Polgo Po Pas Rom Dabeba Asęani 1:28 - Godigo dwagi yai po buku

²⁸ Augwaligo te God augwa homude dąų ola sabo hagela homu yaligo da, teda Godigo augwali te augwa dwai kolesaga page tolalubo bidigo kolesaga wali pomainogo sula tagalalio. Tama tibaso, augwaligo te bidigo isąwai doloba pisąwai haniani kolesaga yai.

Polgo Po Pas Rom Dabeba Asęani 1:28 Referans Kwoze

Polgo Po Pas Rom Dabeba Asęani 1:21

Magi baso meni, augwaligo God koneali goli augwaligo aga te God mu da te homu me isąyu, tama augwaligo aga nogi ugwaba me sabeo. Tama augwaligo gedu haluasa po weyu agaba puba hwi me wabeo. Menio. Te augwaligo augwa homu kolesaga te olo naiba muani, te augwaligo God gegeda peyu, tama augwaligo homu te be hulia sabo tiwai pedalai.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

Jeremaia 9:6

Te we bidi nage augwali tomode bidibo bage, augwaligo te gasa bidi aiyaba elalubo sę bomo eyu, te tobage tibo po wabo kolesaga eyu ebao. Tama augwa te ena Genuai Bidiba homu kęą pabeo,” Genuai Bidigo digi te po wali.

Polgo Po Pas Rom Dabeba Asęani 1:24

Tama tibaso Godigo augwali tagalali. Augwa dwai kolesagago digi augwa te dwai meda yai kolesagaba kegeyu, tama augwa digi augwa tigi doloyu yainogo ebaso, agai augwali tagalali.

Polgo Si Wali Pas Timotiba Asęani - 2TI 3:8

Polobadu Janes de Jambres te bidi sigo Moses dali boi bidi yali, tama tiwai yali gilama te megi elalubo bidi dabe augwaligo me te Godigo mu po dali boi bidi ebo dao. Te augwaligo homu kolesaga te dolalio, tama augwaligo Kraisde konealubo po dąų wali te tibo naga ebaso, Godigo augwali buluba sąwai dao.

Jeremaia 6:30

Augwali te dwai tagalabo silva tiwai naga elaluali, magi baso meni, nage Genuai Bidigo, nago augwali tudiba muai dao,” eno te po wali.

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Bugagia Bidibo Kolesagade Po Asęai Buku 1:29

Dagego te wiegi yai homu kolesaga sabo homu te wei me isiąma, tama dagego te Genuai Bidi dologode bidabo homu me ebeo.

Bugagia Bidibo Kolesagade Po Asęai Buku 1:22

“Dage te homu kolesaga meni yani hani, dage te tiwai sesemane bidabo homu eba, agawe? Dage te wabo pabo bidi dabe tiwai ebao. Dagego te wiegi yai kolesaga sabo homu wei me isiąma, tama dagego tede posobo po wabo dao. Mena sogo dagego te kolesaga ebo tagalaibawe?

Bugagia Bidibo Kolesagade Po Asęai Buku 1:7

Te God Genuai Bidide wi eyu, aga dologode bidibo bidi, agai te dwagi yai homu kolesaga page konebo gagalai dao. Me ma, te wiegi yai homu kolesaga elalusiąbo bidi dabe augwaligo te kolesaga konebo skul olama, te wiegi yai kolesaga sabo te hagela homu mu ebo dao.

1 Korin 15:34

Dagego te wabo pabo kolesaga tagalama tama dolo homu kolesaga yao. Dagego dwai sę ebo tagaliąo. Dagego odao. Dage tomode meba augwaligo te Godigo te isai we bidi ma hodalugobe po wabo bage, augwaligo God kuna konebeo. Te dage hale ilainogo eyu eno te po dagebolo obao.

Polgo Po Pas Rom Dabeba Asęani 1:18

Te Godigo sębę ebo te aga bidibo madidu hania pedalalio. Agai te God tudiba muyu, te dwai kolesaga eyu bidibo bidi dabe dali sębę ebo dao. Te tobage dwai sę ebo bage augwaligo te dwai kolesagago te mu pogo sę idali weyu te mu po hogwa sabo dao.

Jeremaia 4:22

Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.

