Kraisgo Geme Dualali Sę Pedelabo Po Jonbolo Ola Mani 9:7 - Godigo dwagi yai po buku

⁷ Tama eno suali, te kuli mano augwaligo hwįainogo sisi elalubo te hwįbo bidigo duabo kibu hosgo ebo tiwai gilama tigi palibo nai elaluali. Augwaligo tobolude te kapa nogi gol tego nigai wiegi yai madi tiwai nai elaluai, te tuni bidigo tobolu madi tiwai. Tama augwaligo gesabidi te bidi gesabidi tiwai dao.

Kraisgo Geme Dualali Sę Pedelabo Po Jonbolo Ola Mani 9:7 Referans Kwoze

Daniel 7:8

Eno te gąų dabede homu kone paluyu ebadi, gedu dolo mu ponama, te nogo si gąųba tonalubadi, tama eno te dwasianu gąų me deli te augwali tomode pedalubo suali. Te gesi pedelali gąųgo te polasa elaluali gąų sela guda sąwai. Tama te gesi gąų te komgo te bidi gedu ge dali, pedauwali dali, si elaluai. Tama aga hagoma eyu, te aga digi aga nogi ugwaba sabo po wabo eno odalio.

Nahum 3:17

Te dagego tobolu bidi dabe deliba sisiniyu, te genuai hani kuli mano tiwai te kedau ebo sogo te masigigo nigai obo banisde te kuli mano dabe sisinibo tiwai yali. Tiali goli te giliga nanobo sogo te augwali bola peyu, te augwali menaba paliwe te bidi me deligo me konegobeo.

Daniel 7:4

Hasia pedelali te laion yowi tiwai, tama te genuai ba kemodagego bogo tiwai elaluali. Eno tonono ebadi, tama eno suali, augwaligo aga bogo sela sąnama, tama augwaligo aga te bidi yaligia sągą sigo dodolobo suali. Tama augwa te bidigo homu kolesaga tiwai agaba mawai.

Kraisgo Geme Dualali Sę Pedelabo Po Jonbolo Ola Mani 6:2

Tama eno ma tonono bilibadi, tama eno te tedela yai kibu hos asobo suali, tama te kibude duayali bidigo enesigi tolaluai. Tama augwaligo te bidi agabolo te wąbi hwįbo bomo aiyaba elalubo bidibolo mabo te tiwai madi augwaligo agabolo menama, tama aga sęba tagala palai. Tama te bidi aga pelama, te wąbi hwįbo bomo aiyaba elaluabo sę egi peyu, tama tiyu agai te wąbi hwįbo bomo aiyaba elaluabo bomo hauwa elalubao.

Kraisgo Geme Dualali Sę Pedelabo Po Jonbolo Ola Mani 9:3

Tama te kuli mano tiwai nai dabe umabo augwali te hano ebo tagaliyu, tama augwali e tǫba dulai. Tama augwaligo bomo te nai hwą, te bidi gąų kelebo nai hwągo bomo tiwai sali.