Polgo Po Pas Rom Dabeba Asęani 1:30 - Godigo dwagi yai po buku

³⁰ Te augwaligo posobo po olama tama hanilama me po pusuyu tama bidi mebago nogi dolali. Augwaligo God dali boi bidi eyu, tama po dagą weyu, tama hagoma elama, tama augwa digi augwa nogi ugwaba sai. Augwaligo dwai gesi noma kolesaga pedalai. Tama augwaligo augwa aya de ida sigo po sela sąyu yai dao.

Polgo Po Pas Rom Dabeba Asęani 1:30 Referans Kwoze

Polgo Si Wali Pas Timotiba Asęani - 2TI 3:2

Te bidi dabe augwa digi te augwa naga godolo elama, tama augwaligo te mone ge godolo mu yaibao. Te augwa digi augwa nogi ugwaba siyu, tama subigila hagoma eyu, tama posobo po waibao. Te meba augwaligo aya idago po sela sąwaibao. Te augwaligo buba hwi po te Godibolo me, te gasa we bidibolo me wagobeo. Augwaligo Godigo kolesaga tudiba muaibao.

Jutgo Asęani Pas 1:16

Te dage tomode bidibo tibo po ola mabo bidi dabe, augwali te tigidali pedalobo naide hagela homu eyu, tama sesemane sogo augwaligo gasa we bidide dwai homu naga ebo dao. Tama augwaligo tigigo ebo kolesaga hodolama, tama augwaligo te kolesaga naga wali pabo dao. Augwaligo genuai po weyu, tama augwa nogi augwaligo ugwaba sabo dao. Te gasa we bidi dabebolo augwaligo po mumubo po weyu, tama te bagego nai dabede pesą elama sabo dao.

2 Pita 2:18

We bidi meba augwali te Godigo po odisąwai bage tomode bidai digi, tama tamadi tama augwaligo te kolesaga ebo tagalali. Tama te we bidi dabebolo te tibo po ola mabo bage augwaligo te genuai po weyu, tama augwaligo te dwai kolesagade te po dwai dabe wabo dao. Augwaligo te homu begelai we bidi te homu hodolobo kolesaga eyu, te penani me te tigigo haniani dwai kolesagago augwali te dwai kolesagaba ma kekebo sę eyu tama augwali te kolesaga wali pabo dao.

Jems 4:16

Tiali goli dagego te tiwai ebo meni. Dagego genuai po dagą olo dali ola biliyu, tama dagego nosali yabo sęde duga digi nogi ugwaba sabo po wabo dao. Te tobage nogi ugwaba sabo po wabo te dwalio.

Jems 3:5

Te tiwai gilama, te da bidigo kele te dago tigide elalubo dwasianu nai dao. Tiali goli te kelego genuai po hauwa wabo dao, tama te wali pogo genuai sę ebo usu dao, te sę meba dwagi yai dao, meba dwai sę dao. Kone palao, te dwasianu sia dabogo te genuai sia mu deyu, tama te bulu tomode elalubo ni dabe tigidali te siago dainogo ebo te dagego konebo dao.

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

2 Tesalonaika 2:4

Tama te bidi mu dwai bidi mu dao. Tǫde we bidi augwaligo haniani naibolo lotu po wabo dao. Tama te bidi agai te nai tigidali dali boi bidi elama, tama te bidi aga God tiwai mu yaibao. Tama te bidi aga digi aga nogi ugwaba mu siyu, te tigidali lotu po wabo nai aiyaba elalu dolama, tama te bidi aga Godigo Moni Lotu Be tempel tomode bidiyu, tama agai po weyu te po waibao, “Ena digi ena God dao,” te bomo yai po sela sąbo bidi agai te po waibao.

2 Korin 10:15

Dago te Godigo mawai dąį bolama, tama te gasa bidi dabe augwaligo yali sęde te dago dena digi dena nogi ugwaba me sabo meni. Te menio. Dago homugo te tiwai bomo ebo dao: te dagego duga homu tigidali Kraisba mubo kolesaga bomo yai pedalobo si, tama dago sę genuai dage tomode pedalomainogo eyu, te dena dage tomode Godigo sę yabo dąį usu nama tama te genuai mu pedalaibao.

Polgo Po Pas Rom Dabeba Asęani 3:27

Tama tibaso, dena digi dena nogi ugwaba sabo tų mena tama elalubawe? Te meni dao. Te tų palia salio. Magi naigo te tų palialiwe? Te Godigo augwali doloba pai we bidi nogi nogi yai hagede augwaligo te bomai po wali pabo kolesagago augwali doloba pai bage ilibo meni. Te menio. Te Kraisde te konealubo po dąų wabo kolesagago naga te we bidi doloba pai we bidi ilibo dao. Tama tibaso, dena nogi ugwaba sabo tų meni dao.