Efesus 5:4

Dagego dwai meda yai po me, te homu kolesaga meni yai bagego wabo po me, te dwai gagali po wabo me, te po dabe dagego wagio. Te tebo kolesaga usu egobeo. Menio. God agai dage tau sobaso, tama dagego agabolo usu da wabo po weyu da, teda te po usu dao, te tobage po wao.

Polgo Po Pas Rom Dabeba Asęani 1:26

Augwaligo aga tagalobaso, Godigo augwali te dwai meda kolesagaba tagalama bidai. Augwa we dabe augwaligo te bidigo augwali sabo te dolo kolesaga augwaligo te tagalama, tama te we dabe augwa hasi te wego isiąbo dwai meda yai kolesaga wali pai dao.

Bugagia Bidibo Kolesagade Po Asęai Buku 17:16

Te wiegi yai homu kolesaga elalusiąbo bidi, te agai tobolu te dąų ola sigi pelama, tama agai te kolesaga me konegobeo. Tama tialima, magi baso agai te skul fi mone sela asaliwe?

2 Pita 3:5

Tama tiyu, augwaligo homugo te Godigo polobadu yali sę konebo hagela homu yai dao. Te polobadu mu Godigo po obaso te dagalu pedalama elaluai, tama tǫ te wę tomodu pedalama, tama te wę tomode te tǫ elaluai dao.

Filemon 1:8

Te nago te we bidi tau sabo sę ebaso, eno te homu elalubo dao: Te Kraisgo nogi te bomode eno te po bomo elama, nagebolo weyu te nage wiegi yai doloba pai kolesaga me yainogo wagi sogo da, tama tiyu eno po nago wali pigi dao.

2 Korin 10:5

Dago augwaligo da dali konila po wabo page pedeyu, tama augwaligo wabo po aiyaba mu elalubo dao. Tama tigidali kolesaga ugwadu mu dolaluyu tama te God koneainogo homu ebo bidi dabego tų palialubo, te me dago hųgibo dao. Tama da tigidali bidigo homu kolesaga dago kalabus ilama, te Kraisgo homu kolesaga wali pomainogo ebo dao.

Godigo Sęba Tagala Palai Bidigo Po 17:32

Te sogo Pol agai bidi me deli gų pagede ma hodaluali po pusubo da, bidi me badu augwaligo te po gisugu mani. Tiali goli bidi me badu augwaligo agabolo te po wali, “Dago homugo nago te po dabolo ma pusa mao,” wali.

Godigo Sęba Tagala Palai Bidigo Po 17:23

Tama ena e be nani tomode bilibadi, eno te dagego umabo godibolo lotu wabo pesage dabe suali. Tama eno dagego te god me delibolo hasa dabe ula mabo pesage me deli sualio. Dagego te hasa dabe ula mabo pesage masigide te po asęani, ‘Te nai dago konesiąwai godigo nai dao.’ Tialima, dagego konesiąwai god, dagego te godibolo lotu po wabo da. Tiali goli, te god de dawe te dagego konebeo. Te god eno megi dagebolo e po pusa mabogo aga dagebolo waselaibao,” wali.

Tigidali Nai Gagalama Nigali Side 6:5

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

2 Samuel 22:27

Te bidi me deligo te wiegi yai kolesaga wali peyu da, teda nago agaba te nago wiegi yai kolesaga ola mobao. Tiali goli, bidigo te dwai kolesaga wali pobaso da, teda nago agaba dwai kolesaga wei ponaibao.

Godigo Nogi Ugwaba Sabo Tęąbi Po Wabo Buku Dabe 69:27

Nago te dwai sę ebo bidi dabego dwai sęde te homu kone ebo me gegeda paligio. Tama nago te naga hani tomoba asomainu me igio.

Esekiel 20:25

“Tama me, eno gasa tobage po me te dwai bomai po meba augwaliba mani, te bomai pogo augwali tau selama, bugagia me bidigobeo wali.

Esekiel 14:5

“Te Israel dabe augwaligo eno homu kolesaga mu konebo si da, augwaligo te tibo god dabeba homu konebo homu ebo tagalama, te augwaligo ena deliba naga homu konealuaibao. Augwaligo tama timainu eno megi e po obao.”