Polgo Po Pas Rom Dabeba Asęani 1:20 - Godigo dwagi yai po buku

²⁰ E tiwai dao: polobadu mu Godigo tigidali nai nigali, tama te sogo gagalama megi e sogoba usu nagasali, tama te bidi dabe augwaligo agai nigali nai dabe suali. Tama augwaligo tede te Godigo kolesaga meba koneani, te bidi dabego gedugo susiąbo kolesaga te augwaligo koneagameo. Te aga gasagi yai tedali mu da, aga God dao, te augwaligo hania koneagameo. Tama agai genuai bomo te sesemane sogo bidada pabo bomo dao, silisiąbo bomo mu dao, te me augwaligo agade koneagameo. Tama tibaso, te bidi dabe augwa dwai sę ebo kolesaga te geme dualiyu tama augwaligo te po wei ponabo tų menio, “Dago te God konebeo,” te po me wagobeo.

Polgo Po Pas Rom Dabeba Asęani 1:20 Referans Kwoze

Polgo Po Pas Rom Dabeba Asęani 1:19

Augwaligo te mu po page konebo tų elaluali, tiali goli augwaligo te tų wali pisiąbaso, Godigo augwali dali sębę ebo dao. Magi baso meni, te tigidali Godigo kolesaga te geme me dualalubeo. Te augwaliba hania hanilani, God aga digi augwalibolo ola mawai dao.

Aisaia 40:26

Dagego te dagaluba ugwa tonama, te ugwade elalubo hǫ dabe suiąo. Dego augwali nigai dawe? Te Genuai Bidigo naga nigali. Te nai dabe te Genuai Bidigo ami hani tiwai elalubao. Agai augwaligo namba koneani, te agai augwali deli deli nogi koneama, tama agai augwali nogi nogi yaibao. Agai tigidali bomo mu elalubo, tama tibaso, te nai dabe te augwalide me deli me hagagobeo.

Godigo Nogi Ugwaba Sabo Tęąbi Po Wabo Buku Dabe 8:3

Te eno nago nogogo nigali dagalu subo sogo, tama eno te poluaba me, te tigidali hǫ te nago ugwade muani tonono ebo sogo,

Polgo Po Pas Rom Dabeba Asęani 2:15

Augwa tama kolesaga ebode, te bomai pogo page te Godigo augwaligo homude asęani te hania mu pedalai. Tama te homude elalubo bomai pogo augwaligo ebo kolesaga osola subo dao. Tama me sogo augwa homugo augwa yali sęde po tų iliyu ebo, tama me sogo augwaligo yali kolesagade te augwa homugo te kolesaga usu da homu ebo dao.

Dwagi Yai Gesi Po Jongo Asęani 1:18

Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

Dwagi Yai Gesi Po Jongo Asęani 15:22

Tama ena aselama, eno augwalibolo te dwai sęde po wasiąwai tigi sogo da, te augwali sęgę menigi dao. Tialima, eno augwalibolo te po waligo da, megi augwaligo sęgę dualabo tų elalubo menio.

2 Timoti 1:17

Tama tibaso, eno agai ena dali yali sęde homugo kone paluyu, tama aga genuai nogi me aga wiegi yai ula yai bomo me te si ugwaba muyu, tama eno e po obao: “Aga te Tuni Bidi tigidali sogo bidibao. Aga me isibo meni, gamonaibao. Tama bidigo aga me subo menio. Agaduba deli naga te God mu dao. Genuai nogi me bomo me te agade sesemane sogo mu bidada peyu, bidada pomainao. Mu dao,” eno te po obao.

Kolosi 2:9

Magi baso meni. God aga digi sese mu te Kraisgo tigi tomode bidibo dao, tama Krais aga tiwai mu bidibo dao.

Godigo Nogi Ugwaba Sabo Tęąbi Po Wabo Buku Dabe 139:13

Nago eno tigi pedai tigidali badu nigali. Nago ena tigidali te idago haliga tomode nigai dao.