Polgo Po Pas Rom Dabeba Asęani 2:23

Nago naga nogi ugwaba siyu, tama nago te po wai, “Eno Godigo bomai po koneai dao” wai. Tiali goli nago naga digi te bomai po boloyu yali, tama te kolesagago nago te Godigo nogi dolai dao.

Polgo Po Pas Rom Dabeba Asęani 2:17

Dage Rom dabe tomode te bidi dabe meba te Juda dabe da. Te dage Juda dabe deli delibolo eno po obao. Nage da, nago nogi Juda elaluyu tama nago homu te bomai poba tialuyu, tama Godigo nagebolo te bomai po mobaso, tebogo nage te po tųde tau saibao, te homu ebo dao. Naga digi naga nogi ugwaba siyu tama nago te po wabo dao, “Ena Godigo bidi dao,” te wabo dao,

Godigo Sęba Tagala Palai Bidigo Po 5:36

Polobadu te bidi nogi Teudas dią holama, te po wali, ‘Ena genuai bidi mu dao.’ Tama bidi hauwa 400 aga wali pai. Tiali goli, gasa bidigo te bidi elebaso, aga wali pali bidi me badu wi pela silali, te agai sę silali.

Dwagi Yai Gesi Po Lukgo Asęani 21:16

Dagego aya ida me, ama me, deli sibi dabe me, abagi me, augwaligo dage te gavman bidi dabego nogoba muaibao. Augwaligo dage me badu ela muaibao.

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Matyu 15:4

Te Godigo te po wai, ‘Nago naga aya de ida sigo nogi ugwaba siyu, augwali sigo po wali pao’ wali, tama me ‘Te bidigo aga aya de ida si dali dwai po obaso da, teda te bidi aga ela muao,’ Godigo te po si wai.

Esekiel 22:7

Te Jerusalem taunde mena bidi me deligo te aga aya idago po dologoba me pabeo. Te dage dali bidibo gasa tǫ kantri bidi dabeba dagego dwai sę ebao. Te wilawe we dabeba te dagego dwai sę yali, te tiana wai dabeba me te tiwai dwai sę ebo dao.

Kolesaga Koneai Bidigo Pusali Po Elalubo Buku 7:29

Godigo te we bidi dabego sunumi dąį ilali, te augwaligo wali pabo sę dene ebeo. Tialima, augwa digi te tobage homu kolesaga hauwa pedelali, te tama teyu, te augwali bilibo sinabo sę mu ebo dao.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Bugagia Bidibo Kolesagade Po Asęai Buku 25:23

Te posobo po wabogo te bidigo gesabidi tuluga siyu yaibao, te waligo te tulubage sela asobo tiwai ebo dao.

Bugagia Bidibo Kolesagade Po Asęai Buku 8:36

Tiali goli, te ena sisąbo bidi dabe, augwa digi augwa dolaibao. Awe, te ena hagela homu mu ebo bidi dabe augwa isibo sogo godolo ebo dao,” wali.

Godigo Nogi Ugwaba Sabo Tęąbi Po Wabo Buku Dabe 106:39

Te kolesagago augwali te God gedude meda yai pedelalio, tama augwaligo te God tudiba munama, tama augwaligo aga wali me pabeo.

Godigo Nogi Ugwaba Sabo Tęąbi Po Wabo Buku Dabe 99:8

God, dago Genuai Bidi, nago te naga we bidi augwaligo gedu haluasa po odali. Nago augwaliba ola mawai, naga digi nage te God, tama nago te augwaligo sęgę sela sąbo dao, tiali goli, nago te augwa ebo dwai sęde te dene mayu yai dao.

Godigo Nogi Ugwaba Sabo Tęąbi Po Wabo Buku Dabe 97:7

Te tibo god dabeba lotu weyu, te nogi ugwaba sabo we bidi dabe, augwali te hale dwai mu saibao. Genuai Bidigo te tibo god wabo nai tigidali aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 94:4

Nisu naga sogo elaluai dwai sę ebo bidi dabe augwaligo dwai kolesaga ebo dali dwagi yai homu te dwai sę dali yaibawe?

Godigo Nogi Ugwaba Sabo Tęąbi Po Wabo Buku Dabe 81:15

Te ena wei homu isiąbo we bidi augwali, teda augwali wi mu dwai elama, tama enaba kidu sugunagasaibao. Tama eno augwaliba te sesemane sogo dene magi dao.

Godigo Nogi Ugwaba Sabo Tęąbi Po Wabo Buku Dabe 52:1

Nage te bomai bidi, te magi baso nago te genuai po dągą weyu, tama nago te Godigo we bidi augwaliba dwai kolesaga elama, tama tede nago odolali te wiegi yai homu pemene ebo dawe? Te sesemane sogo Godigo te olo tau sabo wiegi yai kolesaga augwaliba ebo dao.

