Biblia Todo Logo
Bib sou entènèt

- Piblisite -




Kraisgo Geme Dualali Sę Pedelabo Po Jonbolo Ola Mani 9:5 - Godigo dwagi yai po buku

5 Dagego te tiwai bidi dabe augwalibolo dene mayu, tama polua a naga silibo si te dene mabo tagalao. Tiali goli dene mobadi dagego augwali ela mugio,” te po wai. Tama te kuli mano nai dabe augwaligo te bidi dabe augwalibolo dwai dene mabo, te nai nogi hwą agai te bidi gąų keleyu dene mabo tiwai ebo dao.

Gade chapit la Kopi




Kraisgo Geme Dualali Sę Pedelabo Po Jonbolo Ola Mani 9:5
12 Referans Kwoze  

Augwaligo danu te nai hwągo danu tiwai elalubo, te danude te bidibolo dwai dene mabo marasin te elalubao. Tama augwaligo danu dabego bomogo te bidi dabe dolobo sę elaluyu, tama te polua a nagade te sę ela bilibo.


Te po obaso, Godigo agabolo te po wali, “Eno aga nago nogode e tagalobao. Nago agai tigide magi sę me yabo homu ebaso da, yao. Tiali goli, nago aga mu isilamo dao,” Godigo te po wai.


Tama te kuli mano tiwai nai dabe umabo augwali te hano ebo tagaliyu, tama augwali e tǫba dulai. Tama augwaligo bomo te nai hwą, te bidi gąų kelebo nai hwągo bomo tiwai sali.


Tama Godigo aga sula tagaliyu ebaso, tama agai te Godigo we bidi dali wąbi hwįyu, tama augwali bomo aiyaba elaluai. Tama tiyu, aga te tigidali bidi hani tuni bidi bidainogo eyu, te tigidali tǫde me, te tigidali po wabo me, te tigidali haniani tigi yai bidi dabego tuni bidi aga bidainogo Godigo aga tama osogo sula tagalali.


Tama Godigo te dwai hudigi ebo hasa sula tagalali, tama agai dwai dwai po ola biliyu, God dali posobo po weyu, “Ena, ena digi ena God dao,” te tobage dwai po weyu bidai. Tama tiyu, agai te dwai kolesaga eyu, te we bidi tonalubo sę yabo bomo te polua bidi sese si olama me si, te 42 polua tama te usu nama elaluai.


Te bidi sigo te Godigo po pusubo silibo si, tama te dwai hudigi ebo hasa te tǫ dedage page meni yai digi bidali tagaliyu, tama aga buluba eda holaibao. Tama holama tama agai te bidi si dali hwįaibao. Agai te bidi sigo bomo aiyaba elaluyu, tama te bidi si ela mueibao.


Te Jisasgo agai po wei ponoyu, te po wai, “Tialima, God dagalu ugwadu bidibo bidi agai bomo nagebolo magi menigi sogo da, te nago bomogo ena aiyaba elalugi menio. Tama tibaso, ena nago nogoba muani bidi, te bidi agai sęgę genuai mu eyu, tama nago sęgę aiyaba elaluaibao,” Jisasgo te po wai.


Eno me tonono ebadi, tama eno gasa genuai hasa te uni pusi te nogi lepat tiwai suali. Te naigo bogo te me si me si aga tudide elaluali, tama aga tobolu te me si me si elaluali. Tama augwaligo agabolo te tigidali nai tonaluabo bomo mawai, te eno suali.


Te mu dao, eno ayago dagebolo sęgę mawai dao. Tiali goli, eno da, dagebolo sęgę genuai mu mawaibao. Agai dage bįgo elai dao. Tiali goli eno bomai bį wip selama, dage geninama mu elaibao,’ nago te po augwalibolo wao,” te gesi bidi ofisa bidi dabego te po wali.


“Tialima nage, te tǫde bidi, nage augwalide wi elama, te augwaligo nageba wabo pode nage wi me igio. Te augwaligo nago po aiyaba elaluama, nage begela dolaibao. Te nage augwali tomode bidiyu, te tiwai dwai haliga yaibao, nage te dwai sesane elalubo bono sili tomode bidibo tiwai yaibao. Ma, nage te dwai marasin elalubo hwą dabe tomode bidibo tiwai elalueibao. Tiali digi tagalao, nage augwalide wi eyu, te augwaligo pode me wi igio. Menio.


Swiv nou:

Piblisite


Piblisite