Kraisgo Geme Dualali Sę Pedelabo Po Jonbolo Ola Mani 9:6 - Godigo dwagi yai po buku

⁶ Te tama tebo sogo, polua a naga sogo, te bidi dabe augwali te isabo tų gegebo sę ebadi, tiali goli augwaligo sugobeo. Awe, te augwaligo homugo te isabo homu godolo yai, tiali goli te isibo augwali suyu wi paibao.

Kraisgo Geme Dualali Sę Pedelabo Po Jonbolo Ola Mani 9:6 Referans Kwoze

Jeremaia 8:3

Te dwai we bidide te Juda hani dwasianu bage naga elaluali, tama te tǫba kantri dabeba ela gudulaibao. Tama te Juda dabego augwa bidabo wiegi yai ula te godolo homu me egobeo. Te augwali isabo homu naga yaibao. Ena Tigidali Bomo Elalubo Genuai Bidi, eno te po wai dao,” wali.

Dwagi Yai Gesi Po Lukgo Asęani 23:30

Tama tebo sogo da, augwaligo te bulu dubolo te po waibao, ‘Te bulu du, dage daba degasa dulao.’ Tama te dwasianu bulu dubolo me te po waibao, ‘Dagego da mesega sao,’ te po waibao.

Kraisgo Geme Dualali Sę Pedelabo Po Jonbolo Ola Mani 6:16

Tama augwaligo te bulu du dali masigi dabe sibolo i weyu te po wai, “Dagego da mesega sigulao, te genuai tuni bidi duabo naide dulalubo bidigo da suidali weyu, tama te kibu sipsip waigo sębę elalubo te aga gesabidide da duala saio, agai da suidali.

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Hosea 10:8

Te Israel dabego te tibo godiba lotu weyu, te bulu du ugwadu bagede te lotu wabo pesage elaluali, tama Godigo te pesage dabe dolaibao. Tama nosai me te sesane yai bono dabe pedelama, te alta dabe mesegelaibao. Tama te sogo te boi bidi dabede geme duala sainu yali we bidi dabe, tama augwaligo te bulu du dabeba hanalu, te augwali mesega sao po waibao.

2 Samuel 1:9

Tialima, agai te tiwai po enabolo wai, ‘Te boi bidi dabego ena doliyu, dwai mu elama, tama pąde ena isainu ebao. Nage polo asu, tama ena silagasao,’ walio.