Tuni Bidi Dabego Po Elalubo Buku Si 25:19

Jehoas agai te po begelama wali, tama agai Amasiabolo po wadolama weyu te po wali, “Eno koneani, nago te Idom dabe dali hwįnama tama nago augwali aiyaba elaluali. Tama tialima nage wiegi yai homu pemene elama, tama nage tobolu gagea pelama, tama naga nogi genina ugwaba mu te sabao. Tiali goli megi da, nage naga bulude bugagia bidao. Te da dali hwįainu ebo tagalao. Tiyu, nage dolabuo, tama nago Juda dabe me dolomainu ilabuo,” Jehoasgo te po ola tolali.

Tuni Bidi Dabego Po Elalubo Buku Si 19:2

Tama asidubadi te sogo profet Jehu te Hananigo ogwago te Jehosafat tiąba pelama, e tama po walali. “Nago homugo te dwai bidi dabe tau siyu, tama Genuai Bidi godolo isąma ebo bidi dali kisabo, te usu da, agawe? Nago te tama kolesaga yaligo da, Genuai Bidigo nage dali sębę homu yalio.

Te Israel me Juda Hani Sigo Tuni Bidigo Po Elalubo Buku Deli 20:11

Tialima, Ahapgo te bidi dabeba te po ma wai, “Dage pelama, Benhadatba te tama po wagi pao. Ami bidi mugo, agai te genuai po dagą me pemene ebo te bainat hwą aga bede bulalubo sogo me tegobeo. Menio. Agai te boi bidi dali hasia bolo hwįnama, te aiyaba elalubaso, te nosali naga aga pemene ebo usu dao,” Ahapgo te po ola tolali.

Bomai Po 27:16

“Te Livai dabego ma weyu, tama wao, ‘Tialima, te bidi mego aga ida ayago nogi dolai baso da, teda Godigo te bidi dolomainao.’ Tama te we bidi sesego te po waibao, ‘Mu tama dao. Godigo te tama timainao.’”

Bomai Po 7:10

Tiali goli, we bidigo aga godolo isąma yali we bidi, agai polo tama dene dolo mu mawaibao.

Israel Hanigo Namba 10:35

Augwaligo te kontrak halobage tolasa pabo sogo, te Mosesgo te po wabo dao, “Genuai Bidi, nage polasa pelama, nago boi bidi dabe dali hwįnama, augwali sela sągi pao. Tama te bidi dabego nage godolo ebo tagalai bage, augwali wi peyu emainao.”

Dwagi Yai Gesi Po Jongo Asęani 7:7

“Tǫde we bidi augwaligo dage dali sębę elama, boi bidi me ebo menio. Tialima, augwaligo ena dali sębę elama, boi bidi mu ebo dao. Magi basowe? Eno augwaligo ebo dwai kolesaga bolo eno augwali dali po wabo dao.

Godigo Nogi Ugwaba Sabo Tęąbi Po Wabo Buku Dabe 10:3

Te dwai sę ebo bidigo te aga ebo dwai homu kolesagade hagoma homu eyu ebo dao. Tama te hauwa nai wei eyu, pesa ebo bidigo agai te Godiba dwai po weyu, tama aga tudiba mudu gebo dao.

Godigo Nogi Ugwaba Sabo Tęąbi Po Wabo Buku Dabe 5:5

Nago gedude te hagoma ebo bidi dabe te dolalumainu me egobeo. Tama te dwai kolesaga ebo bidi dabe te nago godolo homu mu me isiąwaibao.

Bugagia Bidibo Kolesagade Po Asęai Buku 24:8

Te bidigo te sesemane sogo dwai kolesaga yabo homu ebo bidi yai baso da, teda augwaligo aga te tibo kolesaga ebo bidi nogi poaibao.

2 Korin 12:20

Eno e homu ebao: ena dageba asama, tama dagego ebo kolesaga sulama te eno suainogo homu yali tiwai we bidi me bidibo sugobe homu yaibao, dagego gasagi yai kolesaga ebo eno sueibao. Tama tiyu, eno te dagego ebo kolesaga subaso, tama eno dage dali dodolobo sę ebo tede dagego hagela homu yaibao. Polobadu eno dage dali sę hauwa yali, tiali goli megi ena wi dwasianu eyu homu si dagede ebao. Eno homu ena dageba asama, tama eno dage tomode duga hasi e tiwai haniani dwai kolesaga ebo eno sueibao: konila po wabo me, te amabolo aga elalubo naide dwai homu ebo me, tama sębę elama wado po wabo me, tama nai yogo kolesaga ebo me, dwai nogi posobo po wabo me, bidi geme posobo po wabo me, te hagoma ebo me, te Godigo po odobo we bidi hani pedaloyu dolobo kolesaga me, te tobage dwai kolesaga ebo eno dage tomode te sueibao, eno te homu ebao.

Esekiel 14:5

“Te Israel dabe augwaligo eno homu kolesaga mu konebo si da, augwaligo te tibo god dabeba homu konebo homu ebo tagalama, te augwaligo ena deliba naga homu konealuaibao. Augwaligo tama timainu eno megi e po obao.”