Polgo Po Pas Rom Dabeba Asęani 1:27 - Godigo dwagi yai po buku

²⁷ Tama bidi dabego me augwaligo te we sabo dolo kolesaga ebo te tagalama, tama augwaligo homu te sia dabo tiwai eyu, tama augwaligo dwai meda yai kolesaga te augwa ama hasi dabe dali yainogo yai. Te bidi dabe augwaligo te bidi aga hasi isiąbo hale ebo kolesaga te gasa bidi dabe dali yai. Tama te we bidi dabe augwa digi augwa te tobage dwai dwai sę yali kolesaga usu nama wei ponoyu, te augwali dwai dene mu sai dao.

Polgo Po Pas Rom Dabeba Asęani 1:27 Referans Kwoze

Pris Sę Ebo Bomai Po 20:13

Te bidi mego gasa bidi me penani ebaso, augwali sigo dwai sę genuai mu yalio. Tialima, dagego augwali si ela muao. Augwa si yali sę dagede naga augwa si isibao.

Pris Sę Ebo Bomai Po 18:22

“Te bidi duga hasigo te gasa bidi tągio. Te dwai kolesaga mu ebao, te eno homude godolo me egobeo.

1 Korin 6:9

Te dwai kolesaga ebo bidi dabe, augwali te augwali Godigo te we bidi tonalubo bomo tomoba me pogobeo. Te dagego konebewe? Tiyu dagego te duga homuba digi tibo po ola maiabuo. Te penani sę kolesaga ebo bidi dabe me, tama te tibo god wali pabo bidi dabe me, te we sabo kolesaga dolobo bidi dabe badi, tama te we dali ebo kolesaga tiwai eyu godolo ebo bidi dabe me, tama te hale ebo kolesaga te gasa bidi dabe dali ebo bidi dabe me,

Jutgo Asęani Pas 1:7

Te polobadu elaluali moni hanu si me, te nogi Sodom dali, Gomora dali, te hanu side pedalali dwai sęgę dagego ma konea palao. Tede bidali bage me, te hanu si pąde elaluali dwasianu bulude bidali bage me, augwali tigidaligo te ensel mobo bidi mebago yali dwai dwai penani ebo sę tiwai yali. Augwali penani sęde bidaluali, tama augwaligo homu hodaloama, tama augwali te sę bomo elama eyu pobeasa pali. Tama tibaso, Godigo augwali te moni sia te dagaludu tagala palali, tama augwali te siago ela silai. Tama dago augwalide te yali sę sulama, tama dago koneai dao, te tobage dwai dwai sę dago ilamuo, da te dene sidali weyu.