Godigo Nogi Ugwaba Sabo Tęąbi Po Wabo Buku Dabe 119:90

Nago sesemane sogo naga wali po wali pidu bidibao. Nago e tǫ naga gesabidi badu munama elalubao, tama elalubo tiwai tama elalu, te ibaba me kila sesa me pabeo.

Godigo Nogi Ugwaba Sabo Tęąbi Po Wabo Buku Dabe 104:5

Nago te tǫ aga bulude munama elalubao, tama tǫgo bomo mu elalubo dao. Aga memenege me egobe. Menio.

Hibru 9:14

Te tama tialigo da, te Kraisgo kanemego digi ofa ebogo te genuai bomo mu elalubao, te hasia ofa yali sę aiyaba mu elaluai. Te Kraisde dwai sę deli agade me elalubeo. Mu menio. Tama te sesemane sogo bidada pabo Mobo Bidigo bomogo, aga digi te aga wiegi yai bidibo ula te Godibolo ofa tiwai elama mawai. Tama agai kanemego dago tigi naga me penebeo. Menio. Te dago yali dwai sę sela sąsiąbo polobadu ofa mabo kolesaga tagalama, tama agai dago homu me penaibao. Tama dago te bidibo ula mabo Godigo sę tulama emainogo agai tama yai dao.

Polgo Po Pas Rom Dabeba Asęani 2:1

Te Godigo te tobage dwai dwai kolesaga ebo we bidi dabe dali sębę ebo dao. Tama agai te sębę ebo homu haninanigo da, teda dage tigidali bidi dabego gasa bagebolo po ela palobo da, eno dage deli delibolo e po obao, nago te naga yali dwai sę te geme dualobo usu me egobeo. Nago po wei ponainogo yali usu egobeo. Odao, nago gasa bidi dali naga po weyu yali, tama tebo kolesagago nago po nagaba digi te po obao. Magi baso meni, nago gasa bidi agabolo naga “Nago dwai kolesaga yai,” po wai, tiali goli naga digi nago me te tobage dwai kolesaga ebo dao.

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Kolosi 1:15

God aga te dago susiąbo bidi goli, Krais te God tiwai mu bidiyu tama bidigo gedugo suali bidi bidai. Aga Godigo hasia ogwa dao, te tigidali nigali naigo nogi agai nogigo aiyaba elalubo dao.

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Aisaia 26:4

Tigidali sogo Genuai Bidi dago bomai duala sabo pesage dao, te moni dobo masigi tiwai dao. Tama aga tigidali sogo tama bidada peyu, bididuaibao. Tama tibaso, dago agade homu dąų mu olama, tama aga dologode tigidali sogo bidinao.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Godigo Nogi Ugwaba Sabo Tęąbi Po Wabo Buku Dabe 104:31

Eno homugo Genuai Bidigo genuai nogi dali, ula dali, sesemane sogo bidada peyu, bidada pao. Tama Genuai Bidigo aga nigali nai tigidali dali dwagi yai homu yagameo.

2 Timoti 6:16

Agaduba deli naga te munu me isisąbo ula page elalubo bidi dao. Aga te genuai nanobo ula tomode mu bidibo, tama da aga pąba pabo te usu me egobeo. Te bidi me deligo aga munu me sube, tama aga me subo usu egobeo. Genuai nogi mu me, bomo me te agade sesemane sogo bidada peyu, bidada paibao. Mu dao.

Polgo Po Pas Rom Dabeba Asęani 16:26

tiali goli megi Godigo te po hania hanilai dao. Godigo po pusali bidi profet dabego te geme dualali po polobadu asęani. Tama megi te sesemane sogo bidibo Godigo agai te augwalibolo te po pusao po olama, tama agai po sela pabo bidi dabe augwaligo te tigidali tǫde bidibo we bidibolo pusugi peyu, tama augwalibolo hania ola mabo sę megi ebo dao, te tigidali we bidi agaba konealubo po dąų olama tama agai kolesaga wali pomainogo ebao.

