Kraisgo Geme Dualali Sę Pedelabo Po Jonbolo Ola Mani 9:8 - Godigo dwagi yai po buku

⁸ Tama augwaligo tobolu nisi bobobage, te we dabego tobolu nisi tiwai. Tama augwaligo kele te moni hudigi ebo kibu laiongo nai gąų kelebo genuai kele tiwai elaluai.

Kraisgo Geme Dualali Sę Pedelabo Po Jonbolo Ola Mani 9:8 Referans Kwoze

Joel 1:6

Genuai kuli mano hani te genuai ami hani me deli tiwai yali, te dago tǫ kantri tigidali mu halua sigulali. Augwali bomai mu, te hauwa umabo, te nedabo usu egobeo. Te augwaligo kele te laiongo kele tiwai te mu poa pai dao.

1 Pita 3:3

Tama dage we dabe sibi, dagego duga tigide bulu badu eda badu au ebo sę tede te moni homu egimio. Tama tiyu, duga tobolu nisi dali haniani sę eyu au egio. Te wiegi yai kapa nogi gol tego nigali tigi au yabo nai dali, te wiegi yai bobobage ugwa dabe dali, te tobage naigo duga tigi au eyu tama gasa we bidigo suyu, dage wiegi yai au yai we dao te po omainogo munamuo. Te meni.

2 Timoti 2:9

Eno homugo te we dabe sibigo me augwa gudubo ugwade homugo bugagia kone paliyu, augwa nogi ugwaba sabo kolesaga te ugwade elamuo, te bidigo homu hodolobo sę me elamuo. Augwaligo te tobolu nisi me te tigi me te haniani bis dabego badi, te wiegi yai kapa golgo me te moni masigigo sabo ugwago me, te augwa tigi dali tobolu nisi me au ilama elamuo.

Aisaia 3:24

Tama te sogo te Jerusalem we dabego polobadu auwali tiai me egobeo. Te augwaligo sanda wel meniama, tama augwaligo tigi kugumini dwai mu yaibao. Te augwaligo sawi yai ugwa me, ugwa name me augwaligo kukulu gudabo ugwa name menia saibao. Tama tibaso, augwali dwai ugwa dabe gudama, tama dwai bonogo augwaligo ugwa dąų walaibao, te bono te kukulu gudubo ąǫ yaibao. Te augwaligo augwa tobolu au me iligobeo. Magi baso meni. Te boi bidi dabego augwaligo tobolu nisi sese poala sąnama, tama augwaligo tobolu wane yaibao. Tama me augwaligo sawi gesabidide da, te boi bidi dabego kalabus bagego magi augwaligo gesabidide togaibao.

Godigo Nogi Ugwaba Sabo Tęąbi Po Wabo Buku Dabe 57:4

Te dwai hasa laion tiwai bidi dabe augwaligo ena bobegelali, tama augwaligo te we bidi dabe tuainu sisi yali. Te augwaligo kele te ene me sesemone poa pai mu tiwai elaluali. Te augwaligo hamena te bainat hwą poa pai mu tiwai elaluai dao.

Te Israel me Juda Hani Sigo Tuni Bidigo Po Elalubo Buku Si 9:30

Tama te Jehu aga hani dali augwaligo te king Ahasia pobeasa pelama, tagaligi pai, tama augwali ma te Jesril hanu tųdu ma begasa asai. Tama te kwin we Jesebel te bulu pedai badu bidibo da, tama agai po odali, e tama po wai, Joram isai dao wali. Tama tialima, te kwin we Jesebel aga te gedude me, te aga tobolude me au yai, tama tilama, te kingo sigi be te dwasianu windo tųde dolaluyu, te tųba aiyaba tonaluai.

Polgo Po Pas Rom Dabeba Asęani 9:29

Tama polobadu Aisaiago te po olama po wai tiwai. Agai te po wai, “Te tigidali bomo elalubo Genuai Bidi agai te dago dwasianu hani bidimainogo egi menigi sogo da, teda da mu doloyu, te bulu si nogi Sodom dali Gomora dali si tiwai pedalama, tama da mu dolai bidigi dao.” Aisaiago te po asęani.