emainogo. Ao. Te Jekop aga hani bage augwaligo dwagi yai homu mu yaibao.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Godigo Sęba Tagala Palai Bidigo Po 3:26

Tama te sę emai hagede, Godigo aga sę ebo bidi sa munama, dabolo hasia tagala palali. Agai homugo dage tigidaligo dwai kolesaga tagalama, dage bugagia bidaibao,” Pitago te po wai.

Aisaia 45:17

Tiali goli, Genuai Bidigo dage Israel ma selama, te sesemane sogo agai dage ugwaba igulama, ugwa ela holomainu ilaibao. Te dage gasa we bidi hani dabede munu ma hale me isąma, te dage sesemane sogo bugagia bidada peyu, bidada paibao.’ Te Seba tǫ kantri bagego te tobage po waibao,” Genuai Bidigo te po wai.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Matyu 1:21

Te agai te wai ogwa ame naibao, tama nago aga nogi Jisas poao. Magi baso meni, agai te we bidi augwaligo sęgę elalubo sela sąnama tama augwali ma saibao,” te po wali.

Godigo Nogi Ugwaba Sabo Tęąbi Po Wabo Buku Dabe 106:47

God, dena Genuai Bidi, nago da te gasa hani dabego nogode ma sao. Tama nago da te dena tǫba ma odasa asao. Tama tiyu, dago nageba homu kone paliyu, te nage tedali wiegi yai mu da, te homu elama, tama dago nago nogi ugwaba siyu, tama nageba te usu da weyu, te wiegi yai pemene dali mabo dao po wagameo.

Esekiel 39:25

“Ena God Genuai Bidi, eno te po obao, eno te Israel dabe dene polo mawai dao. Tama tialima, eno megi augwali ma homu dene ma yaibao. Tama bidi mego eno genuai nogi aiyaba elalubo usu me egobeo.

Jeremaia 31:1

Genuai Bidigo te tama po wai, “Te eno bodolu muani sogo yagasobode, teda ena te Israel hani tigidali augwa God bidaibao, te augwali eno we bidi hani mu pedelaibao.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.