Godigo Sęba Tagala Palai Bidigo Po 17:29

Tama da bidibo Godigo wai dabe bidibao. Tama tibaso, dago te homu egio, te God masigi tiwai dao, te bunuwaligo nigai piksa tiwai God da, olamuo. Dago te homu ilamuo, ‘God da dago nogogo nigai dao,’ te homu egio.

Godigo Nogi Ugwaba Sabo Tęąbi Po Wabo Buku Dabe 90:2

Te sesemane bidada peyu, bidada pabo sogo, nage te God bidibao, te polobadu me bidali, nosali me bidaibao. Tigidali bulu du pedalisąbadi, tama nago te tǫde nai tigidali nigisąbadi, tiali goli, nage God bidai dao.

Bomai Po 33:27

God Tigidali Sogo Bida Bida Pabo God dao, aga te dago duala sabo pesage dao. Tigidali sogo da aga nogogo tolaluyu, tama agai da me tagalobo menio. Dage te duga tǫ dabe sigi pabo sogo da, agai te boi bidi dabe sela sąwaibao. Tama dagebolo augwali sese elama, isila sila po walaibao.

Hibru 11:27

Te bidi Mosesgo konealubo po Godiba dąų olama tama agade tią piduali baso, agai te tuni bidigo sębę homu ebode te aga wi me ebeo. Meni. Aga hogodolama tama Isip tǫ taga soali. Te e tǫde bidigo God gedugo me susiąbo digi, tiali goli Mosesgo te God subo tiwai yali, tama tiyu aga bomo elama geasa ma pabeo.

Matyu 5:45

Tama tiyu da, dage te duga Aya dagalude bidibo bidigo wai puluba mu bidaibao. Agai te tobage dwagi yai sę naga eyu, tama agai sia nanobo te dwai sę ebo bidi dabeba me te dwagi yai sę ebo bidi dabeba dali si te sia nanobo ula ilibo dao. Tama te tulubage tulubo me te doloba pai bidi dabeba me, te doloba pesiąwai bidi dabeba me te tulubage tuluyu ilibo dao.

Tigidali Nai Gagalama Nigali Side 21:33

Tama Abrahamgo te Bersebade te polo isisąbo ni me deli bulama, tama agai Yawego nogi weyu, gedu haluasa po wai, te aga sesemane sogo bidada peyu, bidada pabo God dao.

Godigo Sęba Tagala Palai Bidigo Po 22:1

Te bidi Pol agai augwalibolo te po wali, “Eno ama dedeo, eno aya dedeo, eno wabo po dagego koneao, eno dwai kolesaga yali menio, dagego bugagia odao.”

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Jopgo Po Asęani Elalubo Buku 12:7

“Dage pelama, te bulu hasa dabe, ba dabe, sųgų dabebolo hanalugi pao. Tama augwaligo dage ola mawaibao. Ma, dagego wei ebaso da, teda dagego tǫbolo me hanalu wao, tama agai God kolesaga dagebolo ola mawaibao.

Jeremaia 51:15

Te aga bomogo digi Genuai Bidigo te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Dwagi Yai Gesi Po Makgo Asęani 10:6

Tiali goli polobadu mu, hasia bolo te Godigo tigidali nai nigali sogo, agai te bidi me we augwali si nigai dao.

1 Korin 1:20

Tama Godigo te po polobadu obaso, te tǫde koneai bidi dabe augwali magi yaibawe? Te buku hauwa elalubo po page konebo bage, augwali me magi yaibawe? Ma, te gasa bidigo homu bega sabo po bugagia wabo bage, augwali me mena sę me elalubawe? Menio. Godigo dabolo hanilama hania ola mawai dao, te e tǫde elalubo wiegi yai homu kolesaga te olo nai tiwai dao, te homu kolesaga meni yai bidigo olo po naga dao.